$رۆژهەڵاتی کوردستان$
- بەپێی ڕاپۆرتی گەیشتوو بە ڕێکخراوی مافی مرۆڤی هەنگاو، سەرەڕای تێپەڕینی 8 ڕۆژ لە دەستبەسەر کرانی سێ لاوی خەڵکی گوندی داراب سەر بە شاری داڵاهۆ بە ناوەکانی “ئارەش دارابی” تەمەن 18 ساڵ، “ئەفشیین سەیدمورادی” تەمەن 20 ساڵ و “یەحیا سەیدمورادی” تەمەن 19 ساڵ سەرباری بەدواداچوونی بەردەوامی بنەماڵەکانیان، هێشتا چارەنووسیان نادیارە. سەرچاوەیەکەی ئاگادار لە گوندی داراب لەوبارەوە بە هەنگاوی ڕاگەیاند کە، بنەماڵەی ئەو سێ لاوە جەندین جار سەردانی ناوەندە ئەمنییەکانی #کرماشان# و داڵاهۆیان کردووە، بەڵام هیچ وڵامێکیان وەرنەگرتووەتەوە.[5]=KTML_ImageCaption_Begin==KTML_StyleDiv=width:30%;height:20%;float:right;=KTML_ImageCaption_Target_Link=https://www.kurdipedia.org/files/relatedfiles/2020/385272/0007.JPG=KTML_ImageCaption_Title=چارە نووسی سێ لاوی دەستبەسەر کراوی خەڵکی داڵاهۆ نادیارە=KTML_ImageCaption_CaptionStyle=000000=KTML_ImageCaption_Caption=چارە نووسی سێ لاوی دەستبەسەر کراوی خەڵکی داڵاهۆ نادیارە=KTML_ImageCaption_End=
- حوکمی 5 ساڵ زیندانیی تەعلیقی بۆ ماوەی چوار ساڵ لەلایەن لقی 1ی دادگای ئینقلابی شاری #سنە# بە #هاجەر سەعیدی#، چالاکی مافی ژنان ڕاگەیەندرا.[8]
- لاوێکی کورد بە ناوی ڕەحمان ڕەحیم پوور خەڵکی شاری #سەقز#، لە پارکی لالەی ئەو شارە لەلایەن هێزە ئەمنییەتییەکانەوە دەسبەسەر کرا. هێزە ئەمنییەتییەکان بە بێ بەڵگەی قەزایی ئەو هاووڵاتییە کوردەیان دەسبەسەر کردووە و دواتر بۆ شوێنێکی نادیار ڕاگواستووە. بە وتەی سەرچاوەیەکی ئاگادار، هێزە ئەمنییەتییەکان ئەو لاوە کوردەیان بە تۆمەتی هاوکاری لەگەڵ یەکێک لە حیزبە کوردییەکانی حکوومەتی ئێران دەسبەسەر کردووە.[8]
$باشووری کوردستان$
- ئێوارەی ئەمڕۆ، لەشاروشارۆچکەکانی هەرێمی کوردستان بەشێک لە هاووڵاتیان بۆ داواکردنی مافەکانیان هاتنە سەر شەقام و داوای مووچە و شایستە داراییەکانیان و باشکردنی ژیانیان کرد. خۆپیشاندانەکە لەسنووری پارێزگای #سلێمانی# و هەڵەبجه و هەردوو ئیدارەی #گەرمیان# و ڕاپەڕین بەڕێوەچوو.[6] خۆپیشاندەران لە #قەڵادزێ# مەکۆی #بزووتنەوەی گۆڕان#یان سووتاند و ناوچەی پارتیشیان بەردبارانکرد. هەروەها #هونەر ڕەسوڵ#، پەیامنێرێکی تەلەفیزیۆنی گەلی کوردستان لە کاتی ڕووماڵکردنی هەواڵەکان لە #ڕانیە# گیانی لەدەستدا.[7]
- #شاسوار عەبدولواحید#، سەرۆکی جوڵانەوەی نەوەی نوێ لە ناو خۆپیشاندەرانی پارکی ئازادی لە شاری سلێمانی داوای لە هاوڵاتییان کرد لە ماڵەکانیان بێنە دەرەوە و بەشداری لە خۆپیشاندان بکەن، وتیشیئەم هەنگاوەی ئەمڕۆ نراوە، دەستپێکی شۆڕشێکی مەدەنییە بۆ کۆتاییهێنان بەم زوڵمەی لە کوردستاندا هەیە.[3]
