$باکووری کوردستان$
- هێزە ئەمنییەکانی تورکیا بەهۆی بڕیاری قەدەغەی ئەنجامدانی چالاکییەکانیان، ڕێگەیان بەرێپێوانی ئەندامان و لایەنگرانی #هەدەپە# لە چەند شارێکی باکووری کوردستان نەدا.[1]=KTML_ImageCaption_Begin==KTML_StyleDiv=width:30%;height:20%;float:right;=KTML_ImageCaption_Target_Link=https://www.kurdipedia.org/files/relatedfiles/2019/182385/0018.JPG=KTML_ImageCaption_Title=هاوسەرۆکی هەدەپە لە جۆلەمێرگ زیندانی کرا=KTML_ImageCaption_CaptionStyle=000000=KTML_ImageCaption_Caption=هاوسەرۆکی هەدەپە لە جۆلەمێرگ زیندانی کرا=KTML_ImageCaption_End=
- محەمەد ئۆجالان برای #عەبدوڵڵا ئۆجەلان# و پارێزەر مەزڵوم دینچ پارێزەری ڕێگەپێدراوی بنەماڵی ئۆجالان بۆ ئەوەی سەردانی ئیمراڵی بکەن لە ڕێگەی پارێزەرەکانیانەوە سەردانی داواکاری گشتیی کۆمارییان لە بورسا کرد. بەڵام ئەمجارەش داواکەیان لەلایەن تورکەکانەوە ڕەدکرایەوە[4]
- کاندیدی پارتیی دیموکراتیی گەلان (هەدەپە) بۆ هاوسەرۆکایەتیی شارەوانیی #ئاگری# یەلیز قەرەئەسلان زیندانی کرا.[4]
- هاوسەرۆکی هەدەپە لە #جۆلەمێرگ# سینان کایا بە بیانووی ئەوەی بەشداری کردووە لە چالاکییەک بۆ پشتگیری لە مانگرتنی لەیلا گیوڤەن، زیندانی کرا.[4]
$رۆژهەڵاتی کوردستان$
- لە چوارچێوەی ناڕەزایەتی دەربڕینەکانی خەڵکی کوردستان لە بەرامبەر سیاسەتەکانی دەوڵەتی ئێران و گربوونەوەی ناڕەزایی ماموستایان، چەندین کەس لەلایەن هێزە ئەمنییەکانی ئێرانەوە دەستگیرکراون.[2]=KTML_ImageCaption_Begin==KTML_StyleDiv=width:30%;height:20%;float:left;=KTML_ImageCaption_Target_Link=https://www.kurdipedia.org/files/relatedfiles/2019/182385/0015.JPG=KTML_ImageCaption_Title=چالاکی تەبلیغی بە بۆنەی 26ی ڕێبەندان ڕۆژی کۆمەڵە=KTML_ImageCaption_CaptionStyle=000000=KTML_ImageCaption_Caption=چالاکی تەبلیغی بە بۆنەی 26ی ڕێبەندان ڕۆژی کۆمەڵە=KTML_ImageCaption_End=
- موختار ئەسەدی، مامۆستای زمانی ئینگلیزی و ئەندامی کانوونی سێنفیی مامۆستایانی کوردستان لە بەرانبەر ماڵەکەیدا لە لایەن هێزە ئیتلاعاتییەکانەوە دەستبەسەر کراوە.[3]
- لە بیستەمین ساڵیادی پیلانگێڕیی نێودەوڵەتیی 15ی شوباتی 1999ی دژ بە عەبدوڵڵا ئۆجەلان، زیندانییانی سیاسیی کورد لە زیندانەکانی ئێران دەستیان بە مانگرتن لە خواردن کرد.[4]
- بەرپرسانی خۆجێی ڕۆژهەڵاتی کوردستان داوا لە حکومەتی ئێران دەکەن بڕیاری قەدەغەکردنی کاری #کۆڵبەر#ی هەڵبوەشێنێتەوە و ڕێگە بە دانیشتووانی ناوچە سنوورییەکان بدرێت لە ڕێڕەوە ڕێگەپێدراوەکانەوە کەلوپەل بگوازنەوە.[5]
$باشووری کوردستان$
