باکووری کوردستان
- یەکەی تایبەتی پۆلیسی تورکیا لە ئامەدئامەد هەڵیکوتایە سەر چەندین ماڵی هاووڵاتییان لە ئامەد. پۆلیس لە هەڵکوتانەکەیاندا دەرگای ماڵەکانیان شکاند و دەستیان کرد بە پشکنینی ماڵەکان. لە هەڵکوتانە سەر ماڵانەدا لە گەڕەکی یالملی لە ناوچەی لیجە سەیفەدین دەمیر، نەزیر گیوموش، زەکی گیوموش و زەکی مەنەکەش دەستگیرکران. زەکی مەنەکەش نەخۆش بووە لە ماڵەوە لە جێدا بووە، کە لەلایەن هێزەکانی پۆلیسەوە دەستگیرکراوە. کەسە دەستگیرکراوەکان براون بۆ بەڕێوەبەرایەتیی ئاسایشی دەوڵەتی تورک لە ئامەد. لە فارقین-یش هەڵیانکوتایە سەر ماڵی هاووڵاتیان و ژنێک بە ناوی یڵدز ئەلما دەستگیرکرا.[6]
- پاش ئەوەی گەریلاکانی هێزەکانی پاراستنی گەل (هەپەگەهەپەگە) لە ڕێی ئامێری ئاسمانییەوە دژی سەربازگەیەکی سوپای تورکیای داگیرکەر لە ناوچەی شەمزینانشەمزینان چالاکییەکی کاریگەریان کرد و ژمارەیەکی زۆری سەربازی تورکیا کوژران و بریندار بوون، پارێزگاری جۆلەمێرگ بڕیاری قەدەغەکردنی ئامێرە ئاسمانییە بێفڕۆکەوانەکانی دا. بە گوێرەی بڕیارەکە، فڕاندن و بەکارهێنانی فڕۆکەی سیخووڕیی بێفڕۆکەوانی جۆری IHA و درۆن تەنیا لە ڕێی وەرگرتنی مۆڵەت دەبێت.[6]
- ئەمڕۆ دانیشتنی دادگەیی کردنی هۆزان جانێهۆزان جانێ که هاوکات‌ هاوڵاتیی ئەڵمانیایە لە سێیەمین دادگەی سزاقورسەکانی ئەدیرنە بەڕێوەچوو. هونەرمەند هۆزان جانێ لە بەندیخانەی ئیستەنبووڵەوە لە ڕێی سیستەمی دەنگ و ڕەنگەوە بەشداری لە دانیشتنەکە کرد و ئه و تۆمەتانەی ڕەتکردەوە کە دراوەتیەپاڵی. هۆزان جانێ گوتی: (من هیچ پەیوەندییەکم به و نووسینانەوە نییە کە لە تۆڕە کۆمەڵایەتییەکان بڵاوکراونەتەوە. من هونەرمەندم و کاری هونەری دەکەم.) دەستەی دادگە بە بیانووی (پڕوپاگەندەکردن بۆ ڕێکخستن) سزای 6 ساڵ و 3 مانگ زیندانیکردنی بۆ هونەرمەند جانێ بڕیەوە.[6]
رۆژهەڵاتی کوردستان
- کاسبکارێکی کورد بە ناوی لوقمان خیاڵی تەمەن 36 ساڵ، خەڵکی گوندی حەسەن کوردەی شاری بانەبانە، بە تەقەی هێزە حکوومەتییەکان بریندار بوو.[7]
- کاتژمێر 1:30 خولەکی نیوەشەوی ڕابردوو لە گەڕەکی ئیلاهیە ی شاری کرماشانکرماشان-ی ڕۆژهەڵاتی کوردستان دەنگی تەقینەوەیەکی بەهێز خەڵکی لە ماڵەکانیان بردە دەرەوە. بە گوێرەی شەیەتحاڵان، شووشەی زۆرێک لە ماڵەکانی ئەو گەڕەکە شکاوە و زیانێکی زۆر بەر چەند ماڵێک لە نزیک تەقینەوەکە کەوتووە. تەقینەوەکە لەبەردەم ئۆتۆمبێلێکدا ڕوویداوە، کە لەناویدا کەسێک بە ناوی بەهرام نەورۆزی و هاوسەر و کچەکەیانی تێدابووە و بە برینداریی گەیەندراونەتە نەخۆشخانە.[5]
