$باکووری کوردستان$
- بەهۆی بۆردومانی ئاسمانیی سوپای تورکیا لە دۆڵی ڕۆژ لە ناوچەی کوتودەرەی #دێرسیم# ئاگرێک کەوتووەتەوە و ماوەی 7 ڕۆژە بەردەوامە. هاووڵاتییان دەیانەوێت ئاگرەکە بکوژێینەوە، بەڵام سەربازانی تورکیا بە پاساوی 'ناوچەی ئەمنیی تایبەت' ڕێگری لە چوونی هاووڵاتییان دەکەن بۆ دۆڵی ڕۆژ و بەو پاساوە ڕێگایان پێنادەن ئاگرەکە بکوژێینەوە. دامودەزگا پەیوەندارەکانی حکومەتی تورکیاش هیچ کارێک ناکەن بۆ کوژاندنەوەی ئەو ئاگرە. ئاگرەکە لە تەشەنەسەندنی بەردەامدایە و ئاگرەکە گەیشتووەتە سنووری گوندەکانی گیولەچ و زەریکان لە ناوچەی مازگرت، هاووڵاتییان دەستیان بە کوژاندنەوەی ئەو بەشە لە ئاگرەکە کرد، بەڵام لە سنوورەکانی ترەوە ئاگرەکە بەردەوامیی هەیە.[4]
$رۆژهەڵاتی کوردستان$
- کاتژمێر 4 و 30 خولەکی ئێوارە، کۆڕەشێعرێک لەژێر ناوی سترانی هەنار بە مەبەستی خزمەت بە شێعر و ئەدەبی کوردی بۆ نیزیک بە پازدە کەس لە شاعێرانی کوردستان لەلایەن ئەنجومەنی مەولەوی کورد لە شاری #سەقز# بەڕێوەچوو.[6]
$باشووری کوردستان$
- ژمارەیەک چالاکی کۆمەڵگەی مەدەنی و کوردانی ڕۆژهەڵات لە بەردەم بارەگای #نەتەوە یەکگرتووەکان# لە #هەولێر# گردبوونەتەوە و داوا دەکەن (#ڕامین حوسێن پەناهی#) لە زیندان ئازادبکرێت.[2]=KTML_Photo_Begin=https://www.kurdipedia.org/files/relatedfiles/2018/153211/0008.JPG=KTML_Photo_Alt=لەبەردەم بارەگای نەتەوە یەکگرتوەکان گردبوونەوەیەک ئەنجامدرا=KTML_Style=width:30%;height:20%;float:right;=KTML_Photo_Target_Link=https://www.kurdipedia.org/files/relatedfiles/2018/153211/0008.JPG=KTML_Photo_End=
- ئەمجەد حوسێن پەناهی، برای ڕامین بەناوی بنەماڵەکەیەوە بە ڕۆژنامەڤانانی ڕاگەیاند ژمارەیەک چالاکڤانی دیکەش لە سلێمانییەوە بە چوار پاس ویستیان بێنە هەولێر، لە بازگەی #تاسڵوجە# ڕێگریمان لێکرا.[3]
- لە #سلێمانی# پەردە لەسەر پەیکەری #ئیبراهیم پاشای بابان# لادەبرێت.[1]
- تۆپخانەکانی سوپای پاسدارانی ئێران بەچڕی تۆپبارانی کوێستانەکانی بەربزینی سەر بە شارۆچکەی #سیدەکان# دەکەن،‌ فڕۆکەی چاودێریش لە ئاسمانی ناوچەکەدا دەسوڕێتەوە.[3]
- وەفدێکی سەربازیی ئەڵمانیا لە سەردانێکیاندا بۆ کوردستان، ڕایدەگەیەنن کە کورد دۆستێکی نزیکیانە و هاوکارییە سەربازییەکانیشیان بۆ هێزی #پێشمەرگە# کە ڕۆڵی گرنگی هەبووە لەتێکشاندنی تیرۆرستانی #داعش# بەردەوامدەبێت.[5]=KTML_Photo_Begin=https://www.kurdipedia.org/files/relatedfiles/2018/153211/0014.JPG=KTML_Photo_Alt=پەردە لەسەر پەیکەری ئیبراهیم پاشای بابان لادرا=KTML_Style=width:30%;height:20%;float:left;=KTML_Photo_Target_Link=https://www.kurdipedia.org/files/relatedfiles/2018/153211/0014.JPG=KTML_Photo_End=