- لە بەرامبەر ڕاگرتنی وتاری هەینی، بەشێک لە مەلاکان لە #هەولێر# گردبونەوە و لەلایەن هێزە ئەمینەکانی هەولێرەوە، چەندین خۆپیشاندەر دەستگیرکران.[3]
- پارێزگاری #دهۆک# ڕایگەیاند، بەهۆی مەترسی بڵاوبوونەوەی ڤایرۆسی #کۆرۆنا# لە ئێستادا ڕێگە بەهیچ جۆرە گردبونەوەیەک نادرێت و بۆ ئەو مەبەستەش هێزە ئەمنییەکان خراونە حاڵەتی ئامادەباشییەوە، هەر کەسێکیش سەرپێچی بکات لە پەرلەمانتارەوە تا وەزیر لێپێچینەوەی لەگەڵ دەکەن.[3]
- #وەزارەتی تەندروستی#ی هەرێمی کوردستان ڕایگەیاند، لەماوەی 24 کاژێری ڕابردوودا 566 کەس تووشی کۆرۆنا بوون و 16 کەسیش گیانیان لەدەستداوە.[4]
- #ڕێباز حەملان#، یاریدەدەری سەرۆکی حکومەتی هەرێم ڕایگەیاند: لە ئێستادا حکومەت 350 ملیۆن دۆلاری لەبەردەستدایە کە بەشی موچەی موچەخۆران ناکات و حکومەتی عێراق ئامادەیی دەربڕیوە کە مانگانە 300 ملیار دینار بۆ هەرێم بنێرێت کە ئەو بڕە پارەیە بۆ هەرێم سودی نابێت ئەگەر زیادی نەکەن.[3]
- مەحما خەلیل، ڕاوێژکاری کاروباری ئێزدییەکان لە پەرلەمانی کوردستان و قایمقامی #شنگال#، لە لێدوانێکیدا بەئاژانسی ئانادۆڵوی ڕاگەیاند : داواکاری ئێمە ئەوەیە کە #پەکەکە# لە شنگال دەربچێت، لەبەر ئەوەی پەکەکە شنگالی وێران کردووە و هەروەها ڕێگری دەکات لە دووبارەی گەڕانەی ئاوارەکانی چیای شنگال بۆسەر ماڵ و خاڵی خۆیان.[3]
$رۆژئاوای کوردستان$
- سوپای داگیرکەری تورک و چەتەکانی گوندەکانی؛ “خربەت بەقر” و “کۆڕحەسەن” سەربە #گرێ سپی# تۆپباران دەکەن.[1]
$دەرەوەی کوردستان$
- وەزارەتی دەرەوەی عێراق، بەهۆی هێرشی دەوڵەتی تورک سەردانی وەزیری بەرگری تورکی هەڵوەشاندەوە و باڵیۆزی تورکیای بانگهێشت کرد.[1]
- دوای هێرشی فڕۆکه بێفڕۆکەوانەکەی تورکیا بۆ سەر ئۆتۆمبێلێکی پاسەوانانی سنووری عێراق له ناوچەی برادۆست، حەسەن کەعبی، جێگری یەکەمی سەرۆکی پەرلەمانی عێراق ئەم هێرشەی به پێشێلکردنی سەروەری عێراق ناساند و ڕایگەیاند، ئەم هێرشە زیانێکی تەواو به پەیوەندی مێژوویی نێوان عێراق و تورکیا دەگەیەنێت.[2]
- حکومەتی عێراق فاتیک یلدزی باڵیۆزی تورکیای بانگهێشت کرد و بە فەرمی داوای لە دەوڵەتی تورکیا کرد هێزەکانی خۆی لە سەرتاسەری خاکی عێراق بکشێنێتەوە و بە زووترین کات کۆتایی بە هێرشەکانی بهێنێت لە سەر خاکی عێراق.[1]

داواکاریی ئەمجارەی خۆپیشاندەران جیاوازە لە داواکارییەکانی پێشووتر. چونکە پێمانوایە ئەم حکومەتە نە چاکسازیی پێدەکرێ، نە مووچەی پێدەدرێ و تەنانەت ناشزانێت پرسیاری پۆلی دوانزە دابنێت.
