باکووری کوردستان
- لە ناوەندی هاتای و ناوچەکانی ئەسکەندەروون، لە ئۆپەراسیۆنێکدا پۆلیسی تورکیا هەڵیکوتایە سەر ماڵی ئەندامانی هەدەپەهەدەپە. لەو ئۆپەراسیۆنەدا موحسین تاشان و ئەحمەد چاهان، هاوسەرۆکانی هەدەپەی ناوچەی ئەسکەندەروون و دەیان ئەندامی تری هەدەپە دەستگیرکراون.[1]
- لە دارستانەکانی ماقورک، ناوڤدەشت وڕێهلا ورچە-ی نێوان گوندەکانی کەهاهەمزۆ وهارێ-ی جولەمێرگجولەمێرگ بە هۆی تۆپبارانی سوپای داگیرکەری تورکیاوە دارستانەکانی ئەو ناوچانە ئاگریان تێبەربووە. بە بیانووی ئەوەی کە شوێنی ئاگرەکە ناوچەی قەدەغەکراوە ڕێگە نادەن کەس بۆکوژاندنەوە وکۆنتڕؤڵکردنی ئاگرەکە لەشوێنە نزیک بێتەوە. ڕاگەیەنرا کە ئاگرەکە لە ناوچەکە پەرەی سەندووە.[1]
- هاوسەرۆکایەتیی کۆنسەی بەڕێوبەری کۆما جڤاکێن کوردستان- کەجەکە، بانگەوازیی هاوڵاتیانی کوردی دانیشتووی ئەڵمانیای کرد، کە خۆیان لە هەڵسوکەوتی توند دووربگرن و بەگوێرەی یاسا چالاکی بکەن، هەروەها داوای لە حکومەتی ئەڵمانیا کرد، کە سەردانەکەی ئەردۆغان بۆ ئەڵمانیا بەتاڵ بکاتەوە.[4]
رۆژهەڵاتی کوردستان
- لە 18هەمین خولی کێبڕکێی وەرزشییەکان لە شاری جاکارتا، وەرزشوانانی کورد، توانیان بەسەر ڕکەبەرکانیان سەربکەون و میداڵە زێر و زێوەکان بۆ خۆیان مسۆگەر بکەن. پارێزگای کرماشانکرماشان بە بەشداریی 20 وەرزشوانی کچ و کوڕ، توانی 10 میداڵ بۆ خۆی لەو کێبڕکێیە ئاسیایییەدا بەدەست بهێنێت.[5]
- شەوی ڕابردوو، کۆڵبەرکۆڵبەرێکی کورد، خەڵکی شاری سەقزسەقز بە تەقەی ڕاستەوخۆی هەنگی سنووری نەنوور پێکرا و بۆ چارەسەری پزیشکی ڕەوانەی نەخۆشخانە کرا. هەواڵنێری کوردپا لە شاری سەقز شوناسی ئەو کۆڵبەرە کوردەی بە ناوی ئاکۆ مینایی ناسراو بە ئاکۆ سەعادەت تەمەن 23 ساڵ کوڕی تەوفیق خەڵکی گوندی پیرئۆمرانی شاری سەقز ڕاگەیاندووە.[5]
- دوو چالاکی کرێکاریی بە ناوەکانی موزەفەر ساڵح‌نیا ئەندامی هەیئەتی یەکیەتیی ئازادی کرێکارانی ئێران و خالید حوسێنی ئەندامی کۆمیتەی هەماهەنگی بۆ پێکهێنانی ڕێکخراوە کرێکارییەکان لە سنەسنە، لە لایەن هێزە ئیتلاعاتییەکانەوە دەسبەسەر کرا و بۆ شوێنێکی نادیار ڕاگوێزرا.[5]
باشووری کوردستان
- دانیشتوانی گەڕەکی ئازادی لە شارۆچکەی سۆرانسۆران لەدژی نەبوونی خزمەتگوزاری خۆپیشاندانیان ساز کردووە و هێزە ئەمنییەکان ڕێگە بە کەناڵەکانی ڕاگەیاندن نادەن ڕووماڵی خۆپیشاندانەکە بکەن. لەلایەکی ترەوە خۆپیشاندەران ڕێگەی سەرەکی سۆران – برادۆست-یان داخستووە.[3][4]
- لەچەند بۆسەیەکی پۆلیسی ئیتیحادی لەباشوری کەرکووککەرکووک 5 حەکداری گروپی تیرۆریستی داعشداعش کوژران، ژمارەیەکی زۆر بۆمبی چێندراویش پوچەڵکرایەوە.[2]
- پارتی و بزووتنەوەی گۆڕانبزووتنەوەی گۆڕان لە گردی زەرگەتەی سلێمانیسلێمانی کۆبوونەوە.[6]
