$باشووری کوردستان$
- داگیرکەری تورک بە درۆن هێرشی کردە سەر فڕۆکەخانەی #سلێمانی#. هێرشەکە زیانی گیانی و مادیی لێنەکەوتەوە. سەرچاوەکان باس لەوەدەکەن کە #مەزڵوم کۆبانی# و #ئیلهام ئەحمەد# لە فڕۆکەخانەی سلێمانییەوە گەڕاونەتەوە بۆ رۆژاوا و ئامانجی هێرشەکەش تیرۆرکردنی ئەوان بووە.
[1]

زۆر بەتوندی ئیدانەی هێرشکردنەسەر فڕۆکەخانەی نێودەوڵەتی #سلێمانی# دەکەین و بە پێشێلکارییەکی مەترسیداری سەروەریی ئێراق لە قەڵەمی دەدەین.
ئەو پەلامارە ھاوکاتە لەگەڵ داخستنی ئاسمانی تورکیا بەڕووی فڕۆکەخانەی سلێمانیدا، ئەم پێشھاتانە ئاماژەی دۆخێکی نەخوازراون کە لێکەوتە و کاریگەریی خراپیان دەبێت و ھیچ پاساوێک نابینین بۆ ئەم دۆخە، لایەنی تورکی ھێشتا ئێراقی ئاگادار نەکردۆەوە و ھیچ پاساوێکی بۆ ئەو ھەنگاوەی لە دژی فڕۆکەخانەی سلێمانی نەخستۆتەڕوو.
لەگەڵ وەزارەتی دەرەوەی ئێراق و لایەنە پەیوەندیدارەکان گفتوگۆمان کردووە و بەردەوام لەسەر ھێڵین، ھەموو ڕێگەیەکی سیاسی و دیبلۆماسی دەگرینەبەر و ھەوڵی گفتوگۆ و ڕاستکردنەوەی ئەو دۆخە نەخوازراوە دەدەین لەگەڵ حکومەتی تورکیا و باڵیۆزخانەی ئەو وڵاتە لە بەغدا.[1]

دیلان غەفور
سەرۆکی لیژنەی پەیوەندییەکانی دەرەوە لە پەڕڵەمانی ئێراق

هێرشکردنە سەر فڕۆکەخانەی نێودەوڵەتیی #سلێمانی# و هەوڵە نەزۆکەکەی نۆکەرانی بێگانە بەتوندی ئیدانە دەکەین کە ئامانج لێی تێکدانی ئاسایشی سنووری سلێمانییە.

کردەی تاوانکاری و بەزاندنی سنووری هەرێم و عیراق بە چاوساغی و رێنیشاندانی لایەن و دەزگایەکی ئەمنی هەواڵگریی ناوخۆیی، حاڵەتێکی نامۆ نییە و مێژوویەکی درێژمان لەگەڵیدا هەیە. بەڵام سلێمانی و مێژووەکەی، سلێمانی و خەڵکەکەی زۆر لەوە گەورەتر و قارەمانترن کە خەیاڵی پووچی لایەنێک ناو و ناوبانگی لەکەدار بکات و ژیانی خەڵکەکەی تێکبدات.

#یەکێتیی نیشتمانیی کوردستان# لە رابردوودا لەپێناو پاراستنی تەبایی و بەدیهێنانی بەرژوەندییە باڵاکانی گەلەکەمان پشوودرێژ بووە، بەڵام بەردەوامیی رەفتارە نەشیاو و ناپەسەندەکانی بەشێک لە دەزگا ئەمنییەکانی لایەنێکی سیاسی لەژێر سایەی حکومەتێکی تاکڕەو و خۆسەپێندا، هەموو سنوورێکی بەزاندووە و دۆخەکەی گەیاندووەتە بنبەست.

ئێمە شانازی بە کوردبوون و کوردایەتیی خۆمانەوە دەکەین. کوردستانمان لە دڵماندا هەڵگرتووە و لەپێناو ژیانی خەڵکەکەمان رووبەڕووی هەموو مەترسییەکان بووینەتەوە و دەبینەوە. تێکدانی ئارامیی هەرێم و شاری سلێمانی هێڵی سوورە.

جارێکی تر و بە دەنگێکی بەرزتر دەیڵێینەوە، یان کوردستان یان نەمان.[1]

بافڵ #جەلال تاڵەبانی#
سەرۆکی یەکێتیی نیشتمانیی کوردستان
تێبینی: ئەم بەڵگەنامەیە کێشەی رێنووس و رێزمانیی هەیە، کوردیپێدیا بەمەبەست هیچ دەستکارییەکی نەکردووە!