- چالاکێکی مەدەنیی کورد خەڵکی شاری سەقزسەقز، بە ناوی ئەیووب جەوانپوورئەیووب جەوانپوور بانگهێشتی ئیدارەی ئیتلاعاتی شاری سەقز و لێکۆڵینەوەی لەگەڵ کرا.[7]
- مامۆستایەکی کورد بە ناوی ئەسکەندەر لوتفی خەڵکی شاری مەریوانمەریوان بانگهێشتی ئیدارەی ئیتلاعاتیی شاری مەریوان و لەو ناوەندە حکوومەتییە لێپرسینەوەی لەگەڵ کرا.[7]
باشووری کوردستان
- سلێمانیسلێمانی یادی 234 ساڵەی دامەزراندنی دەکاتەوە و لە ساڵڕۆژی دامەزراندنیشی چەندین چالاکی جۆراوجۆر بەڕێوەدەچن.[1]
- لە چوارچێوەی کارەکانی کۆڕبەندی پاریس حکومەتی فەرەنسا بڕیاریدا بە پێشکەشکردنی بڕی دوو ملیۆن یۆرۆ بە سندوقی نۆژەنکردنەوەی شارۆچکەی شنگالشنگال، کە لەلایەن نادیە مورادنادیە مورادەوە دامەزراوە.[4]
- بەڕێوەبەری شارۆچکەی سیدەکانسیدەکان ڕایگەیاند، بۆ ماوەی 45 خولەک تورکیا تۆپبارانی چەند گوندێکی سنوورەکەیانی کردووە، بەڵام هیچ زیانێکی گیانی نەبووە و دەشڵێت تۆپبارانەکە لە وەڵامی هێرشێکی پەکەکەپەکەکەدا بووە، کە ئەمڕۆ کردوویانەتە سەر بارەگایەکی سەربازی تورکیا.[3]
- بەڕێوەبەری گشتی تەندروستی هەڵەبجەهەڵەبجە ڕایدەگەیەنێت: کونسوڵخانەی کۆریای باشور لە هەولێر، 110 جۆر دەرمان و پێداویستی پزیشکی گەیاندۆتە بەڕێوەبەرایەتی تەندروسی شارەکە.[2]
- وتەبێژی پۆلیسی هەولێرهەولێر ئاشکرایدەکات: لە شاری هەولێر باوکێک کە چەند ساڵێک لە زیندان بووە، درەنگانی شەوی ڕابردوو بە دەستڕێژی گوللە کوڕەکەی خۆی بەناوی م. س. کوشتووە.[2]
- هاوڵاتییەک لە نزیک نەخۆشخانەی شۆڕش لە شاری سلێمانی ئاگری بەردایە جەستەی خۆی و بە شێکی جەستەی سوتا و ڕەوانەی نەخۆشخانە کرا.[5]
- ئەمڕۆ لە هۆتێل ڕۆتانا لە هەولێر ڕێکخراوی سپارک کۆنفرانسێک سەبارەت بە تووندتیژی و تووندڕەوی بە هاوکاری وەزارەتی دەرەوەی هۆڵەندا سازدەکات.[3]
- بەرپرسێکی پەروەردەی هەولێر ڕایدەگەیەنێت: دوای ڕەزامەندی وەزارەتی پەروەردەوەزارەتی پەروەردە بڕیاردرا لە سەرجەم خوێندنگاکان دوو وانەی زانست و بیرکاری بەفەرمی بکرێن بە زمانی ئینگلیزی و مامۆستاش بۆ وانەکان دابیەکێتیی نیشتمانیی کوردستانراوە.[2]