- ئەمڕۆ، 80 شێوەکاری شاری بەغدا و شاری سلێمانی لە مۆزەخانەی نیشتمانیی ئەمنەسوورەکەی شاری سلێمانی، پێشانگایەکی شێوەکاریی هاوبەشیان بەدروشمی هەمیشە پێکەوەین کردەوە. هەر شێوەکارێک بە تابلۆیەک بەشداریی لە پێشانگاکەدا کردبوو. بڕیارە پێشانگاکە ماوەی 10 ڕۆژ بەردەومبێ و لە یەکەم ڕۆژیشدا هاوڵاتییەکی زۆر سەردانی پێشانگاکەیان کرد.[6]
$دەرەوەی کوردستان$
- پلاتفۆڕمی #عەفرین# که ڕێکخەری فێستیڤاڵی کولتوورییە ڕایگەیاند، حکوومەتی ئەڵمانیا فێستیڤاڵی کولتووری قەدەغە کرد کە بڕیار بوو ڕۆژی 8ی ئەیلوول\17ی خەرمانان بەڕێوەبچێت.[4]=KTML_Photo_Begin=https://www.kurdipedia.org/files/relatedfiles/2018/153211/0009.JPG=KTML_Photo_Alt=دەستەی مافی مرۆڤی عێراق: لە خۆپیشاندانەکانی بەسرە نۆ کەس کوژراون=KTML_Style=width:30%;height:20%;float:right;=KTML_Photo_Target_Link=https://www.kurdipedia.org/files/relatedfiles/2018/153211/0009.JPG=KTML_Photo_End=
- بارودۆخی شار و شارۆچکەکانی باشوور ئێراق، بەتایبەتری بەسرە زۆر تێکچووە. لە چەند ڕۆژی ڕابردوودا خۆپیشاندانەکانی بەسرە دەیان کوژرا و برینداری لێکەوتووەوە. خۆپیشاندەران زۆرێک لە باڵەخانە حکومییەکانیان سووتاندووە. ئەمڕۆش قەدەغەکردنی هاتووچۆ لە بەسرە ڕاگەیەندرا.[1]
- ئێوارەی ئەمڕۆ لەدرێژەی خۆپیشاندانەکانی بەسرە، لەباشووری عێراق، خۆپیشاندەرێک لەناو بینای پارێزگای بەسرە سووتا و ماڵی حەوانەی پارێزگاری شارەکەش سووتێنران کە بەوەش تائێستا نزیکەی 15 خۆپیشاندەر کوژراون.[2]

ژووری چالاکییەکانی تووڕەیی زەیتوون لە #عەفرین# ڕاگەیەنراوێکی بڵاوکردەوە و ئاشکرای کرد، یەکینەکانیان لەسەر ڕێگەی عەفرین - جندرێس چالاکییەکیان ئەنجامداوە و چەتەیەکیان بە ناوی فایز ساڵح تاهە (ئەبوو ساڵح خاتوونی) کوشتووە.
ڕاگەیەنراوی ژووری چالاکییەکانی تووڕەیی زەیتوون:
(ڕوونە کە ئه و چەتانەی لە هەموو شارەکانی سووریاوە هاتوون و شار و گوندەکانی خۆیان جێهێشتووە و لە عەفرینی پیرۆز کۆبوونەتەوە، ماڵ و موڵکی هاوڵاتییان تاڵان دەکەن و ئەشکەنجەی گەلی عەفرین دەدەن. ئه و چەتانە ئیدی ناتوانن خۆیان بپارێزن لە دەستی #شەڕڤان#ەکانمان کە لە هەموو ناوچە و گوندەکانی عەفرین بڵاوبوونەتەوە و چالاکی لە دژیان ئەنجام دەدەن.
یەکێک لە چالاکییەکانمان لە دژی چەتەیەک بە ناوی فایز ساڵح تاهە (ئەبوو ساڵح خاتوونی) بوو کە ئەندامی گرووپی جەبهەی شامیەیە. ئه و چەتەیە خەڵکی شاری دوومای سەر بە شامە و لە لایەن شەڕڤانانی ئێمە کوژراوە.
