[1]

سەرۆکی یەکێتیی نیشتمانی کوردستان 33هەمین ساڵیادی ڕاپەڕینە مەزنەکەی گەلی کوردستان پیرۆزدەکات و ڕایدەگەیەنێت: بەشانازییەوە یادی ڕاپەڕین دەکەینەوەو وەک بەڵێنمان داوەو دوپاتیشی دەکەینەوە یەکێتیی نیشتمانیی کوردستان ئەو هێزە نییە و نابێت کە پشت لە خەڵکەکەی بکات، هەنگاوی کاریگەرمان لەپێناو ژیان و گوزەرانی خەڵکەکەمان ناوە و ئەنجامەکەشی لای هەموولایەک ڕوونە.

دەقی پەیامی بافڵ تاڵەبانی....
هاونیشتمانییانی خۆشەویست
جەماوەری خۆشەویستی ڕانیەڕانیە و دەڤەری ڕاپەڕین
ئەمڕۆ بە شانازییەوە یادی ڕاپەڕینە مێژووییەکەی گەلی کورد و جوامێری و ئازایەتیی ئێوە دەکەینەوە، یادی هەموو ئەو پێشمەرگە قارەمان و تێکۆشەرانە دەکەینەوە کە گڕیان لە شەوەزەنگ بەردا و مژدەی داهاتوویەکی ڕووناکتریان بە کوردستان بەخشی.
یەکێتیی نیشتمانیی کوردستان دەزانێت ئێوە چ مێژوویەکی پڕ لە شانازی و درەوشاوەتان تۆمارکردووە و چەند ڕۆڵەی قارەمانتان بەم خاکە بەخشیوە، لە یادمانە چەند ئازارتان چەشت و لە چ دەربەدەرییەکدا ژیان، بۆ ئەمەش یەکێتی هەمیشە قەرزاری ئێوە و خۆڕاگریی کەسوکاری سەربەرزی شەهیدەکانمانە.

دەزانین نیگەرانییەکان زۆرن و ئەو ئامانجانەی خوێنی گەشی شەهیدەکانمانی لەپێناو ڕژا، وەکخۆی نەهاتنەدی. خزمەتگوزارییەکان لە ئاستی پێویستدا نین و دۆخەکە بەو شێوەیە نییە کە ئێوە و ئێمەش هیوامان بۆ خواستبوو. بەڵام وەکچۆن لەماوەی ڕابردوودا بەڵێنمان پێدان ئەم ڕێڕەوە نادروستەی سیاسەت و حوکمڕانی ڕاستدەکەینەوە و پێگەی دەستووریی کورد لە ناوەندی بڕیاری سیاسی لە بەغدابەغدا دەپارێزین، ئێستاش دووپاتیدەکەینەوە، یەکێتیی نیشتمانیی کوردستان ئەو هێزە نییە و نابێت کە پشت لە خەڵکەکەی بکات.
لەماوەی ڕابردوودا بە پشتیوانیی خوا و خەڵکی خۆشەویستی کوردستان هەنگاوی کاریگەرمان لەپێناو ژیان و گوزەرانی خەڵکەکەمان ناوە و ئەنجامەکەشی لای هەموولایەک ڕوونە، بێگومان هەر کارێکیش کە کردوومانە و دەیکەین لەچوارچێوەی پاراستنی بەرژەوەندییە باڵا و نیشتمانییەکان دەبێت و هەموو ئامانجێکمان سەرفرازیی خەڵک و پاراستنی خاکی کوردستانە.
دروود بۆ ڕۆحی شەهیدان و سەربەرزیی بۆ کەسوکارە خۆڕاگرەکەیان
شاد و سەرفرازبن. [1]

بافڵ تاڵەبانیبافڵ تاڵەبانی
سەرۆکی یەکێتیی نیشتمانیی کوردستانیەکێتیی نیشتمانیی کوردستان
تێبینی: ئەم بەڵگەنامەیە کێشەی ڕێنووس و ڕێزمانیی هەیە، کوردیپێدیا بەمەبەست هیچ دەستکارییەکی نەکردووە!

بەرە بەیانی ئەمڕۆ 05-03-2024، مەسروور بارزانی، سەرۆکی حکومەتی هەرێمی کوردستانحکومەتی هەرێمی کوردستان بەبۆنەی ساڵیادی راپەڕینی گەلی کوردستان پەیامێکی بڵاوکردەوە و راپەڕین بە وەچەرخانێکی مێژووی بەرامبەر بە ستەم و داگیرکاریی ناودەبات.