- ئەنجومەنی سیاسی کۆمەڵی ئیسلامی ڕایگەیاند، کە خواستنی دواخستنی هەڵبژاردن خواستی ئەوان نییە و لەگەڵ ئەنجامدانی هەڵبژاردندان لەکاتی خۆیدا، داواش لە هاوڵاتیان دەکەن بەشداری لە هەڵبژاردندا بکەن.[4]
- فڕۆکە جەنگییەکانی دەوڵەتی تورکیای داگیرکەر ئەمڕۆ کاتژمێر 15:30 بۆردومانی دەوروبەری گوندەکانی قەڵاتوکان، سوورەدێ و دەڤەری شەهید هاڕوونیان کردووە لە هەرێمی قەندیلقەندیل. هاوکات فڕۆکە جەنگییەکانی داگیرکەر بۆردومانی دۆڵی ڕەش، لۆلان و شەکۆی ناوچەی برادۆستیان کردووە لە هەرێمی خواکورک.[6]
- کۆمسیۆنی باڵای سەربەخۆی هەڵبژاردنەکان و ڕاپرسیی هەرێمی کوردستان، وادەی دەستپێکردنی بانگەشەی هەڵبژاردنی پەرلەمانی هەرێمی کوردستانی بۆ 11ی ئەم مانگە دواخست.[6]
رۆژئاوای کوردستان
- شەڕڤانشەڕڤانانی یەپەگەیەپەگە و یەپەژەیەپەژە لە عەفرینعەفرین لە دژی سوپای داگیرکەری تورکیا و چەتەکانی چالاکییان ئەنجامدا. لە چالاکییەکەدا ژمارەیەکی زۆر لە سەربازان و چەتەکانی سوپای تورکیای داگیرکەر کوژران. یەکەم چالاکیی شەڕڤانانی یەپەگە و یەپەژە لە گوندی تیریندێ-ی عەفرین ئەنجامدرا. تەقینەوەیەک لە خاڵی پشکنینی گوندەکە ڕوویدا، لەو تەقینەوەیەدا ژمارەیەکی زۆر لە چەتەکانی لیوای شیمال و توگای 23ی کوژران. هەروەها لە چالاکیی دووەمدا شەڕڤانانی یەپەگە ویەپەژە لە چیای ئیهلام ئۆتۆمبیلێک-ی سەربازییان کردە ئامانج. لەو چالاکییەکدا ژمارەیەک چەتەی سەربە سوپای تورکیا کوژران.[1]
دەرەوەی کوردستان
- کوردستانییان لە کۆڵن، ناڕەزاییان دژی لەسێدارەدانی ڕامین حوسێن پەناهی دەربڕی.[6]
- وەزارەتی بەرگری تورکیا ڕایگەیاند کە داوای لە ویلایەتە یەکگرتوەکانی ئەمریکا کرودوە، چەکدارە کوردەکان لە خاکی سوریا دەربکات بە یەکجاری.[2]

ناوەندی ڕاگەیاندنی هێزەکانی پاراستنی گەل - هەپەگەهەپەگە دەربارەی چالاکییەکانی گەریلا ڕاگەیەنراوێکی بڵاوکردەوە و ئاشکرای کرد کە لە گەڤەر 5 سەرباز و لە ناوچەی ئەلکێی شرناخ-یش لایەنی کەم 2 سەربازی تورکیا کوژراون.
دەقی ڕاگەیەنراوی هەپەگە:
گەڤەر
(هێزەکانمان لە چوارچێوەی هەڵمەتی شۆڕشگێڕیی شەهید پیرۆز و شەهید ئاگری-دا، ڕۆژی 3ی ئەیلوول\12ی خەرمانان کاتژمێر 18:45 لە دژی سوپای تورکیای داگیرکەر کە لە دەریێ خز-ی سەر بە ناوچەی دەرێی جافەر-ی سنووری شاری گەڤەر-ی پارێزگەی جۆلەمێرگ جێگیر بووبوون، چالاکییەکیان ئەنجامدا. سەرکەوتوانە لە سەنگەر و بنکەکانی دوژمن درا. لە چالاکییەکەدا چەندین سەنگەر و چادری دوژمن ڕووخێنران و ئەوەندەی ڕوون بوویەوە 5 سەربازی دوژمن کوژران. لە دوای چالاکییەکە سوپای تورکیای داگیرکەر کوژراو و بریندارەکانی خۆی بە کۆپتەری سکۆرسکی لە ناوچەکە گواستەوە.