- هێزەکانی ئەڵمانیا لەهەرێمی کوردستان لە مەراسیمێکدا بنکەی چاککردنەوەی ئامێرەکانی گەیاندنیان بەئامادەبوونی بەرپرسانی باڵای وەزارەتی پێشمەرگەوەزارەتی پێشمەرگە ڕادەستی یەکەی گەیاندنی هێزەکانی پێشمەرگە کرد.[2]
دەرەوەی کوردستان
- ئەنجوومەنی باڵای دادوەری عێراق لە بەیاننامەیەکدا ڕایگەیاند، دادگای کەرخی تایبەت بە سەیریکردنی دۆسیەی تیرۆر، پێداچوونەوەی بە دانپێنانی یەکێک لە دیارترین سەرکردەکانی ڕێکخراوی داعشداعشدا کردووە، کە والی کەرکووککەرکووک بووە و ناسناوی ئەبو حەمزەی کوردی-یە. کە تۆمەتبارە بە بەدیلگرتنی ژمارەیەک پێشمەرگەپێشمەرگە گەڕاندنیان بەنێو حەویجە.[3]

ناوەندی ڕاگەیاندنی هێزەکانی پاراستنی گەل (هەپەگەهەپەگە) ڕاگەیەنراوێکی بڵاوکردەوە و دەربارەی دوایین چالاکیی گەریلا و هێرشی ئاسمانیی سوپای تورکیای داگیرکەر زانیاری دا. ئەمەش دەقی ڕاگەیەنراوەکەیە:
لە چەلێ 4 سەربازی تورکیا کوژران
(هێزەکانمان ڕۆژی 13ی تشرینی دووەم\22ی گەڵاڕێزان کاتژمێر 14:30 لە دژی سوپای تورکیای داگیرکەر کە لەنێوان گردی کۆردینە و گردی پاتریۆت-ی ناوچەی چەلێی جۆلەمێرگ ڕێگەی سەربازی دروست دەکات، چالاکییەکیان کرد. چالاکییەکە لە دژی عەفارەیەک و ئۆتۆمبێلێکی سەربازی کرا و لە ئەنجامدا هەردووکیان تێکشکێنران. ئەوەندەی ڕوون بووەتەوە لە چالاکییەکەدا 4 سەربازی دوژمن کوژراون.
سوپای تورکیای داگیرکەر لە ڕێی مێدیاکانییەوه چەواشەکارییانه هەواڵی ئەم چالاکییەی بڵاوکردەوە و وەها پیشانیان دا کە لە دژی کرێکارانی سیڤیل ئەنجام دراوە. ئه و ناوچەیەی کە چالاکییەکەی تێدا کرا، ناوچەیەکی سەربازی بوو و ئه و ڕێگەیەی کە دروستیش دەکرا بۆ خەڵکی سیڤیل نەبوو، بەڵکو بۆ سەربازی و داگیرکارییە. هەر بۆیە ئه و کەسانەی لە کاری دروستکردنی ئەم ڕێگەیانەدا کار دەکەن، سەربازانی سوپای تورکیای داگیرکەر یان هاوکارەکانیانن. پێویستە گەلەکەمان گوێ بە هەواڵەکانی مێدیای شەڕی تایبەت نەدات.
هێرشی ئاسمانی
فڕۆکەجەنگییەکانی سوپای تورکیای داگیرکەر ڕۆژی 12ی تشرینی دووەم\21ی گەڵاڕێزان لەنێوان کاتژمێر 9:30 - 11دا ناوچەکانی کەشان و شەهید کەنداڵ-یان لە هەرێمی هەفتانین-ی هەرێمەکانی پاراستنی مەدیا بۆردومان کرد.
فڕۆکەجەنگییەکان ڕۆژی 13ی تشرینی دووەم\22ی گەڵاڕێزان کاتژمێر 11:30 دۆڵی شیڤێی هەرێمی ئاڤاشین، کاتژمێر 13:30 دەوروبەری چەمی ئاڤاشین و کاتژمێر 16:20 دەڤەری ستوونا-یان بۆردومان کرد.)[1]
14-11-201814-11-2018