دەقی پەیامەکەی سەرۆکی حکوومەتی هەرێمی کوردستان:
لە 33یەمین ساڵیادی راپەڕینی شکۆداری ساڵی 1991ی گەلی کوردستاندا، گەرمترین پیرۆزبایی لە خەڵکی کوردستان و پێشمەرگە قارەمانەکان و بنەماڵەی سەربەرزی شەهیدان دەکەم. رێز و پێزانینم بۆ هەموو تێکۆشەران و کوردستانپەروەران و بەشدارانی ڕاپەڕین و بۆ هەموو ئەوانەی لە کاروانی ئازادی و سەرفرازی و پێشکەوتن و ئاوەدانیی و خۆڕاگریی هەرێمی کوردستاندا، رەنجیان دا و ماندوو بوون، دروود بۆ گیانی پاکی ئەو شەهیدانەی لەم رێگەیەدا گیانیان بەخت کرد.
ڕاپەڕینی ئاداری 1991، یەکێکە لە گرنگترین رووداوە بەرهەمدارەکانی مێژووی کوردستان و شانازییەکی گەورە و سەروەرییەکی مەزنی گەلی کوردستانە، کە بەرهەمی یەکڕیزی و یەکگرتوویی سەرجەم چین و توێژ و پێکهاتەکانی گەلی کوردستان و هێز و لایەنە کوردستانییەکان بوو، رەتکردنەوەی یەکجارەکی ستەم و داگیرکاری و ژێردەستەیی بوو، بەرهەمەکەی دروستبوونی قەوارەی فیدراڵیی هەرێمی کوردستان و دامەزراوە شەرعی و دەستوورییەکانی هەرێم بوو.

ئەمڕۆ کە یادی راپەڕین دەکەینەوە زۆر گرنگە و پێویستە هەموو لایەن و پێکهاتە و هەر تاکێکی کوردستانی، بە یەکڕیزی و یەکدەنگی، داکۆکی لە دەستکەوتە نیشتمانییەکان و مافە دەستوورییەکانی گەلی کوردستان بکەن.
بۆیە پێویستە قەوارەی فیدراڵی هەرێمی کوردستان و بەها بەرزەکانی راپەڕین و بنەماکانی بەیەکەوەژیانی ئاشتییانە و ئاشتیخوازی و مرۆڤ دۆستیی گەلی کوردستان، هەمیشە بپارێزین و گەشەیان پێ بدەین، بە دڵنیاییشەوە سەروەریی هەموومان بەندە بەبوونی کوردستانەوە.
با یادی راپەڕین، هاندەری زیاترمان بێت بۆ ئەوەی پشتیوانی قەوارەی دەستووری هەرێم و حکوومەتی هەرێمی کوردستان بین، تا بتوانێت بە باشترین شێوە، خزمەتێکی شایستەتر پێشکەشی سەرجەم خەڵکی کوردستان بکات و بەیەکەوە، هەرێمی کوردستان، بەرەو قۆناغێکی گەشەسەندووتر ببەین.
بەرز و شکۆدار بێت ساڵیادی ڕاپەڕینی ئاداری 1991.
سەری ڕێز و نەوازش بۆ شەهیدانی ڕاپەڕین و سەرجەم شەهیدانی کوردستان دادەنوێنین. [1]

مەسرور بارزانیمەسرور بارزانی
سەرۆکی حکوومەتی هەرێمی کوردستان
05-03-202405-03-2024
تێبینی: ئەم بەڵگەنامەیە کێشەی ڕێنووس و ڕێزمانیی هەیە، کوردیپێدیا بەمەبەست هیچ دەستکارییەکی نەکردووە!

لەیادی 33 ساڵەی ڕاپەڕیندا، شاڵاو کۆسرەت ڕەسوڵ پەیامێکی بڵاوکردەوە و ڕایگەیاند:راپەڕین و سەرجەم ڕووداوە مێژووییەکان سەلماندوویانە بەیەکگرتوویی و یەکگوتاری و لەپێناو ئامانجی هاوبەش دەتوانین بە ئامانجەکانمان بگەین و کێشەکان چارەسەر بکەین.

