02-08-2018
رۆژهەڵاتی کوردستان
- بەدەستپێکردنی شەپۆلێکی دیکە لە خۆپیشاندانەکان لە ئێران، لە ڕۆژهەڵاتی کوردستانیش بانگەوازیی کرا بۆ خۆپیشاندان لەدژی هەڵئاوسانی ئابوری و گرانی کاڵاکان، حکومەتی ئێرانیش شاری سنەسنەی بەسەربازیکردووە بۆ ڕێگریکردن لە دەستپێکردنی خۆپیشاندانەکان.[4]
- کۆڵبەرێکی دیکە کوردی خەڵکی یەکێک لە گوندەکانی شاری سەڵماسسەڵماس لە سنووری ئەو شارە، بە تەقەی هێزە سنوورپارێزەکان گیانی لە دەست دا. شوناس و ناونیشانی ئەو کۆڵبەرە کوردە، بە سلێمان بادۆشێوەسلێمان بادۆشێوە، خێزاندار و کوڕی عیسا، خەڵکی گوندی دەرگەی بەخشی کۆساری شاری سەڵماس ڕاگەیەندراوە.[5]
باشووری کوردستان
- بەرەبەیانی ئەمڕۆ، فڕۆکە جەنگییەکانی تورکیا، دەستیان بە بۆردوومانکردنی ناوچەی برادۆستبرادۆست کردەوە.[3]
- ئاساییشی هەولێرهەولێر تۆمارێکی دەنگ و ڕەنگیی ئیسماعیل سوسەییئیسماعیل سوسەییی بڵاوکردەوە کە تێیدا دان دەنێت بە پەیوەندییەکانی لەگەڵ داعشداعشدا.[3]
- دوای چوار ساڵ لە کۆمەڵکوژیی شنگالشنگال، بۆ یەکەمجار ڕێوڕەسمی جەژنی چلەی هاوینی کوردانی ئێزدی لە مەزارگەی لالش بەڕێوەچوو.[3]
- بەیانی ئەمڕۆ سوپای تورک باخ و باخچەیەکیان لە گوندی گرەزێرەل لە سنووری زاخۆزاخۆ گوللەباران کردوە و لە ئەنجامدا منداڵێکی ئێزدیی گیانی لەدەستداوە. منداڵەکە تەمەنی 12 ساڵە و ناوی ماهیر عەلی-یە.[4]
رۆژئاوای کوردستان
- چەتەکانی گروپی سوڵتان موراد و تابوری 112ی سەر بە ئەنقەرە لە گوندی داملیای ناوچەی ماباتای عەفرین 9 هاووڵاتیانی ڕفاندووە، کە یەکێکیان ژنە. ئەو هاووڵاتییانەی ڕفێندراون بریتین لە: 1 – سەیدۆ سلێمانی هیجی تەمەن 25 ساڵ، 2 – نەواف وەلید عەلۆ تەمەن 18 ساڵ، 3 – ئاڤدار ڕفات عەلۆ تەمەن 18 ساڵ، 4 – چەگەر حسێن عەبدوڵا تەمەن 35 ساڵ، 5 – محەمەد عەلی هیجی عومەر تەمەن 65 ساڵ، 6 – ئەحمەد مەحمود حەمۆ ئەبو جەبەل تەمەن 35 ساڵ، 7 – عەلی تەمەن 65 ساڵ، 8 – فاتمە فەخری عەلی تەمەن 49 ساڵ، 9 – بەخری قادر عەلی تەمەنی 35 ساڵ.[2]
دەرەوەی کوردستان
- وەزیری دەرەوەی تورکیا هەڕەشە لە ئەمریکا دەکات و ڕایدەگەیەنێت، هەوڵی سەپاندنی سزا بەسەر دوو وەزیری ئەواندا لەلایەن ئەمریکاوە بێ بەرامبەر نامێنێتەوە.[1]
- ڕێکخراوی لێبوردنی نێودەوڵەتی ڕایگەیاند، لە عەفرینعەفرینی داگیرکراودا مافەکانی مرۆڤ لە ئاستێکی مەترسیداردا پێشێڵ دەکرێت. ڕاشیگەیاند، تورکیا عەفرینی داگیرکردووە بەرپرسی ئەو پێشێلکارییانەیە.[2]
- بنیامین نێتانیاهو لە مەراسیمێکدا بۆ خەڵاتکردنی ئەفسەرە سەربازییەکانی سوپای ئیسرائیل قسەیکرد و ڕایگەیاند: ئەگەر ئێران هەوڵ بدات گەرووی باب ئەلمەندب دابخات، هاوپەیمانییەکی جیهانی لەدژی دەوەستێتەوە کە بێگومان هێزە ئیسرائیلییکانیش ئەندامێکی ئەو هاوپەیمانییە دەبن.[4]
- لە سێیەمین ڕۆژی خۆپیشاندانەکانی هاوڵاتیانی ئێران لەدژی هەڵئاوسانی ئابوری و گرانی کاڵاکان، خۆپیشاندان بەرفراوانتربووە و جگە لە ئەسفەهان و کەرەج، چەندین شاری دیکەشی گرتەوە.[4]
- لەنامەیەکی کراوەی هەڕەشەئامێزدا، سوپای پاسداران بە توندی هۆشداریی دەداتە حەسەن ڕۆحانی سەرکۆماری ئێران و داوای لێدەکات ڕێگە لە داڕووخانی زیاتری بەهای تمەن بگرێت.[1]