رۆژهەڵاتی کوردستان
- ژمارەیەک لە کاریکاتۆریست و هونەرمەندانی دەستڕەنگینی شاری کرماشانکرماشان دەستیان کرد بە سازکردنی پێشانگایەکی سەرشەقام بە ناویفرمێکسی یەڵدا، بۆ پشتیوانی لە لێقەوماوانی بوومەلەرزەبوومەلەرزەی ئەو پارێزگایە.[4]
- دەزگای دادوەریی حکوومەتی ئێران کوبڕا خاڵەندیکوبڕا خاڵەندی، چالاکی مەدەنیی کوردی بە دوو مانگ و 15 ڕۆژ زیندانی مەحکووم کرد.[4]
باشووری کوردستان - خۆپیشاندان
- خۆپیشاندان بۆ باشترکردنی گوزەرانی خەڵکی لە زۆربەی شار و شارۆچکەکانی باشووری کوردستان ڕوویدا.[1]
- خۆپیشاندەرانی تەقتەقتەقتەق ڕێگاکانی سلێمانیسلێمانی، کەرکووک و هەولێرهەولێریان داخست.[1]
- خۆپیشاندەرانی شارەدێی تەکییەی کاکەمەندکاکەمەند کە سەربە چەمچەماڵچەمچەماڵە ڕێگای سلێمانی-کەرکووک یان داخست و ئاڵای پارتەکانیان سووتاند.[1]
- لە سەید سادقسەید سادق خۆپیشاندەران هێرشیان کردەسەر بارەگای ناوچەی پارتی دیموکراتی کوردستانپارتی دیموکراتی کوردستان.[1]
- خۆپیشاندان لە ڕواندزڕواندز برینداری لێکەوتەوە.[1]
- هێزە ئەمنییەکانی شارۆچکەی ڕواندز دەستیان بەسەر مەکۆی بزووتنەوەی گۆڕانبزووتنەوەی گۆڕان-دا گرت.[1]
- خۆپیشاندەران لە سەنگەسەرسەنگەسەر چوونە ناو بارەگای بەڕێوەبەرایەتیی شارەدێیەکە.[1]
- خۆپیشاندەران لە کۆیەکۆیە ڕێگای کۆیە - هەولێریان داخست.[1]
- بەشێک لە خۆپیشاندەران لە بەردەرکی سەراوە ویستیان بەرەو لقی 4ی پارتی بڕۆن، بەڵام هێزەکانی ئاساییش بە گازی فرمێسکڕێژ بڵاوەیان پێکردن.[1]
- بەڕێوەبەرایەتی پۆلیسی هاتوچۆی سلێمانی مانگرتنی دەستپێکرد.[1]
- پارتی دیموکراتی کوردستان لەبارەی خۆپیشاندانەکانی ئەمڕۆی سنوری پارێزگای سلێمانی و شارو شارۆچکەکانی دیکە، پەیامێک ئاڕاستەی خۆپیشاندەران دەکات و ئەندامێکی سەرکردایەتی ئه و حزبەش ڕایدەگەیەنێت پەلاماری بارەگاکانی پارتی دراوە و دەستێکی سیاسی لەپشت خۆپیشاندەرانەوەیە.[5]
- لە سلێمانی ژمارەیەک لە خۆپیشاندەران و پەیامنێری میدیاکان و لەنێویاندا تیمی دواڕۆژ بەهۆی ڕشتنی گازی فرمێسکرێژەوە برینداربوون.[2]
- لە شارەدێی پیرەمەگرونپیرەمەگرون خۆپیشاندەران بارەگاکانی ناوچەی پارتی دیموکراتی کوردستان، یەکێتی، کۆمەڵ، یەکگرتوو، گۆڕان و ئاساییشی شارەدێیەکە، پۆلیسی هاتووچۆ و بنکەی ناحیەیان سوتاند.[1]
- بەشێک لەخۆپیشاندەرانی پێنجوێنپێنجوێن، ڕێگای سەرەکی (سلێمانی – پێنجوێن - باشماخباشماخ) بەرووی هاتوچۆی ئۆتۆمبێلە بارهەڵگرەکان و ئۆتۆمبێلی گەشتیاریی و هاوڵاتیان داخرا و خۆپیشاندەرانیش داوای داخستنی فەرمی مەرزی نێودەوڵەتی باشماخ دەکەن.[2]