دەقی پەیامەکە:
ساڵیادی ڕاپەڕینی جەماوەری خەڵکی کوردستان لە ڕانیەڕانیەی دەروازەی ڕاپەڕینەوە لە هەموو خەڵکی کورستان و پێشمەرگە قارەمانەکان و تێکۆشەرە دێرینەکان و کەسوکاری سەربەرزی شەهیدان پیرۆز دەکەم، بەهەمان ڕۆحیەتی بەرزی ڕاپەڕینەوە خەبات دەکەین بۆ بەئەنجام گەیاندنی ئامانجەکانی ڕاپەڕین.
ڕاپەڕین و سەرجەم ڕووداوە مێژووییەکان سەلماندوویانە بەیەکگرتوویی و یەکگوتاری و لەپێناو ئامانجی هاوبەش دەتوانین بە ئامانجەکانمان بگەین و کێشەکان چارەسەر بکەین.
یادی ڕاپەڕین پیرۆز، ڕێزو شکۆ بۆ تێکۆشەرانی ئەوێ ڕۆژێی خەبات و هەموو ئەوانەی خەباتیان کرد بۆ ڕزگارکردنی کوردستان و لەناوبردن و ڕاوەدونانی بەعسبەعس، سەری ڕێزو نەوازش بۆ سەرجەم شەهیدانی کوردستان و شەهیدانی ڕاپەڕین. [1]

شاڵاو کۆسرەت ڕەسوڵشاڵاو کۆسرەت ڕەسوڵ
05-03-202405-03-2024
تێبینی: ئەم بەڵگەنامەیە کێشەی ڕێنووس و ڕێزمانیی هەیە، کوردیپێدیا بەمەبەست هیچ دەستکارییەکی نەکردووە!

دەقی پرسەنامەکەی مەکتەبی سیاسیی پارتی دیموکراتی کوردستان بۆ خانەوادەی (ئازاد محەمەد گەراز)
بەڕێزان/ خانەوادەی هەڤاڵی خوالێخۆشبوو (ئازاد محەمەد گەراز)

بە داخ و پەژارەیەکی زۆرەوە هەواڵی کۆچی دوایی هەڤاڵی خوالێخۆشبوو (ئازاد محەمەد گەراز)مان بیست، بە خەمناکییەوە پرسە و سەرەخۆشی خۆمان ئاڕاستەی ئێوە و کەسوکار و بنەماڵە بەڕێزەکەتان دەکەین، خۆمان بە هاوبەشی خەمتان دەزانین.
ئومێدەوارین دڵنەوایی و هاوخەمی هەڤاڵ و دۆست و ئازیز و خزمانی خوالێخۆشبوو ببێتە مایەی سەبووری و ئارامگرتنتان و لە خەم و خەفەتتان کەم بکاتەوە، جارێکی دیکە پرسە و سەرەخۆشی خۆمان دووبارە دەکەینەوە، داواکارین لە خوای گەورە خوالێخۆشبوو بە بەهەشتی بەرین شاد بکات و ئێوەش لە کۆستی دیکە بە دوور بگرێت. [1]

مەکتەبی سیاسیی
پارتی دیموکراتی کوردستانپارتی دیموکراتی کوردستان
05-03-202405-03-2024
تێبینی: ئەم بەڵگەنامەیە کێشەی ڕێنووس و ڕێزمانیی هەیە، کوردیپێدیا بەمەبەست هیچ دەستکارییەکی نەکردووە!