بۆیە بەلەبەرچاوگرتنی هەموو ئەو هەوڵانەی پێشوو، هەروەها هەموو ئەو فرسەتە یەک لە دوای یەکانەی کە دراونەتە دەسەڵات، ئەنجوومەنی ڕێکخستن و بەڕێوبردنی خۆپیشاندانەکانی 12ی ئاب داواکاریی خۆپیشاندەرانی لەم خاڵانەدا چڕکردۆتەوە:
یەک - هەڵوەشاندنەوەی دەستبەجێی حکومەتی هەرێمی کوردستان و ئامادەکاری بۆ هەڵبژاردنی پێشوەخت لەماوەی کەمتر لە شەش مانگ.
دوو - درووستکردنی حکومەتێکی کاتیی بۆ سەرپەرشتییکردنی هەڵبژاردنی داهاتوو.
سێ - هەڵوەشاندنەوەی ئەم کۆمسیۆنە حیزبییەی ئێستا و پێکهێنانی کۆمسیۆنێکی سەربەخۆ و بێلایەن لەژێر چاودێریی نەتەوە یەکگرتووەکاندا.
چوار - هەڵوەشاندنەوەی دەستبەجێی ئەنجوومەنی دادوەریی و پێکهێنانی ئەنجوومەنێکی تر بە بەشداریی دادوەرە سەربەخۆکان و دوورخستنەوەی دەستی حیزب لە سیستمی دادوەریی و دادگاکان.
لە کۆتاییدا داوا لە هاوڵاتییانی ئازیز دەکەین چیتر ئەم دۆخەی هەرێمی کوردستان قبوڵ نەکەن، چیتر بێدەنگ نەبن لە ئاست ئەم هەمو زوڵم و ناحەقییەی کە دەکرێت بەرامبەر بە خەڵک و هاوڵاتییان، چونکە ئێستا خراپترین دۆخە کە خەلکی هەرێمی کوردستانی تێدا دەژین.
ئێستا کاتی ئەوەیە هەمووان پێکەوە دەست لە ناو دەست بکەین و برژێنە سەر شەقامەکان بۆ داواکردنی مافی خۆمان.
لە بیریشمان نەچێت، هەر گەلێک ئامادەنەبێت یەکجار باجی سەربەرزیی بدات، ئەوە
دەبێت تا مردن باجی ژێردەستەیی و زەلیلیی بدات.
ئەنجوومەنی ڕێکخستن و بەڕێوبردنی خۆپیشاندانەکانی 12 ی ئاب
2020/8/10

رۆژی چوارشەممە 12-8-2020 ئەنجوومەنی وەزیرانی هەرێمی کوردستان بە سەرپەرشتی مەسروور بارزانی سەرۆکی حکومەتی هەرێمی کوردستان کۆبووەوە.
لە ڕاگەیێندراوی دوای کۆبوونەوەکەدا هاتووە، ئەنجوومەنی وەزیران لەکاتێکدا هەوڵەکانی شاندی دانوستاندنکاری حکومەتی هەرێمی کوردستان لەگەڵ حکومەتی فیدراڵی بە باشی هەڵدەسەنگێنێ، بەجۆرێک حکومەتی هەرێمی کوردستان هیچ بیانوویەکی دەستووریی و قانونی و دارایی نەهێشتووەتەوە بۆ گەیشتن بە ڕێککەوتن و لە پێناو دابینکردنی مووچە و شایستە داراییەکانی مووچەخۆرانی هەرێمی کوردستان.
