16-05-2020
باکووری کوردستان
- دەوڵەتی تورک لە سەمسور ڕێگای نەدا تەرمی گەریلا زەینەل گۆزوبویوک بە ئۆتۆمبێلی گواستنەوەی تەرم بگوێزرێتەوە و ڕێگاشی نەدا تەرمی ئەو گەریلا شەهیدە بشۆردرێت و پرسەشی بۆ دابنرێت.[6]
- لە ناوچەی نسێبینی شاری مێردینی باکوردی کوردستان لە ئەنجامی ئۆپڕاسیۆنێکی پۆلیسی دەوڵەتی فاشیستی ئاکەپەدا بۆ سەر ماڵی هاوڵاتیان، 3 کەس دەستگیر کران.[6]
رۆژهەڵاتی کوردستان
- ڕێکخراوی مافی مرۆڤی هەنگاو بڵاویکردوەتەوە، بەرەبەیانی ئەمڕۆ شەممە کۆڵبەرکۆڵبەرێکی لاوی خەڵکی شنۆشنۆ لەکاتی چون بۆ کۆڵبەری کەوتوەتە ناو ڕوباری گادەرگادەر و گیانی لە دەستداوە. ئاماژەی بەوەشکردوە، ئەو کۆڵبەرە تەمەن 25 ساڵە ناوی ئارام مەولودی-یە، کە خێزاندار بوە و تەرمەکەی لەلایەن خەڵکی ناوچەکەوە دۆزراوەتەوە.[3]
- هەفتەیەک بەسەر ناڕوونیی چارەنووسی هیدایەت عەبدوڵڵاپوور، زیندانیی سیاسیی کوردی مەحکووم بە سێدارە لە گرتووخانەی ورمێورمێ، تێدەپەرێت. هەتا ئێستا بەدواداچوونەکانی بنەماڵەی ئەو زیندانییە سیاسییە کوردە، بۆ ئاگاداربوون لە چارەنووس و شوێنی ڕاگیرانی هیدایەت عەبدوڵڵاپوور بێئاکام ماوەتەوە.[5]
- ئەمڕۆ قوتابخانەکان لە ئێران و ڕۆژهەڵاتی کوردستان کە بەهۆی ڤایرۆسی کۆرۆناوە داخرابوون، بەشێکیان بە ڕووی قوتابییاندا کرانەوە، بەڵام بەپێی ڕاگەیاندنە ناوخۆییەکانی ئێران کەمتر لە 10٪ی قوتابییان چوونەتە پۆلەکانی خوێندن.[1]
باشووری کوردستان
- ڕێپێوانی درێژمەودوای گەنجانی باشووری کوردستان بە پشتیوانیی 105 ڕێکخراو بەرەو زینی وەرتێوەرتێ بۆ دژایەتیی داگیرکەری تورک دەستیپێکرد. بەڵام بە گەیشتنیان بە بازگەی سەرکەپکانسەرکەپکان لە لایەن هیزە ئەمنییەکانەوە ڕێگرییان لێکرا.[4](بڕوانە فایلی پەیوەندیدار)
- بۆ ڕێگرتن لە خۆپیشاندان لە دهۆک، شەوی ڕابردوو مامۆستا بەدەل بەرواریبەدەل بەرواری لەلایەن ئاساییشەوە دەستگیرکرا و بۆ شوێنێکی نەزانراو ڕاگوێزرا.[4]
- ژمارەیەک لە فەرمانبەران و مامۆستایانی دهۆک بەهۆی دواکەوتنی دابەشکردنی موچەکانیان خۆپیشاندانیان دەستیپێکرد، خۆپیشاندانەکە لەلایەن هێزەکانی ئاساییش بڵاوەی پێکرا و چەندین کەس و تیمی ڕۆژنامەنووسی دەستگیرکران.[4]
- دوای خۆپیشاندانی دهۆک، بەشێک لە مامۆستایانی شێلادزێشێلادزێ ویستیان دژی دواکەوتنی موچە گردبوونەوە ئەنجامبدەن، بەڵام لەلایەن هێزە ئەمنییەکانەوە ڕێگرییان لێکرا.[8]
- لە کاژێر 08:30 خولەکی بەیانیی ئەمڕۆ ئاگر لە کۆگایەکی سووتەمەنی لەسەر ڕێگەی مەخموورمەخموور - هەولێرهەولێر کەوتووەتەوە کە بەنزینخانەیەکیشی لە تەنیشتدایە، بەو هۆیەشەوە کەسێک گیانی لەدەستداوە.[1]
