$باشووری کوردستان$
- چەکدارانی #داعش# هێرش دەکەنە سەر هەردوو ناوچەی یەنگیجە و قەریە سەلام لە سنووری #دوزخورماتوو#، بەڵام پێشمەرگە لێیان دێنە دەست و تەرمی 10 چەکداری داعش جێدەمێنێت.
- پاش ئەوەی هادی عامری لە لێدوانێکدا #وەزارەتی پێشمەرگە#ی بە کارتۆنی وەسفکرد، بریکاری وەزارەتی پێشمەرگە وەڵامی لێدوانەکەی هادی عامری دەداتەوە و دەڵێ سەرت دای لە بەرد و 15 ساڵی دیکە بیر لەوە بکەنەوە شەڕی پێشمەرگە بکەن.
- ئەلفرێد سیمس پڕۆت کۆنسوڵی گشتیی ئەڵمانیا لە هەرێمی کوردستان ڕایدەگەیەنێت: هاوکارییە سەربازییەکانی ئەڵمانیا لە چەند هەفتەی داهاتوودا دەگاتە هەولێر، ئاماژە بەوەشدەکات، ژمارەیەک پێشمەرگە دەنێردیرێنە ئەڵمانیا بۆ مەشقکردن.
- ئێوارەی ئەمڕۆ ئۆتۆمبێلێکی بۆمبڕێژکراو لە نزیک بازاڕی ناوندی شاری #کەرکووک# تەقییەوە و نزیکەی 16 کەس برینداربوون.[1]