بەپێی ڕاگەیێندراوەکە، هەموو مەرجەکانی حکومەتی فیدراڵ کە لە چوارچێوەی دەستووردان قبوڵ کراوە، بەڵام بەداخەوە حکومەتی فیدراڵی زیاتر لە سێ مانگە ئامادە نییە هیچ بڕە پارەیەک وەک مووچەی مووچەخۆرانی هەرێم بنێرێت کە ئەمەش وایکردووە حکومەتی هەرێم، نەتوانێت شایستەی دارایی مووچەخۆرانی خۆی خەرج بکات، بەم هۆیەوە دۆخ و گوزەرانێکی نالەبار بۆ مووچەخۆرانی هەرێمی کوردستان دروستبووە، سەرەڕای ناهەمواریی بارودۆخی تەندروستی.
ئەنجوومەنی وەزیرانی هەرێمی کوردستان ڕایدەگەیێنێت، بەپێی یاسا بەرکارەکانی عێراق، هەرێمی کوردستان هاوشێوەی بەشەکانی دیکەی عێراق، مافی خۆیەتی ئەو بەشە مووچەیەی کە بۆی خەرجدەکرا وەریبگرێت و پێویستە جیاوازی لەنێوان هاووڵاتییانی هەرێمی کوردستان و بەشەکانی دیکەی عێراق نەکرێ لە خەرجکردنی شایستەی دارایی مووچەخۆران کە ئەمەش دەستووری عێراق وەک بنەما جێگیری کردووە.
ئەنجوومەنی وەزیران بە تووندی نیگەرانیی و ناڕەزایی خۆی بەرامبەر بەو هەڵوێستە نەرێنییەی حکومەتی فیدراڵی دەردەبڕێت و داوا دەکات بە دەنگ هەوڵەکانی حکومەتی هەرێمی کوردستانەوە بێت و کێشەکان لە سەر بنەمای دەستوور چارەسەر بکات و ڕێز لە ماف و شایستە دەستوورییەکانی هەرێمی کوردستان بگرێت و پابەندبوونە دەستوورییەکانی بەرامبەر هەرێمی کوردستان جێبەجێ بکات.
حکومەتی هەرێمی کوردستان ئامادەیی خۆی بۆ چارەسەری کێشەکان بەشێوەیەکی بنەڕەتی لە چوارچێوەی دەستوور دووپات دەکاتەوە و شاندی باڵای دانوستاندنکاریشی ڕاسپارد درێژە بە دانوستاندنەکان بدەن لە پێناوی گەیشتن بە ڕێککەوتن بە تایبەتیش کە لە ماوەی ڕابردوو هەرێم ئامادەیی خۆی دەربڕیوە بۆ جێبەجێکردنی پابەندییە دەستوورییەکانی لە بواری نەوت و دارایی و ئەوە بەرپرسیارێتی حکومەتی فیدراڵیە لە بەرامبەردا ماف وشایستەی دارایی هەرێم ڕانەگرێت.
هەروەها داوا لە سەرۆک کۆماری عێراق و وەزیر و نوێنەرانی هەرێمی کوردستان لە ئەنجومەنی نوێنەرانی عێراق دەکات کە داکۆکی لە ماف و شایستە دارایی و دەستوورییەکانی خەڵکی هەرێمی کوردستان بکەن.
ئەنجوومەنی وەزیران بڕیاریدا لە سەرەتای حەفتەی داهاتووەوە بڕیار لە میکانیزم و چۆنیەتی دابەشکردنی مووچە بدات بۆ ئەوەی دەست بە دابەشکردنی مووچە بکرێت بەپێی ئەو توانا داراییەی لە بەر دەستە.
ئەنجوومەنی وەزیران هەروەها هەردوو وەزیری ناوخۆ و پێشمەرگەی ڕاسپارد، بەداواداچوون بۆ گرفت و کێشەی دەروازە سنوورییەکان بکەن لە پێناو ڕێگریکردن لە هەر سەرپێچی و کارێکی نایاسایی کە لەو دەروازانە ئەنجام بدرێت.[1]