$باکووری کوردستان$
- پەیامە چاوەڕوانکراوەکەی #عەبدوڵڵا ئۆجەلان# بۆ ئاشتی لەگەڵ تورک و چەکدانانی #پەکەکە# لەلایەن ئەحمەد تورک خوێندرایەوە. پەیامەکە بووە ڕۆژەڤی زۆرێک لە میدیاکان.[1]

شاندی ئیمراڵیی دەم پارتی لە کۆنفرانسێکی ڕۆژنامەنووسیدا لە ئیستەنبوڵ نێوەڕۆکی پەیامەکەی #عەبدوڵڵا ئۆجەلان# ڕێبەرى زیندانیکراوى پەکەکەپەکەکەیان بڵاوکردەوە کە ئەمە داواکارییەکانى ئۆجەلانە بۆ دەستپێکردنى پرۆسەى ئاشتى:
پەیامەکەی ئۆجەلان: پەکەکە بڕیاری چەکدانان بدات، من ئەم بەرپرسیارێتییە لە ئەستۆ دەگرم. پەکەکە کۆنگرەی خۆی ببەستێت، بڕیاری خۆی بدات و گوێرایەڵی بانگەوازەکەی من بێت.
پەیامەکەی ئۆجەلان: پەکەکە لە سەدەی بیستەم دروستبوو. ئەو زەمینەیەی پەکەکەی تێدا دروستبوو. دوو جەنگی جیهانی بوو.
پەیامەکەی ئۆجەلان: پەکەکە پێویستی بە خۆهەڵوەشاندنەوە هەیە.
پەیامەکەی ئۆجەلان: پێویستە کورد و تورک بۆ مانەوەیان پێکەوە بژین.
پەیامەکەی ئۆجەلان: بۆ ئەوەی کورد و تورک لە دژی هێزە هەژموونخوازەکان لەسەر پێی خۆیانن بمێنن، هەمیشە پێویستییان بە پێکەوەییە. [1]

=KTML_Bold=تێبینی: ئەم بەڵگەنامەیە کێشەی ڕێنووس و ڕێزمانیی هەیە، کوردیپێدیا بەمەبەست هیچ دەستکارییەکی نەکردووە!=KTML_End=

#ساڵح موسلیم# رایگەیاند، سەرکردەکانی پەکەکەپەکەکە بەبێ دیراسەکردن و لێکۆڵینەوەیەکی ورد بانگەوازەکەی ئۆجەلان بۆ چەک دانان جێبەجێ ناکەن. دەشڵێت، ئەگەر هۆکارەکانی هەڵگرتنی چەک نەمان ئەوا چەک دادەنێین، بەڵام هێشتا پێویستمان بە چەک هەیە.
ئەمڕۆ پێنجشەممە ساڵح موسلیم، ئەندامی دەستەی سەرۆکایەتی #پارتی یەکێتیی دیموکرات (پەیەدە)# لە لێدوانێکدا بۆ پێگەی العربیە لەبارەی پەیامەکەی #عەبدوڵڵا ئۆجەلان# رایگەیاند، سەرکردەکانی پەکەکە بانگەوازەکەی ئۆجەلان جێبەجێ ناکەن، بەبێ دیراسەکردن و لێکۆڵینەوەیەکی ورد لە ئەنجامەکانی، هەروەها پێویستە چاوەڕێی بڕیاری کۆنگرەی پەکەکە بکەن بۆ ئەو مەبەستە.
ئاماژە بەوەشکرد، ئەگەر رێگەیان پێبدرێت کاری سیاسی بکەن، پێویست بە چەک ناکات، ئەگەر هۆکارەکانی هەڵگرتنی چەک نەمان ئەوا چەک دادەنێن، بەڵام ئاوان هێشتا پێویستیان بە چەک هەڵگرتن هەیە.
ئەوەش دوای ئەوە دێت، ئەمڕۆ شاندی دەم پارتی، پەیامی نوێی ئۆجەلانیان بڵاوکردەوە و لە پەیامەکەدا ئۆجەلان داوا دەکات پەکەکە چەک دابنێت و لە کۆنگرەیەکدا خۆی هەڵبووەشێنێتەوە. [1]

=KTML_Bold=تێبینی: ئەم بەڵگەنامەیە کێشەی ڕێنووس و ڕێزمانیی هەیە، کوردیپێدیا بەمەبەست هیچ دەستکارییەکی نەکردووە!=KTML_End=