چەتە فایز تاهە چاوەڕوانی نەدەکرد لە بەرانبەر ئه و کردەوانەی لە دژی دانیشتوانی عەفرین کردوویەتی، سزا بدرێت. ئه و وانەی لە چالاکییەکانی ئێمە دژی چەتەکانی دیکە وەرنەگرت. لەبەرئەوە چالاکییەکەی شەڕڤانانی ئێمە لەسەر ڕێگەی جندرێس - عەفرین نامەیەک بوو بۆ هەموو چەتەکان، بۆ ئەوەی باش بزانن کە ئەوان لە هەر شوێنێک بن، شەڕڤانانمان دەتوانن دەستیان پێبگەیەنن و تۆڵەیان لێ بکەنەوە.)[1]
#06-09-2018#

ناوەندی ڕاگەیاندنی یەکینەکانی پاراستنی گەل (#یەپەگە#) ڕاگەیەنراوێکی بڵاوکردەوە و دەستنیشانی کرد کە لە 5ی ئەیلوول\14ی خەرمانان چالاکییەکیان لە #عەفرین# دژی چەتە داگیرکەرەکان ئەنجامداوە.
لە ڕاگەیەنراوەکەدا هاتووە، له و چالاکییەکەدا گرووپی چەتەکانی جەبهەی شامیەیان کردووەتە ئامانج و 2 داگیرکەر کوژراون و 2ی دیکەش بریندار بوون. یەپەگە ئاماژەی بۆ ئەوە کردووە یەکێک له چەتە‌ بریندارەکان ماڵی گەلی تاڵان دەکرد و دواتر دەیفرۆشت.
(لە چوارچێوەی قۆناغی دووەمی بەرخۆدانی سەردەم لە عەفرین، هێزەکانمان بەردەوامن لە چالاکییەکانیان لە بەرانبەر سوپای تورکی داگیرکەر و چەتەکانی.)
لە ڕاگەیەنراوەکەی یەپەگەدا هاتووە: (5ی ئەیلوول\14ی خەرمانان هێزەکانمان لە دژی ئۆتۆمبێلێکی سەربازیی جەبهەی شامیە کە 4 چەتەی تێدابوون و یەکێکیان بەرپرسی بازرگانیی گرووپی چەتەی زەیتوون بوو و ماڵ و موڵکی گەلی تاڵان کردبوو، لە گوندی دیکمەداش-ی سەر بە ناوچەی شەرا چالاکییەکی کاریگەریان ئەنجامدا. لە ئەنجامی چالاکییەکەدا ئۆتۆمبێلەکە تێکشکێنرا، 2 چەتە کوژران و 2ی دیکەش بریندار بوون کە یەکێکیان بەرپرسی بازرگانی بوو. ناوی ئه و چەتانەی له و چالاکییەدا کوژران و بریندار بوون بریتین لە: حوسێن عەلیتۆ (خەڵکی تل ڕەفعەت)، مازن چاوش (خەڵکی شام)، عەمەر کنۆ (خەڵکی عەزاز)، عەبدولڕەحمان جادر (خەڵکی جەرابلووس).)
لە چالاکییەکدا دژی فەیلەقی شام چەتەیەک کوژرا
لە لایەکی دیکەوە ژووری ئۆپەراسیۆنی تووڕەیی زەیتوون لە ڕاگەیەنراوێکدا ئاشکرای کرد کە ئەندامێکی گرووپی فەیلەقی شام بە ناوی عەبدولەتیف عەقیل کە سەر بە دەوڵەتی تورکیایە لە عەفرین کوژراوە.
لە مانگێکدا 57 داگیرکەر کوژراون
ناوەندی ڕاگەیاندنی یەپەگە ڕۆژی 3ی ئەیلوول\12ی خەرمانان ئاماری شەڕی مانگی ئابی بڵاوکردەوە و ڕایگەیاند، 57 داگیرکەر کوژراون کە لەناویاندا 7 سەربازی تورک و 2 سەرچەتە هەبوون.[1]
#06-09-2018#

ژووری چالاکی تووڕەیی زەیتوون لەسەرماڵپەڕی فەرمی خۆی ڕاگەیەنراوێکی بلاوکردەوە وئاشکرای کرد کە چالاکی #شەڕڤان#ان بۆتۆڵەسەندنەوە وسزادانی چەتە داگیرکەرەکان بەردەوامە.
بە پێی ڕاگەیەنراوەکە، لە ئەنجامی چالاکییەکی شەڕڤانان لە ڕۆژی 3ی ئەیلوول/12ی خەرمانان سەرچەتەیەکی چەتەکانی فەیلەق-ی شام بەناوی عەبدوڵا ئیکێل لە ناوچەی شەرا-ی #عەفرین# کوژرا.
