باکووری کوردستان
- لە شاری موشموشی باکوری کوردستان بە گوڕی 4.1 پلەی ڕیختەر بومەبەرزەیەک ڕوویدا.[5]
- هاوژینی سەڵاحەدین دەمیرتاشسەڵاحەدین دەمیرتاش، هاوسەرۆکی پێشوی هەدەپەهەدەپە و کاندید بۆ پۆستی سەرۆک کۆماری تورکیا لەنامەیەکدا کە ئاڕاستەی سەرۆکی دادگای مافی مرۆڤی ئەوروپای کردوە، داوای لێدەکات سەردانی ناوچە کوردنشینەکانی تورکیا بکات و گوێ لە چیرۆکی پێشێلکارییەکانی مافی مرۆڤ و هەڵبژاردن بەرامبەر کورد و هەدەپە بگرێت.[3]
- ڕۆژنامەنووس ئۆکتای جاندەمیرئۆکتای جاندەمیر کە بڕیاری دەستگیرکردنی درابوو، ئەمڕۆ پۆلیس لە شاری وانوان هەڵی کوتایە سەر ماڵەکەی. دوای ئەوەی پشکنین لە ماڵەکەیدا کرا، بە بیانووی بڵاوکردەوەی هەواڵ لەسەر تۆڕە کۆمەڵایەتیەکان و نووسینەکانی و بە بیانۆی 'پرۆپاگاندە بۆ ڕێکخستن' دەستگیرکرا.[5]
- لە ناوچەی حەزەخی شڕنەخ لە دوو شوێن سەربازانی داگیرکەری تورک ئاگریان لە دارستانەکان بەردا.[5]
رۆژهەڵاتی کوردستان
- لە گوندی شێخ سڵە سەربە سەلاسی باوەجان، 120 هاووڵاتی بەهۆی خواردنەوەی ئاوی پیسەوە تووشی ڕشانەوە و سکچوون بوون، گەیەندراونەتە نەخۆشخانەکانی جوانڕۆجوانڕۆ و لەوێ دەرمان کراون و زۆربەی ئەوانەی ژەهراوی بوون، منداڵ بوون.[4]
باشووری کوردستان
- جێگری بەرێوەبەری گشتیی تەندروستیی سلێمانیسلێمانی، ئەمڕۆ ڕایگەیاند کە ماوەی سێ هەفتەیە دۆخی تەندروستیی سلێمانی جێگیرە و ئەو بەرزبوونەوە و دابەزینەی لە ژمارەی توشبوواندا تۆماردەکرێت مەترسیدار نییە.[3]
- هێزەکانی حەشدی شەعبیحەشدی شەعبی، ئەمڕۆ، بەرپەرچدانەوەی هێرشێکی داعشداعشیان لە باکووری خانەقینخانەقین ڕاگەیاند، کوژرانی یەکێک لە سەرکردەکانیشیان پشتڕاستکردەوە.[1]
- ماوەی پێنج ڕۆژە ئاگر لە چیای زۆزک لە سۆرانسۆران بەربووە، تاوەکو ئەمڕۆ سەدان دۆنم پووش و پاوان سووتاون، سەرەڕای هەوڵی تیمەکانی بەرگریی شارستانی و خەڵکی ناوچەکە تاوەکو ئێستا ئاگرەکە کۆنترۆڵ نەکراوە.[1]
- ئەمڕۆ لە پەرلەمانی کوردستان، فراکسیۆنی گۆڕان سەرۆک و جێگر و بڕیاردەرێکی نوێی بۆ فراکسیۆنەکە هەڵبژارد. سەرۆک و جێگر و بڕیاردەری نوێی فراکسیۆنی گۆڕان لە پەرلەمانی کوردستان پێکدێن لە دابان محەمەد، سەرۆکی فراکسیۆن، ئاشنا عەبدوڵڵا، جێگری سەرۆکی فراکسیۆن و جەلال محەمەدئەمین، بڕیاردەری فراکسیۆن.[2]
- پارتی سەوزی کوردستانپارتی سەوزی کوردستان بەهۆی سووتانی شاخی گۆیژە لە سلێمانی، سکاڵای یاسایی لە داواکاری گشیی سلێمانی تۆمارکرد. سکرتێری پارتەکە پێیوایە سووتانی شاخی گۆیژە دەستی لە پشتە و بەمەبەست ئەو کارە کراوە، کە وەک خۆی دەڵێت ئامانج لێی کەمبوونەوەی ڕێژەی سەوزاییە لە سلێمانی.[1]