- لە بەردەوامی پشکنینەکان و گەڕان بەدوای گومانلێکراوان، حەفت تووشبووی دیکەی ڤایرۆسی کۆڕۆنای نوێ COVID-19 لە پارێزگای سلێمانی دەستنیشانکران، چوار ئافرەتی تەمەنەکانی 55 و 41 و 22 و 17 ساڵ و پیاوێکی تەمەن 45 و کوڕێکی گەنجی تەمەن 18 ساڵ و کوڕێکی منداڵ تەمەن 10 ساڵان، چوار تووشبوو دانیشتووی شاری سلێمانین و سێ توشبووەکەی تر دانیشتووی شارەدێی بازیانبازیانن.[4]
- لیژنەی ئەمنیی پارێزگای دهۆکدهۆک لە ڕاگەیێندراوێکدا ڕایگەیاند، چەند ڕۆژێکە بانگەشە و پڕوپاگەندە بۆ خۆپێشاندان دەکرێت لە ئەمڕۆدا، بەڵام ئێمە وەک لیژنەی ئەمنی هیچ مۆڵەتێکی فەرمیمان بۆ ئەو خۆپێشاندانە نەداوە.[1]
- هاوڵاتیانی کامپی پەنابەرانی مەخموور بۆ شەرمەزارکردنی کۆمەڵکوژیی ساڵی 1997ی هەولێر ڕێپێوانێکیان ئەنجامدا، کەسوکاری بێسەروشێنکراوانی ئەو کۆمەڵکوژییە ڕایانگەیاند، کە هیچ کەس و لایەنێک بە داگیرکاریی و کۆمەڵکوژیی ناتوانێت سەربکەوێت.[8](بڕوانە فایلی پەیوەندیدار)
- وەزیری تەندروستی حکوومەتی هەرێمی کوردستان، هۆشداری دەداتە هاووڵاتیان، کە وەک پێویست پابەندی ڕێنماییەکان نابن و داواش دەکات بۆ ئەوەی پارێزراوبن و دووربن لە نەخۆشی کۆرۆناکۆرۆنا، پابەندی ڕێنماییەکان بن، چونکە هێشتا مەترسی ماوە.[3]
- لە ناوەندی شارۆچکەی دوکاندوکان بەشێوەیەکی هەڕەمەکی پشکنینی ڤایرۆسی کۆرۆنا بۆ کاسبکاران ئەنجامدرا.[7](بڕوانە فایلی پەیوەندیدار)
- پارێزگاری سلێمانیسلێمانی ڕایگەیاند، پرسە، چونە سەر قەبران، کۆبونەوە و بەر یەککەوتن و تێکەڵاوبون لە هەر شوێنێک بێت لە ئێستا و جەژنیشدا قەدەغەیە، ئەو شوێنانەشی کراوەنەتەوە پێویستە پابەندبن بە مەرجەکانەوە، دەشڵێت، لە ڕۆژانی جەژندا دەبێت تێکەڵاوبون و ئەو کلتورە جوانەی هەمانە ڕایانبگرین.[3]
دەرەوەی کوردستان
- وەزیری دەرەوەی تورکیا ناڕەزایی خۆی لەبارەی دانوستاندنەکانی نێوان ئەنەکەسەئەنەکەسە و یەپەگەیەپەگە دەربڕێ و ڕایگەیاند، تورکیا ڕێگە نادات بە دروستکردنی ڕێڕەوێکی تیرۆر لە باکووری سووریا و ڕەواییدان بە ڕێکخراوێکی تیرۆریستی.[1]
- نوێترین داتاکانی وەزارەتی داراییوەزارەتی دارایی لە تورکیا ئاشکرای دەکات، کورتهێنانی بودجە لە تورکیا بەرێژەی 135.8% بەرزبوونەوەی تۆمارکردووە لەسەر بنەمای ساڵانە، کە یەکسانە بە 43 ملیار و 200 ملیۆن لیرە.[2]
- جهانپور ڕایگەیاند: بەپێی ئەنجامی پشکنینەکان لە 24 کاتژمێری ڕابردوو هەزار و 757 حاڵەتی تووشبوون بە ڤایرۆسی کۆرۆنا لە سەرتاسەری ئێران تۆمارکراوە و بەوپێیەش ژمارەی گشتی تووشبووان گەیشتووەتە 118 هەزار و 392 کەس، هەر لەو ماوەیەدا، 35 تووشبووی کۆرۆنا گیانیان لەدەستداوە و ژمارەی گشتی گیانلەدەستدان بە کۆرۆنا لە ئێران گەیشتووەتە شەش هەزار و 937 کەس، تا ئیستاش 93 هەزار و 147 تووشبووی کۆرۆنا چاکبوونەتەوە.[8]