لە ناوچەی ئەلکێ-ی شرناخ زۆر سەرباز کوژران
سوپای تورکیای داگیرکەر شەوی 24ی ئاب\2ی خەرمانان لە ناوچەی دۆڵی لێڤن-ی پارێزگەی جۆلەمێرگ، ناوچەی ترشین‌ و چالیان-ی سنووری شارۆچکەی پایزاوا-ی پارێزگەی وان و ناوچەی ئەلکێی سەر بە پارێزگەی شرناخ ئۆپەراسیۆنێکی بەرفرەوانی دەستپێکرد. هێزەکانمان لە چوارچێوەی هەڵمەتی شۆڕشگێڕیی شەهید دەلال ئامەدئامەد و شەهیدانی بەستا-دا، نیوەڕۆی ڕۆژی 28ی ئاب\6ی خەرمانان چالاکییەکیان لە دژی یەکینەیەکی ئۆپەراسیۆنەکە لە سێگۆشەی ترشین، چالیان و فەڕاشین ئەنجامدا. لە چالاکییەکەدا زۆر سەرباز کوژران، بەڵام ژمارەی کوژراو و بریندارەکانی هێزەکانی داگیرکەر ڕوون نەبوویەوە. ئۆپەراسیۆنە داگیرکارییەکە ڕۆژی 31ی ئاب\9ی خەرمانان بەبێ ئەنجام کۆتایی هات.
هێزەکانمان لە چوارچێوەی هەڵمەتی شۆڕشگێڕیی شەهید دەلال ئامەد و شەهیدانی بەستا-دا، ڕۆژی 3ی ئەیلوول\12ی خەرمانان کاتژمێر 17 لە ناوچەی دەریێ بەرانا-ی سەر بە دەڤەری کاتۆ مارینۆس لە سنووری شارۆچکەی ئەلکێی شرناخ دژی سەربازانی داگیرکەر چالاکییەکیان ئەنجامدا. لە چالاکییەکەدا سەرکەوتوانە لە هێزەکانی دوژمن درا و 2 سەرباز کوژران و سەربازێکی دیکەش بریندار بوو.
ئۆپەراسیۆنی داگیرکەر و چالاکیی گەریلا لە قەرس
سوپای تورکیای داگیرکەر ڕۆژی 1ی ئاب\10ی گەلاوێژ لە گوندی گەڤەنتەپە-ی سەر بە ناوچەی قاقزمان-ی پارێزگەی قەرس ئۆپەراسیۆنێکی بەرفرەوانی دەستپێکرد. ڕۆژی 5ی ئاب\14ی گەلاوێژ لەنێوان هێزەکانی ئێمە و هێزەکانی داگیرکەر شەڕێکی سەخت ڕوویدا. له و شەڕەدا چەندین سەربازی دوژمن کوژران، بەڵام ژمارەی کوژراو و بریندارەکان ڕوون نەبوویەوە. هێزەکانی داگیرکەر لە مێدیاکانی خۆیەوە پڕوپاگەندەی ئەوەی کرد کە لەم ئۆپەراسیۆنەدا زیان بە گەریلا گەیشتووە. ئه و زانیارییانەی لە مێدیای دوژمندا بڵاودەکرێنەوە ڕاست نین، یەکینەکەی ئێمە کە بەشداری ئه و شەڕە بووە بە سەلامەتی گەڕاوەتەوە بنکەکەی خۆی.
هێرشی ئاسمانی
فڕۆکە جەنگییەکانی سوپای تورکیای داگیرکەر ڕۆژی 3ی ئەیلوول\12ی خەرمانان کاتژمێر 21 بۆمبارانی دۆڵی قیامەتی کرد لە نزیک گوندی زاوێتە و گوندی چەمرۆبۆتکیی سەر بە ناوچەی چەمانکێی شاری دهۆکدهۆک. بەهۆی بۆمبارانەکە ئاگر لە دارستان کەوتەوە و زیانێکی زۆر بە ڕەز و باخی گەل کەوت. ئاگرەکە هێشتا دانەمرکاوەتەوە.[1]
04-09-201804-09-2018