[1]

ڕاگەیێندراوێک لە بارەگای بارزانییەوە
بەناوی خودای بەخشندە و میهرەبان
جێگەی داخێکی زۆرە لەیادی ڕاپەڕیندا حزب و لایەنە سیاسییەکان و لایەنگرانیان هەوڵی ئەوە دەدەن کە ئەو یادە بە حزبی بکەن و هەریەکەو بە جۆرێک لە جۆرەکان خۆی بە خاوەن و ئەنجامدەری ڕاپەڕین لە قەڵەم بدات.
ڕاپەڕین دەرئەنجامی یەکڕیزی و تێکۆشانی هەمەلایەنەی جەماوەر و لایەنەکانی ناو بەرەی کوردستانی و پێشمەرگە و ڕێکخستنە نهێنییەکان و سەرجەم چینوتوێژە جیاجیاکانی کوردستان و، درێژکراوەی خەباتێکی دوورودرێژ و بەردەوامی گەلی کوردستان بوو.
پەیام و ئامانجەکانی ڕاپەڕین بەرز و گرانبەها و نیشتمانی و نەتەوەیین و، نابێ بە حزبی و بچووک بکرێنەوە و لە مانا و جەوهەر بەتاڵ بکرێن. ڕاپەڕین بە ڕەنج و ماندووبوون و هەوڵی هەموو لایەک سەرکەوت، بۆیە خاوەن و ئەنجامدەری ڕاستەقینەی ئەو ڕووداوە مەزنە، کوردستانە بە هەموو حزب و لایەن و کەسایەتی و هاووڵاتیانیەوە.
بارەگای بارزانی
6ی ئاداری 2023
[1]

ڕاگەیێندراوێک لە وتەبێژی حکومەتی هەرێمی کوردستانەوە

بە مەبەستی پاراستنی گیانی هاووڵاتییان و پشتبەستن بە ڕاپۆرتی وەزارەتی گواستنەوە و گەیاندن، بۆ ماوەی سێ ڕۆژ (7 و 8 و 9ی شوباتی 2023) ، لە هەموو دامودەزگاکانی هەرێمی کوردستان بە ناوەندەکانی خوێندنی حکومی و ناحکومیی هەردوو وەزارەتی پەروەردە و خوێندنی باڵا و توێژینەوەی زانستی، پشووی فەڕمیدەبێت.
لەگەڵ ئەوەشدا، جگە لە ئێشکگریی هەردوو وەزارەتی ناوخۆ و تەندرووستی لە بەردەوامیدان بە پێشکەشکردنی خزمەتگوزارییەکان و حاڵەتی لەناکاو، پڕۆسەی دابەشکردنی مووچەی فەرمانبەرانی هەرێمی کوردستان بەردەوام دەبێت. [1]

#جوتیار عادل#
وتەبێژی حکومەتی هەرێمی کوردستان
6ی شوباتی 2023