- لە #سلێمانی#، هەریەکە لە ڕێکخراوی ژنانی ئازادی کوردستان-#ڕژاک# و #تەڤگەری ئازادیی کۆمەڵگەی کوردستان#، گردبوونەوەیەکیان بۆ شەرمەزارکردنی گەلەکۆمەی نێودەوڵەتی 15ی شوباتی ساڵی 1999 ئەنجامدا.[4]
- کۆمیتەی ئامادەکاریی چالاکییەکانی 15ی شوبات، لە شاری #هەولێر# خۆپیشاندانێکیان ئەنجام داو چوونە بەردەم بارەگای #نەتەوە یەکگرتووەکان#.[2]
- بەرپرسی ڕێکخراوی بەدر لقی باکوور ڕایگەیاند، ئەمریکا هێزی سەربازی نوێی ڕەوانەی سەربازگەی K1 لە پارێزگای #کەرکووک# کردووە، داواشی لە حکومەت کرد پرسی ئەو هێزانە ئاشکرابکات و هۆکاری بوونیان لەکەرکووک ڕابگەیەنێت.[5]
- پاشنیوەڕۆی ئەمڕۆ بەشێک لە چالاکوانان و ڕۆژنامەنووسانی سنوری ئیدارەی ڕاپەرین، بۆ پشتگیری لە چالاکوانان و ڕۆژنامەنووسانی #شێلادزێ# و سنوری بادینان، گردبوونەوەیەکی ناڕەزایەتیان لە #ڕانیە# ئەنجامدا.[2]
- پارتی و یەکێتی لە سلێمانی کۆبوونەوە، سەرچاوەکان باس لەوەدەکەن کە کەسیان بە پاکێجی ئەوی تریان ڕازی نەبوون.[1]
- ئەمڕۆ گروپی پارێزەرانی خۆبەخشی دۆسیەی گیراوانی #شیلادزێ# و گیراوانی #دهۆک#، لێدوانێکی نوسراویان لەسەر گیراوانی بادینان بڵاوکردەوە. پارێزەرانی خۆبەخشی دۆسیەی گیراوانی خۆپیشاندانی شیلادزێ و گیراوانی دهۆک لە لێدوانەکەدا دەڵێن: ماوەی 48 کاتژمێرە #شێروان شێروانی# لە زیندانی زرکا لەلایەن هیزێکی چەکداری نەناسراوەوە، بە بێ بڕیار و ئاگاداری دادگا گواستراوەتەوە بۆ شوێنکی نادیار، کە یەکێک بوو لەو 18 گیراوەی بە ماددەی 156 یاسای سزادانی عێراقی تۆمەتبار کراون.[2]
- هەناردەی نەوت لە هەرێمی کوردستانەوە بۆ ئێران ڕاگیرا ئەوەش بە بڕیارێکی #وەزارەتی سامانە سروشتییەکان#ی حکومەتی هەرێم.[6]
- بەهۆی بارینی بەفرەوە، ڕێگەی نێوان #سۆران#، #ڕواندز# و #چۆمان#-ڕانیە لە دیوی سنووری شارەدێی #وەرتێ# داخراوە.[6]
- بەهۆی بارینی بەفرەوە، سبەی شەممە لەسەرجەم ناوەندەکانی خوێندنی سنوری بەڕێوەبەرایەتی پەروەردەی #پێنجوێن# کرایە پشوو.[6]
$دەرەوەی کوردستان$
- ئەمڕۆ کۆنفڕانسی (چارەسەریی قەیرانی ڕۆژهەڵاتی ناوین؛ تێڕوانینەکانی عەبدوڵڵا ئۆجەلان) لە ئەنجومەنی لۆردان-ی بەریتانیا دەستی پێکرد. ماوریس گلاسمان ئەندامی ئەنجومەنەکە لە لیستی پارتیی کرێکاران میوانداری کۆنفڕانسەکەی کردووە و بە پشتگیریی سەندیکاکانی بەریتانیا کە ملیۆنان ئەندامیان هەیە، هەروەها ناوەندەکانی گەلی کورد له و وەڵاتە بەڕێوەدەچێت.[4]
- پۆلیسی بەریتانیا هێرشی کردە سەر ڕێپێوانی درێژمەودای هەرێمی وێڵز کە بەمەبەستی ئیدانەکردنی پیلانگێڕیی نێودەوڵەتیی 15ی شوباتی 1999ی دژ بە ئۆجالان و گۆشەگیری، بەڕێوەدەچوو.[4]