$ڕۆژاوای کوردستان$
- گەمارۆی گەڕەکەکانی شێخ مەقسوود و ئەشرەفییە بەردەوامە و #هەسەدە# هۆشداری دەدات لە ڕوودانی کۆمەڵکوژیی کورد لە لایەن چەتە ئیسلامییەکانی داگیرکەری عەرەبی سووریاوە. بەپێی سەرچاوەکان تاوەکوو ئەمڕۆ 7 کەس گیانیان لەدەستداوە و زۆرتر لە 50 کەس برینداربوون.
- گەڕەکە کوردەکانی #حەڵەب# بە چڕی بۆردوماندەکرێن و هەندێک لە دانیشتووانەکانیان شوێنەکانیان چۆڵکردووە. [1]

=KTML_Bold=بۆ ڕای گشتی جەماوەری کوردستان #07-01-2026# =KTML_End=
جەماوەری دڵسۆزی کوردستان
جێی داخە جارێکی تر حکومەتی دیمەشق پەلاماری گەڕەکە کوردییەکانی شاری #حەلەب# (ئەشرەفیەو #شێخ مەقسوود#) یان دا.
بەتۆندی هێرشەکانی بەناو سۆپای سووریا و گرۆپە تیرۆرستییەکان بۆ سەر گەڕەکە کوردییەکانی شاری حەلەب (ئەشرەفیەو شێخ مەقسوود) ڕیسواو شەرمەزار دەکەین و داوا دەکەین دەستبەجێ هێرشەکانیان بوەستێنن.
هەروەها داوا لە ئەنجوومەنی ئاساییش و هێزەکانی هاوپەیمانان دژ بە تیرۆرستانی #داعش# بەتایبەتیی ئەمریکاو فەرەنسا دەکەین فشار بخەنە سەر حکومەتی ڕاگوزەری سووریا و گڕۆپە تیرۆرستییەکان بەزووترین کات کۆتایی بە هێرشەکانیان بهێنن.
ئێمە لە (بزووتنەوەی نوێبوون) پێمان وایە ئەگەر سووریا نەبێتە وڵاتێکی فیدڕالی و مافی هەموو پێکهاتەکان نەچەسپێنرێت هەرگیز سووریا سەقامگیرو ئارام نابێت و بۆیە پێویستە فیدڕالیەت بە ڕۆژاوای کوردستان بدرێت و دەستووری نوێ بنووسرێتەوەو مافەکانی گەلی کوردستان لە دەستووردا بچەسپێنرێن.

ئەنجوومەنی سەرکردایەتی
#بزووتنەوەی نوێبوونی کوردستان#
07-01-2026
[1]
تێبینی: ئەم بابەتە بە ڕێنووسی سەرچاوەی ئاماژە پێکراو نووسراوە، کوردیپێدیا هیچ دەستکارییەکی نەکردووە!

بە نیگەرانییەکی قووڵەوە لە رووداوەکانی شێخ مەقسوود و ئەشرەفییە لە حەلەب دەڕوانم، لەم کاتە سەخت و دژوارەدا دڵم لای گەلەکەمانە لە رۆژئاوای کوردستان.
هیوادارم هەموولایەک دان بەخۆیاندا بگرن و ژیرانە مامەڵە لەگەڵ ئەم رووداوە نەخوازراوەدا بکەن و لە رێگای دیالۆگ و گفتوگۆی بەرپرسیارانەوە کێشەکان چارەسەر بکەن.
پشتگیریی لە هەر هەوڵێک دەکەم بۆ هێورکردنەوەی دۆخەکە و چارەسەکردنی ئاشتییانەی کێشەکان. [1]
بافڵ جەلال تاڵەبانی
سەرۆکی #یەکێتیی نیشتمانیی کوردستان#
=KTML_Bold=تێبینی: ئەم بەڵگەنامەیە کێشەی ڕێنووس و ڕێزمانیی هەیە، کوردیپێدیا بەمەبەست هیچ دەستکارییەکی نەکردووە!=KTML_End=

بەناوی خودای مەزن و دلۆڤان
گۆڕانکارییە سیاسیەکانی سووریا دەرفەتێکی باش بوو بۆ دۆزینەوەی ڕێگاچارەیەکی گونجاو بۆ ئەوەی ڕەچاوی مافە ڕەواکانی گەلی کورد لە سووریا بکرێت و سەرجەم کێشەکانیش چارەسەر بکرێن. لەوپێناوەشدا لەگەڵ هەموو لایەنەکان هەوڵی زۆرمان دا کە پێویستە هەرچی گرفت و ناکۆکی هەیە لەڕێگەی دیالۆگ و بە شێوازی ئاشتیانە چارەسەر بکرێن.
بەڵام ئەو بارودۆخە مەترسیدار و ئەو شەڕ و توندوتیژیەی کە ئێستا لە شاری حەلەب هەیە جێگەی نیگەرانییەکی زۆرە و مەترسی لەسەر ژیانی خەڵکی سڤیل و هاووڵاتیانی بێتاوان دروست کردووە و هەڕەشەی پاکتاوی ڕەگەزی لەدژی کورد لەو ناوچەیەدا هەیە.
داوا لە دەستەڵاتدارانی سووریا دەکەم ناکۆکیی سیاسی نەکرێتە ناکۆکیی نەتەوەیی و لەو کێشە و گرفتانەی لە ناوچەی حەلەبدا هەن ڕێگە نەدرێ هاووڵاتیانی کورد تووشی گوشار و زەبروزەنگ و دەرکردنیان لە شوێنی باب و باپیرانیان و پاکتاوی ڕەگەزی ببنەوە، هەروەها داواش لە لایەنە کوردییەکان و بە تایبەت (قسد) دەکەم ئەوەی لە توانایاندا بێت بیکەن لەپێناو ڕاگرتنی شەڕ و پێکدادان و ڕێگەگرتن لە خونڕێشتنی زیاتر و هەردوولا کار بۆ گرتنەبەری ڕێگەی دیالۆگ و گفتوگۆ بکەن بۆ چارەسەرکردنی کێشەکان. ناکرێ بوونی ناکۆکیی سیاسی ببێتە هۆی ئەوەی ژیانی خەڵکی سڤیل بخرێتە ژێر مەترسی و پاکتاوی ڕەگەزی لەدژی گەلی کورد ڕوو بدات و ئەوە تاوانی دژی مرۆڤایەتیە و دەرئەنجامی مەترسیداری لێدەکەوێتەوە. [1]
مسعود بارزانی
7ی کانوونی دووەمی 2026
=KTML_Bold=تێبینی: ئەم بەڵگەنامەیە کێشەی ڕێنووس و ڕێزمانیی هەیە، کوردیپێدیا بەمەبەست هیچ دەستکارییەکی نەکردووە!=KTML_End=