05-01-2020
رۆژهەڵاتی کوردستان
- ئارام فەتحیئارام فەتحی شاعیر، ڕۆژنامەنووس و چالاکی مەدەنی ڕۆژهەڵاتی کوردستان لەلایەن هێزە ئەمنییەکانەوە لە مەریوانمەریوان دەستگیرکرا.[2]
باشووری کوردستان
- ئێران، لە هەردوو کۆنسوڵخانەی خۆی لە هەولێرهەولێر و سلێمانیسلێمانی، پرسە بۆ کوژرانی قاسم سلێمانیقاسم سلێمانی، فەرماندەی فەیلەقی قودسی سوپای پاسداران دەگێڕێت.[1]
- نەسروڵا ڕەشنودی، سەرکونسوڵی ئێران لە هەولێر ئەمڕۆ لە میانەی پرسەی قاسم سلێمانی-دا بە ڕۆژنامەنووسانی ڕاگەیاند: لە دژی کوشتنی قاسم سلێمانی هەموو خەڵکی ئێران خواستی تۆڵەسەندنەوەی هەیە، خواستی جیهانی ئیسلام و بەرەی بەرگرییە کە تۆڵە لە ئەمریکا بکاتەوە.[3]
- هێزەکانی ئەمریکا و کونسوڵخانەی ئه و وڵاتە لە هەولێر چەند ڕیوشوێنێکی توندی ئەمنی دەگرنەبەر و بەردەوامیش فڕۆکە و هەلیکۆپتەری ئەمریکی بەئاسماندا دەسوڕێنەوە.[3]
- لە مۆزەخانەی نیشتمانی ئەمنەسورەکە ڕێورەسمی ناساندن و واژۆکردنی سێ کتێبی نوسەر سمکۆ سابیرسمکۆ سابیر لە بواری (ئەنفال و تێگەیشتنە جیاوەزەکان- جینۆسایدی زەڕگۆشەکان-شێخ حوسێنی هەزارکانی) ئەنجامدرا. کتێبەکان تایبەتن بەتاوانی و ئەنفال و جینۆسایدی گەلی کورد.[4]
- لە شارەکانی سلێمانی، هەولێر، هەڵەبجەهەڵەبجە و ئیدارەکانی گەرمیانگەرمیان و ڕاپەڕین و چەندین شارۆچکە و شارەدێی دیکە، خۆپیشاندانی دەرچووانی زانکۆ و پەیمانگاکان بەردەوامە، کە داوا دەکەن حکومەت دایان بمەزرێنێت.[5]
- ژمارەی چەکدارەکانی حەشدی شەعبیحەشدی شەعبی لە شارۆچکەی شەنگال لە 600 چەکدارەوە بۆ 100 چەکدار کەمبووەتەوە و ئەوانەش لە ترسی ئەمریکا جمۆجۆڵی خۆیان کەمکردووەتەوە.[3]
دەرەوەی کوردستان
- دۆناڵد تڕمەپ سەرۆکی ئەمریکا بە توندی وڵامی هەڕەشەکانی بەرپرسانی ئێرانی دایەوە کە دوای کوشتنی قاسم سولەیمانی فەرماندەی سوپای قودس لە ئەمریکایان کرد و وتی، ئەگەر هێرشێک ئەنجامبدرێت، 52 ئامانجمان لە ئێران دیاریکردووە و بە زودترین کات هێرش دەکەینە سەریان.[1]
- پەڕڵەمانی ئێڕاق پرۆژە بڕیاری دەرکردنی هێزەکانی هاوپەیمانانی لە ئێڕاق پەسندکرد و فڕاکسیۆنە کوردییەکان بەشداریی دانیشتنەکەیان نەکرد. لە دانیشتنەکەدا وێنەی قاسم سلێمانی لە هۆڵی پەڕڵەمان بەرزکرایەوە[1]