فەرماندەی گشتیی هێزەکانی هەسەدە ڕایگەیاند، #عەبدوڵڵا ئۆجەلان# پەیامی بۆ ئەوان ناردبوو و ئەوان بەشێوەیەکی ئەرێنی لێی دەڕوانین.
ئەمڕۆ پێنجشەممە #27-02-2025#، #مەزڵوم عەبدی#، فەرماندەی گشتیی هێزەکانی سوریای دیموکرات (هەسەدە) لە ڤیدیۆ کۆنفرانسێکدا بە ڕۆژنامەنووسانی ڕاگەیاند، ئۆجەلان پەیامی بۆ ئێمەش ناردبوو و بۆچوونی خۆی تێدا ڕوونکردبووەوە و ئێمەش بەشێوەیەکی ئەرێنی لێی دەڕوانین.
ئاماژەی بەوەشکرد، بانگەوازی ئۆجەلان بۆ پەکەکە بوو، بەشێوەیەکی ڕاستەوخۆ بۆ ئێمە نەبووە، هەروەک چۆن پەیامی بۆ باشووری کوردستان و هەموو شوێنێکی نارد، بۆ ئێمەشی نارد. [1]

=KTML_Bold=تێبینی: ئەم بەڵگەنامەیە کێشەی ڕێنووس و ڕێزمانیی هەیە، کوردیپێدیا بەمەبەست هیچ دەستکارییەکی نەکردووە!=KTML_End=

سەرۆک #مەسعود بارزانی# پەیامێکی لەبارەی بانگەوازەکەی #عەبدوڵڵا ئۆجەلان# بڵاوکردەوە و ڕایگەیاند: هیوادارین پەیامەکەی بەڕێز ئۆجەلان دەستپێکێک بێت بۆ ئەوەی پڕۆسەی ئاشتی ڕێی خۆی بگرێت و، بگاتە ئەنجامێکی وا کە لە بەرژەوەندیی هەموو لایەک بێت.
ئەمڕۆ پێنجشەممە، #27-02-2025#، شاندی دەم پارتی لە ئیستەنبووڵ پەیامی ئاشتیی ئۆجەلانیان ڕاگەیاند. #ئەحمەد تورک# پەیامەکەی خوێندەوە. ئەوەش دوای ئەوەی شاندە حەوت کەسییەکە ئەمڕۆ سەردانی ئیمراڵییان کرد.
سەرۆک بارزانی، لەو بارەیەوە دەشڵێت: لەبارەی پڕۆسەی ئاشتی و چارەسەری لە تورکیا، جەخت لەسەر هەڵوێستی نەگۆڕی خۆمان دەکەینەوە و بە هەموو توانایەک پشتیوانی پڕۆسەی ئاشتی لە تورکیاین و ئاشتی بە تاکە ڕێگەی دروست بۆ چارەسەرکردنی کێشەکان دەزانین.
شاندی دەم پارتی لە ئیستەنبووڵ پەیامی ئاشتیی ئۆجەلانیان ڕاگەیاند. ئەحمەد تورک، سەرۆکی لەکارلادراوی شارەوانیی مێردین پەیامەکەی بە کوردی خوێندەوە. پەروین بوڵدان، پەرلەمانتاری دەم پارتی لە بازنەی وان پەیامەکەی بە تورکی خوێندەوە. ئەوەش دوای ئەوەی شاندە 7 کەسییەکە ئەمڕۆ سەردانی ئیمراڵییان کرد.
ئۆجەلان لە بانگەوازەکەیدا دەڵێت: داڕمانی سۆسیالیزمی واقیعی لەساڵی نەوەتەکاندا بە هۆکاری نێوخۆوە، کۆتاییهاتنی نکۆڵیکردن لە ناسنامەی کوردی لە وڵاتەکەدا، ئەو بەرەو پێشچوونانەی لە بواری ئازادیی ڕادەربڕیندا هاتوونەتە کایەوە، هەموو پێکەوە بوونەتە هۆکاری ئەوەی پەکەکە نێوەڕۆک و مانای بوونی خۆی لەدەستبدات و بەبەردەوامی خۆی دووبارە بکاتەوە. لەبەرئەوە پەکەکە تەمەنی کۆتایی پێهاتووە و هەڵوەشاندنەوەی بووەتە زەروورەت.
دەشڵێت: لە کەشوهەوای ئێستادا، کە بە بانگەوازی بەڕێز دەوڵەت باخچەلی دروست بووە و ئەو ئیرادەیەی کە بەڕێز سەرۆک کۆمار نیشانیداوە و هەڵوێستە ئەرێنییەکانی پارتە سیاسییەکانی دیکە بەرامبەر بەم بانگەوازە، من بانگەواز بۆ چەکدانان دەکەم و بەرپرسیارێتی مێژوویی ئەم بانگەوازە دەگرمە ئەستۆ. [1]

=KTML_Bold=تێبینی: ئەم بەڵگەنامەیە کێشەی ڕێنووس و ڕێزمانیی هەیە، کوردیپێدیا بەمەبەست هیچ دەستکارییەکی نەکردووە!=KTML_End=