لە کۆتایی ڕاگەیەنراوەکەدا هاتووە، ئێمە بەڵێنمان داوەتە گەلەکەمان کە درێژە بە بەرخۆدانی خۆمان بدەین، تۆڵەی عەفرین بکەینەوە وهەتاکوگەلی عەفرین نەگەڕێنەوە سەرماڵ وحاڵی خۆیان تێکۆشانی ئێمە بەردەوام بێت.[1]
#06-09-2018#

ناوەندی ڕاگەیاندنی هێزەکانی پاراستنی گەل (#هەپەگە#) دەربارەی چالاکییەکانی گەریلا لە باشووری کوردستان و جۆلەمێرگ ڕاگەیەنراوێکی بڵاوکردەوە. بە گوێرەی ڕاگەیەنراوەکە 8 سەربازی سوپای تورکیای داگیرکەر لە شاری گەڤەری سەر بە جۆلەمێرگ کوژراون.
دەقی ڕاگەیەنراوی هەپەگە:
(لە چوارچێوەی هەڵمەتی شۆڕشگێڕیی شەهید پیرۆز و شەهید ئاگری-دا، هێزەکانمان لە دژی سەربازانی تورکیای داگیرکەر چالاکییان ئەنجامدان. زانیاریی بەرفرەوان دەربارەی چالاکییەکان:
5ی ئەیلوول\14ی خەرمانان کاتژمێر 7:10 هێزەکانمان لە ناوچەی برادۆستی دەڤەری #سیدەکان# لە باشووری کوردستان، دژی سوپای تورکیای داگیرکەر لەسەر گردی لێلیکان چالاکییەکیان ئەنجامدا. لە دوو قۆڵەوە گورزی تووند لە سەنگەر و پەناگەکانی دوژمن درا. ژمارەی ئه و سەربازانەی له و چالاکییەدا کوژران و بریندار بوون ڕوون نەبوویەوە. هێزەکانی داگیرکەر لە دوای چالاکییەکە تۆپبارانی ناوچەکەیان کرد.
ئێوارەی 4ی ئەیلوول\13ی خەرمانان سوپای تورکیای داگیرکەر لە ناوچەی چەرچەلا-ی سەر بە شاری گەڤەری پارێزگەی جۆلەمێرگ هێرشێکی تووندی ئاسمانییان کردە سەر گردی چارچەلا. سوپای تورکیای داگیرکەر لە دوای بۆمبارانەکە بە کۆپتەری جۆری سکۆرسکی سەربازەکانی خۆی لە ناوچەکە دابەزاند. هێزەکانمان لە چوارچێوەی هەڵمەتی شۆڕشگێڕیدا بەرەبەیانیی 5ی ئەیلوول\14ی خەرمانان لە دژی سەربازان هەڵمەتێکیان دەستپێکرد و چالاکییان ئەنجامدا. لەم چالاکییەدا 8 سەربازی دوژمن کوژران و ژمارەیەکی زۆریشیان بریندار بوون. سوپای تورکیای داگیرکەر لە دوای چالاکییەکە بە چەند کۆپتەرێکی سکۆرسکی تەرمی سەربازەکان و بریندارەکانی خۆی لە ناوچەکە هەڵگرتەوە. حکوومەتی فاشیستی ئاکەپە - مەهەپە و مێدیاکەیان، بە ڕێ و ڕێبازی شەڕی تایبەت هەوڵیاندا ئه و گورزانەی بەر سوپای تورکیا کەوتوون لە چارچەلا بشارنەوە. لە هەموو لێدوانەکانیاندا باسی ژمارەیەکی زۆری زیانەکانی گەریلایان کرد و وەهایان پیشاندا که ئەوان‌ سەرکەوتوو بوون. سوپای تورک کە زۆری لێ کوژران، بە ڕێبازی شەڕی تایبەت ژمارەی کوژراوەکانی خۆی لە کۆمەڵگە دەشارێتەوە.
هێزەکانمان ڕۆژی 4ی ئەیلوول\13ی خەرمانان لە دژی سەربازانی سەر گردی خەرەگۆلێ لە ناوچەی چەلێی سەر بە جۆلەمێرگ چالاکییەکیان ئەنجامدا. گورزی تووندیان لە سەنگەرەکانی دوژمن دا، بەڵام ژمارەی سەربازە کوژراو و بریندارەکان ڕوون نەبوویەوە. هێزەکانی داگیرکەر لە دوای چالاکییەکە بە ئۆبوس و هاوەن تۆپبارانی ناوچەی شەهید ڕۆستەم-یان کرد. بەهۆی بۆمبارانەکە ئاگر لە هەرێمەکە کەوتەوە و تا ئێستاش بەردەوامە.)[1]
#06-09-2018#