کەسوکاری سەربەرزی شەهیدان
کۆمەڵانی خەڵکی کوردستان
یادی 33 ساڵەی راپەڕینی گەلەکەمان لە هەموو کۆمەڵانی خەڵکی کوردستان پیرۆز بێت ، بە تایبەتی لە کچان و کوڕانی کوردەواری کە لە سایەی ئەزموونی خۆبەخۆ و دیموکراتی وڵاتەکەماندا پێگەییون و ئەمڕۆش دیمەنی هەرە گەشی پرۆسەی سیاسی وڵاتەکەمان پێکدێنن.
لە 05-03-202405-03-2024 دەروازەی راپەڕین ،لە ڕانیەڕانیەوە، بۆ زەماوەندی ڕزگاری لە سلێمانیسلێمانی و روخانی قەڵای ستەمی بەعسبەعس لە هەولێرهەولێری هۆلاکۆ بەزێن و دهۆکدهۆکی رەنگین و خانەقینخانەقینی بووکی گەرمسێر و تەواوی شار و شارۆچکەکانی تر تا نەورۆزی ڕزگاری کەرکووککەرکووکی قودسی کوردستان، هەڵمەتی راپەرین داستانێکی نیشتمانیی گەلەکەمان بوو بە ڕابەرایەتی یەکێتیی نیشتمانیی کوردستان و جەماوەری خۆراگری بەعس بەزێن.
ئەمرۆش دوای زیاتر لە سێ دەیە لە راپەڕین و پرۆسەی سیاسیی کوردستان وا لە حوزەیرانی ئەمساڵدا روومان لە هەڵبژاردنی داهاتووی پەرلەمانی کوردستانە و دەرفەتێکی زێڕین هاتۆتەکایەوە تا بە گیانی پڕ جۆشوخرۆشی سەرەتاکانی ڕاپەڕینی دێرینەوە و بە دەنگدانی دیموکراتی لە هەڵبژاردنێکی پاک و بێگەردا ئەزموونی خۆماڵیمان مشتوماڵ بکەینەوە و پێکەوە بە بەشداری فراوان و کارای نەوە تازەکانی کوردەواری رێڕەوی حکومڕانیمان چاکتر و گەشەپێبدەین و ئەوەی ماوە لە ئامانجە ستراتیژییەکانی ڕاپەڕین بەدیبهێنین. بە جۆرێک هەڵبژاردنی داهاتوو بکەینە دەرفەتی زێرین بۆ بوژاندنەوەی ئامانجەکانی راپەڕینی دێرین.
لە بیرەوەری هەمیشە گەشاوەی بڵێسەی راپەڕیندا
سڵاو لە شەهیدانی ڕاپەڕین و سەرجەم شەهیدانی بزووتنەوەی ڕزگاریخوازی گەلەکەمان و خەباتی دیموکراتی لە عیراقدا
سڵاو لە پێشمەرگە قارەمانەکان و رێکخستنەکانی داینەمۆی راپەڕین.
گەلی کوردستانیش، بە هەموو پێکهاتەکانییەوە، هەر شاد و سەربەرز و سەرکەوتووبن. [1]

مەکتەبی سیاسی
یەکێتیی نیشتمانیی کوردستانیەکێتیی نیشتمانیی کوردستان
تێبینی: ئەم بەڵگەنامەیە کێشەی ڕێنووس و ڕێزمانیی هەیە، کوردیپێدیا بەمەبەست هیچ دەستکارییەکی نەکردووە!

سەرۆکی هەرێمی کوردستان لە یادی ڕاپەڕین دا دەڵێت، گەلی کوردستان بە یەکڕیزی دەتوانێت بەرامبەر هەڕەشەکانى سەر قەوارەى دەستووریى هەرێمى کوردستان بوەستێتەوە.

دەقی پەیامەکەی نێچیرڤان بارزانینێچیرڤان بارزانی لە یادی ڕاپەڕین:
ساڵیادى (33)ى ڕاپەڕینى شکۆدارى گەلى کوردستان لە خانەوادەى سەربەرزى شەهیدان، پێشمەرگە قارەمانەکان و تەواوى خەڵکى کوردستان بە هەموو پێکهاتەکانییەوە پیرۆز بێت. سڵاو و دروود لە یادى شەهیدە قارەمانەکانى ڕاپەرین و تەواوى شەهیدانى کوردستان.
گەلى کوردستان کە پێنجى ئازارى 1991 لە ڕانیەى دەروازەى ڕاپەڕینەوە، ‌گیانى له ‌سەردەست دانا و بێ سڵەمینەوە لە مەرگ لەپێناو ئازادیدا ڕاپەڕى، کۆتایى به یەکێک لە خوێناویترین و دژوارترین سەردەمەکانى ستەم و دکتاتۆرى هێنا. ئیتر هەرگیز واز لە ئازادى و ئامانجە پیرۆزەکانى ڕاپەڕین ناهێنێت.
ڕاپەڕین بە بڕوا و ئیرادەى مەزنى گەلی کوردستان بۆ ئازادى و سەرفرازى، بە یەکڕیزى و تەبایى سەرکەوت و دەستکەوتەکانى لە دەستوورى عێراقى فیدراڵیدا چەسپاند. ئێستاش هەر بە یەکڕیزی دەتوانێت بەرامبەر هەڕەشەکانى سەر فیدراڵى و ماف و دەستکەوتەکان و قەوارەى دەستووریى هەرێمى کوردستان بوەستێتەوە و داهاتوویەکى باشتر بۆ نەوەکانى مسۆگەر بکات.