- بەڕێوەبەرایەتی باخچەکانی سلێمانی ڕایگەیاند، بە بریاری سەرۆکایەتی شارەوانی هەر هاوڵاتییەک هەستێت بە برینی دارێک بەئەنقەست یان بۆ مەبەستی بینا و هەر پرۆژەیەکی بازرگانی یان پرۆژەی وەبەرهێنان بۆ هەر ساڵێکی تەمەنی دارەکە بڕی (350) هەزار دینار غەرامە دەکرێت.[3]
- مامۆستا عومەر شیرەمەڕیعومەر شیرەمەڕی، پێشمەرگەی دێرین، زیندانی سیاسی و سەرۆکی پێشوتری یەکێتیی مامۆستایانی کوردستان بە کۆڕۆنا کۆچی دوایی کرد.[6]
- سامان بەرزنجی وەزیری تەندروستیی هەرێمی کوردستان ڕایگەیاند حکوومەتی هەرێمی کوردستان تا ئێستا بڕی 45 ملیار دیناری لە بەرەنگاربوونەوەی پەتای کۆرۆنادا خەرج کردووە.[2]
- هاوڵاتیانی بناری قەندیلقەندیل گردبوونەوە و داوای نۆژەنکردنەوەی ڕێگای شاخی کورتەک-یان کرد لە بناری قەندیل، بۆ ماوەیەکیش ڕێگاگەیان داخست، هاوسەرۆکی شارەوانی بناری قەندیلیش چووە ناو هاوڵاتیان و ڕایگەیاند، کە هەماهەنگیان لەگەڵ حکومەتی هەرێم کردووە بۆ چاککردنی ڕێگاکە، ئەگەر چاک نەکرێت ناچارن ڕێگا بە بارهەڵگرەکان نەدەن لەوێوە هاتووچۆ بکەن.[7](بڕوانە فایلی پەیوەندیدار)
رۆژئاوای کوردستان
- دەسەڵاتی تەندروستی خۆبەڕێوەبەریی باکور و ڕۆژهەڵاتی سوریا ڕایگەیاند، دو کەسی دیکە بەهۆی کۆرۆناکۆرۆناوە گیانیان لەدەستداوە 65 توشبوی نوێی ڤایرۆسەکە تۆمارکراون.[3]
دەرەوەی کوردستان
- وەزارەتی دەرەوەی تورکیا ڕەخنە لە حکومەتی فەرەنسا دەگرێت بەهۆی ئەوەی پرسی کوردی خستووەتە نێو پرۆگرامی خوێندنی مێژوو و جوگرافیای قۆناخی کۆتایی ئامادەیی وڵاتەکەی.[1]
- لیژنەی دارایی لە پەرلەمانی عێراق ڕایگەیاند، لەگەڵ بڵاوبوونەوەی ڤایرۆسی کۆرۆنا و ڕاگەیاندنی قەدەغەی هاتووچۆ، بێکاری لە عێراق بەرزبووەوە، بەجۆرێک 40%ی تێپەڕاند، لە کاتێکدا بەر لە کۆرۆنا 20% بووە.[2]
- ئەمڕۆ بەهای لیرەی تورکی بۆ جارێکیتر دابەزی، کە 100 دۆلار بەرامبەر بە 746 لیرە مامەڵەی پێوە کراوە، کە لە مێژووی تورکیادا لیرە نەگەیشتووەتە ئەم ئاستەی ئێستای.[4]
- بەرپرسێکی باڵای دەزگای شەهیدان لە عێراق ڕایگەیاند، دەزگاکەیان 10 ملیۆن دینار وەک قەرەبوو دەداتە کەسوکاری هەر شەهیدێکی ئێزدی لە شنگالشنگال.[1]

‎دوا بەدوای کۆبونەوەی جڤاتی نیشتیمانیی بزوتنەوەی گۆڕان لە ڕۆژی 5/ 9/ 2020 فراکسیۆنی گۆڕان بە ئامادەبونی تێکرای ئەندامەکانی لە شاری بەغدا کۆبوەوە و تیایدا ئەم خاڵانەی خوارەوە ئاراستەی ڕایگشتیی و جەماوەری گۆڕانخوازی کوردستان دەکات :
‎یەک: جەخت لەسەر ناوەرۆکی ڕاگەیەندراوی پێشوی فراکسێۆن لە 8/20 دەکەینەوە و دوپاتی دەکەینەوە کە کابینەیەی (نۆ)ی حکومەتی هەرێم شکستی خواردوە و ئەجێنداکانی دژی خەڵک و فەرمانبەران و ئازادیخوازانە و دەبێ گۆڕان لێی بکشێتەوە.