ناوەندی ڕاگەیاندنی هێزەکانی سووریای دیموکرات لە ڕاگەیەنراوێکدا دەڵێت: ئەو زانیاریانەی باس لە بەئامانجگرتنی فەرماندەی گشتی دەکەن، دوورن لە ڕاستییەوە
هەموو ئەو هەواڵانەی کە بانگەشەی ئەوە دەکەن کە فەرماندەی گشتی هێزەکانمان مەزڵوم عەبدی لە شاری #سلێمانی# کراوەتە ئامانج، دورن لە ڕاستییەوە.
فەرماندەی گشتی لە ئەرکدایە.
ئەو هەواڵە ساختانە بە ئامانجی ڕەشبگیری سیاسی بەرانبەر هەندێک هێز لە باشووری کوردستان ئەنجام دەدرێن.[1]

ناوەندی ڕاگەیاندنی #قەسەدە#
07 نیسانی 2023

ئەمڕۆ ئێوارە 2023/4/7 کاتژمێر 4:18 خولەک لە نزیک سیاجی فڕۆکەخانەی نێودەوڵەتی #سلێمانی# تەقینەوەک روویدا کە تیایدا هیچ زیانێکی گیانی و ماددی نەبوو و بووە هۆی ئاگرکەوتنەوە، دەستبەجێ تیمەکانی بەرگری شارستانی فڕۆکەخانە گەیشتنە شوێنی ڕووداوەکە و ئاگرەکەیان کۆنترۆڵ کرد.
لە ئێستادا هێزەکانمان سەرقاڵی لێکۆڵینەوەن لە ڕووداوەکە و لە داهاتوودا زانیاری زیاتر بڵاو دەکەینەوە.
هاووڵاتییان و گەشتیارە بەڕێزەکان ئاگاداردەکەینەوە، کە هیچ گرفتێک لە فڕۆکەخانە نییە و گەشتەکان و کاروبارەکانی فڕۆکەخانە بەشێوەی ئاسایی خۆیان بەڕێوەدەچن.[1]

بەڕێوەبەرایەتی ئاساییشی
فڕۆکەخانەی نێودەوڵەتی سلێمانی

نیگەرانیی خۆمان بەرامبەر بە پەلاماردانی فڕۆکەخانەی نێودەوڵەتیی #سلێمانی# دەردەبڕین. ئەم دۆخە ترسناکە لە ئەنجامی داگیرکردنی دامودەزگاکانی حکومەت و بەکارهێنانیان بو کاری نایاسایی هاتۆتە ئاراوە.
ڕەفتاری دەسەڵاتێکی خۆسەپێنی حزبی لە سنووری سلێمانی کاری گەیاندە ئەوەی ئاسمانی تورکیا بەڕووی فڕوکەخانەی نێودەوڵەتیی سلێمانی دابخرێت و دواتر پەلامار بدرێت، لە ئەنجامیشدا هاووڵاتییانمان لەو دەڤەرە باجی هەڵەکانیان بدەن.
‏‎پێویستە کوتایی بەم کارە ناڕەوایانە بێت و دەسەڵاتی حکومەت بگەڕێتەوە و حوکمڕانییەکی شایستە، کە شایانی خەڵکی سلێمانی بێت و لە خزمەتی خەڵک و بەرژەوەندییەکانیدا بێت، جێگیر بکرێت و کۆتاییش بەو دۆخە ئاڵۆزەی ئەو دەڤەرە بێت و ژیانێکی شایستە بۆ خەڵکی سەربەرزی سلێمانی دەستەبەر بکرێت. [1]

د. #جوتیار عادل#
‏‎گوتەبێژی حکومەتی هەرێمی کوردستان
7ی نیسانی 2023
=KTML_Bold=تێبینی: ئەم بەڵگەنامەیە کێشەی رێنووس و رێزمانیی هەیە، کوردیپێدیا بەمەبەست هیچ دەستکارییەکی نەکردووە!=KTML_End=

=KTML_Bold=ڕێواز فایەق، سەرۆکی پەرلەمان:
هیچ پاساوێک نیە بۆ هێرشی ناڕەوای سەر فڕۆکەخانەی مەدەنی سلێمانی=KTML_End=

- هیچ پاساوێک نیە بۆ هێرشی ناڕەوای سەر فڕۆکەخانەی مەدەنی سلێمانی، وەک چۆن هەموو هێرشەکانی ڕابردوو بۆ سەر فڕۆکەخانەی هەولێر ناڕەوابوون.
- حکومەتیش واجبیەتی بە هەمان پێوەر مامەڵە لەگەڵ هەموو شارەکانی هەرێمی کوردستان بکات، شەرمەزاری بۆ ئەنجامدەرانی هێرشەکە و هەر کەس هێرشەکە بە ڕەوا دەبینێت. [1]

=KTML_Bold=تێبینی: ئەم بەڵگەنامەیە کێشەی رێنووس و رێزمانیی هەیە، کوردیپێدیا بەمەبەست هیچ دەستکارییەکی نەکردووە!=KTML_End=