ئامانجە پیرۆزەکانى ڕاپەڕین لە ژیان و ئازادى، دیموکراسى، کۆمەڵگەیەکى ئارام و پێشکەوتوو، لە بنیاتنانى ئێستا و داهاتوویەکى باشتر، لە کوردستانێکى بەهێز کە لانکەى پێکەوەژیان و یەکترقبووڵکرن و لێبوردەیى بێت، تەنیا بە کارى هاوبەش و یەکهەڵوێستى و پێکەوەییمان دەبێت.
مێژوو سەلماندوویەتى کە ناکۆکى و دووبەرەکى، ئەزموونى زۆر تاڵن و زیانى زۆریان لە پێگە و دەرفەت و دەستکەوتەکان داوە. بۆیە سەرکەوتنى ڕاپەڕین دەبێ هەمیشە بۆ هەموومان وانە و نەخشەڕێگەى کارمان بێت. با بە بڕوا و ئومێدەوە هەموومان پێکەوه دەست لەناو دەست‌، بۆ تێپەڕاندنى ئاڵنگارى و سەختییەکان و لەپێناو داهاتوویەکى باشتردا کار بکەین.
سڵاو لە یادى ڕاپەڕین، لە گەلى دڵسۆز و خۆڕاگرى کوردستان، دروود بۆ گیانى پاکى شەهیدان. [1]

نێچیرڤان بارزانى
سەرۆکى هەرێمى کوردستان
05-03-202405-03-2024
تێبینی: ئەم بەڵگەنامەیە کێشەی ڕێنووس و ڕێزمانیی هەیە، کوردیپێدیا بەمەبەست هیچ دەستکارییەکی نەکردووە!

کۆسرەت ڕەسوڵ عەلی 33 هەمین ساڵیادی ڕاپەڕینی خەڵکی کوردستان پەیامێکی بڵاوکردەوە و ڕایگەیاند:ئاواتەخوازم هێز و لایەنە سیاسییەکان ململانێکانیان وەلا بنێن و خەبات بکەن بۆ خزمەتکردنی کۆمەڵانی خەڵکی کوردستان و چارەسەرکردنی ڕیشەیی کێشەکان، ئەوەی هەمانە بەری ڕەنج و قوربانیدانی هەزاران شەهیدو تێکۆشەرە، پاراستنی واجبێکی پیرۆزە.
(33)هەمین ساڵیادی ڕاپەڕینی خەڵکی کوردستان لە پێشمەرگە قارەمانەکان و کەسوکاری سەربەرزی شەهیدان، ڕێکخستنە نهێنییەکانی ناوشار، شانە چەکدارەکان و تەواوی خەڵکی کوردستان پیرۆز دەکەم، ئومێد دەکەم ئەم یادە هەوێنی تەبایی و یەکڕیزی نێوان سەرجەم هێزو لایەنە سیاسییەکان بێت.

33 ساڵ لەمەوبەر، هێزی پێشمەرگەی کوردستان بەهاوکاری ڕێکخستنەکانی ناو شارو شانە چەکدارەکان و بە بەشداری ڕاستەوخۆی جەماوەری ڕاپەڕیو توانی بەرەنگاری دڕندەترین ڕژێم بێتەوە و لە کوردستان وەدەری بنێت و خاکی پیرۆزی کوردستان لە خانەقینخانەقین تا زاخۆزاخۆ ڕزگار بکات.
ئەمڕۆ کە یادی ئەم ڕۆژە مێژووییە دەکەینەوەو کوردستان بە دۆخێکی یەکجار هەستیارو مەترسیدار تێپەڕ دەبێت، پێویستمانە بە هەمان ڕۆحیەتی ڕۆژانی ڕاپەڕین دەست لەناو دەست بەتەبایی و یەکڕیزی لەپێناو یەکگرتوویی و کوردو ئامانجە وەدینەهاتووەکانمان خەبات بکەین و داکۆکی لە گەلی خۆمان بکەین، ئاواتەخوازم هێزو لایەنە سیاسییەکان ململانێکانیان وەلا بنێن و خەبات بکەن بۆ خزمەتکردنی کۆمەڵانی خەڵکی کوردستان و چارەسەرکردنی ڕیشەیی کێشەکان، ئەوەی هەمانە بەری ڕەنج و قوربانیدانی هەزاران شەهیدو تێکۆشەرە، پاراستنی واجبێکی پیرۆزە.
دووبارە ساڵیادی ڕاپەڕین لە هەموو گەلی کوردستان پیرۆز دەکەم و سەری ڕێزو نەوازش بۆ شەهیدان دادەنوێنین. [1]

کۆسرەت ڕەسوڵ عەلیکۆسرەت ڕەسوڵ عەلی
تێبینی: ئەم بەڵگەنامەیە کێشەی ڕێنووس و ڕێزمانیی هەیە، کوردیپێدیا بەمەبەست هیچ دەستکارییەکی نەکردووە!