‎سەبارەت بەو قسانەیش کە بەناوی ڕێکخەری گشتیی لەناو جڤات و بە نارەسمیی بڵاوکراونەتەوە و گوایە داوای دەستلەکارکێشانەوەی ئێمەی کردوە، دەمانەوێ بە ڕونی ڕایبگەیەنین کە ئیمە ئەگەرچی نوێنەری هەڵبژێردراوی خەڵکین و بە دامەزراندن پۆستمان وەرنەگرتوە، بەڵام هەمومان ئامادەین دەستبەجێ دەستلەکاربکێشینەوە ئەگەر بڕیار بەدەستانی ئێستای گۆڕان بڕیار بدەن لە حکومەتی هەرێم بکشێنەوە و ڕێکخەر و خانە جێگەکانیان بۆ خەڵکی شایستە چۆڵبکەن، هیچ کام لە ئێمەش چاومان لە هیچ پۆستێکی حزبیی و حکومی و پەرلەمانی نیە و وەک گۆڕانخوازێکی ئاسایی دەمێنینەوە، بەڵام لە هەر پێگە و جێگەیەکدا بین داکۆکی سەرسەخت لەو فکر و بنەما سەرەتاییانە دەکەین کە گۆڕانمان بۆ دامەزراند.
‎دو: نیگەرانین لەو ئاستە نزمە لە مامەڵەکردن لەگەڵ نوێنەری فراکسێۆنی گۆڕان کە لە کۆبونەوەی جڤاتدا کراوە و، جێگەی هەڵوەستەی جدیمانە لەبری لێپرسینەوە لە تیمی گۆڕان لە حکومەت بەتایبەت لە پرسی لێبرینی موچەی فەرمانبەران کە سیستمێکی زۆرەملێی نایاساییە و سەپێنراوە، بەڵام لە بری ئەوە پەلامارێکی ئاست نزمی فراکسێۆنەکەی ئێمە دراوە کە سەرسەختانە داکۆکی لە ماف و موچە و ژیانی هاوڵاتیان لە هەرێم و بەغدا دەکات و ڕاستگۆیانە بەرگری لە پرەنسیپەکانی گۆڕان دەکات.
‎سێ: ئێمە بە هەستکردن بە نیگەرانیی خەڵک داوامان کردوە کە گۆڕان لە حکومەت بکشێتەوە، ئەمەشمان بە بەیاننامە و ڕوبەڕوش لە کۆبونەوەی جڤات دوپاتکردۆتەوە، بەڵام بێ هیچ دەنگدان و ڕاپرسی و ڕێزگرتنێک لەو داوایە، وتەبێژی گۆڕان مانەوەی گۆڕانی لە حکومەت ڕاگەیاند و شیوازی مامەڵەکەشیان لەگەڵ نوێنەری فراکسێۆن دەرخەری داخستنی دەرگای گفتوگۆیە لەسەر ئەو بابەتە لە لایەن ئەوانەوە و ئەمەش وایکرد کە پەیوەندیەکانمان لەگەڵیاندا هەڵپەسێردرێت.
‎چوار: فراکسێۆنی گۆڕان لە کۆبونەوەکەیدا جەختی لە چەند پرسێک کردەوە کە چالاکانە کاریان لەسەر دەکات وەک پرۆژە یاسای بودجەی ساڵەکانی 2020 و 2021 و، یاسا هەستیارەکانی وەک هەڵبژاردن و دادگای فیدراڵی.
‎هەروەک فراکسێۆن بە دواداچونی تەواو دەکات بۆ پرسی موچەی فەرمانبەرانی هەرێم و شایستە داراییەکانی جوتیاران و هەمو ئەو مافەدەستوریانەی کە هەرێم هەیەتی.
دەمانەوێ ڕونبێ کاری لە پێشینەی ئێمە ئەوەیە داکۆکی لە خەڵک و دەنگدەری خۆمان بکەین لە سەر ئاستی عێراق، بەڵام لە هەمانکاتیشدا لە هەرێم شەر لەسەر گەیشتنی ئەو ماف و شایستانە بە هاوڵاتیان دەکەین و لە بەغدا و هەولێرهەولێر چاوپۆشی لە هیچ گەندەڵی و بەفیرۆدانێک ناکەین.
فراکسێۆنی گۆڕان لە ئەنجومەنی نوێنەرانی عێراق
07-09-202007-09-2020