- لەمیانەی کۆنگرەیەکی ڕۆژنامەنوسیدا لەشاری هەولێر، نێچیرڤان بارزانی، سەرۆکی حکومەتی هەرێمی کوردستان بڕیاری بەپارێزگاکردنی هەڵەبجەی واژۆکرد.
- لەشاری موسڵ بەهۆی تەقینەوەی بۆمبێکی چێندراو کوژران و برینداربوونی پێنج سەربازی سوپای عێراقی لێکەوتەوە.
- تەرمی ژنێک بەهەڵواسراوی لەماڵەکەی خۆی لەگەڕەکی قڕگەی شاری سلێمانی دۆزرایەوە.
- هەورەبروسکە دای لە هاوڵاتیەک لە گوندێکی سەر بە شارۆچکەی سەیدسادق و بەهۆیەوە گیانی لەدەستدا.
- لە گەڕەکێکی شاری کەرکووک لەلایەن چەند چەکدارێکی نەناسراوەوە دەسترێژی گوللە لە هاوڵاتییەک کرا و لە قەزای حەویجەش تەقینەوەی بۆمبێکەوە چوار کەسی بریندار کرد.
- دادگای تاوانەکانی سلێمانی بە غیابی حکومی شەش ساڵ زیندانی کردنی بۆ دانای ئەحمەد مەجید، پارێزگاری پێشووی سلێمانی دەرکرد، بە هۆی بەهەدەردانی پارەی وشکەساڵی و بەکارهێنانی پۆستەکەی بۆ کاری تایبەت.