- لەخۆپیشاندانەکەی ئەمڕۆی شارۆچکەی ڕواندز 25 خۆپیشاندەر دەستگیرکراون و بەشی زۆریشیان دەستوقۆڵیان بریندارکراوە، بەڕێوەبەری ئاسایشیش دەڵێت ئەو خۆپیشاندەرانە لای پۆلیسن و بەڵێنامەیان پێ پڕدەکەنەوە، بۆ ئەوەی ئازاد بکرێن.[2]
- گوتەبێژی پارتی لە سلێمانی ڕایگەیاند: سلێمانی شارێکی بێ‌ دەرگا و پەنجەرەیە بۆیە ئەو هەموو پشێوییانەی تێدا ڕوودەدەن.[6]
- لە سەید سادق پەیامنێری کەناڵی KNN لەلایەن هێزەکانی ئاسایشەوە دەستگیرکرا.[1]
- خۆپیشاندەران لەشاری سلێمانی پاش ئەوەی لەشەقامی مەولەوییەوە کشانەوە بەردەرکی سەرابەردەرکی سەرا، خێوەتیان لەگۆڕەپانی سەرەکی بەردەرکی سەرا هەڵدا.[2]
- لە ڕانیەڕانیە لەلایەن خۆپیشاندەرانەوە هێرش کرایەسەر کۆمیتەی ڕێکخستنی یەکێتی و لە حاجیاواش خۆپیشاندەران لە هەوڵی هێرشکردندان بۆ سەر بارەگای یەکگرتووی ئیسلامی.[2]
- لە خۆپیشاندانەکانی ئەمڕۆی چەمچەماڵ، 5 کەس برینداربوون کە یەکێکیان ئاساییشە.[1]
- جێگری سەرۆک کۆماری عێراق، داوا لەهاووڵاتیانی کورد دەکات دان بەخۆیاندا بگرن، هۆشداریش لەهەندێک ئەجێندای دەرەکی دەدات کە خێری بۆ کوردستان ناوێت.[2]
- خۆپیشاندەرانی بەردەرکی سەرای سلێمانی ڕایدەگەیەنن ئامادەنین سەرا چۆڵ بکەن و بەرپرسیارێتی پاراستنی گیانیان دەخەنە ئەستۆی هێزە ئەمنییەکان.[2]
- ئەسکەندەر وتوت، ئەندامی لیژنەی ئاسایش و بەرگریی پەرلەمانی عێراق ڕایگەیاند پێویستە هێزی سەربازی ئیتیحادی ڕەوانەی پارێزگای سلێمانی بکرێت، بۆ پاراستنی ئاسایش و گیان و موڵک و ماڵی هاووڵاتییان.[6]
باشووری کوردستان
- ئۆفیسی هەرێمی کوردستانی کۆمسیۆنی باڵای سەربەخۆی هەڵبژاردنەکانی عێراق، ڕایدەگەیەنێت، 25-12-201725-12-2017 دوا وادەیە بۆ خۆتۆمارکردنی لایەنە سیاسییەکان.[2]
- لە سنووری شارەدێی سیدەکانسیدەکانی سەر بە شاروچکەی سۆران –ی لە پارێزگای هەولێر، سوپای تورک چەکی قورسی گواستەوە بۆ گوندی کانییە ڕەش، بەردەوامیش فڕۆکەی چاودێری بەسەر ئاسمانی دەڤەرەکەدا دەسوڕێتەوە.[3]
- هێرۆ ئیبراهیم ئەحمەدهێرۆ ئیبراهیم ئەحمەد ڕایگەیاند، ڕۆژی 07-03-201807-03-2018 چوارەمین کۆنگرەی یەکێتی دەبەستن.[1]
- ئەنجومەنی ئاسایشی هەرێمی کوردستان، ڕایدەگەیەنێت، ئاگادارکراونەتەوە لە خۆکۆکردنەوەی هێزە سەربازیەکانی عێراق لەدەوروبەری مەخمورمەخمور لەباشوری ڕۆژئاوای هەولێر وئەو ‌هێزانە ئامادەکاری دەکەن بۆ هێرشکردنە سەر سەنگەرەکانی پێشەوەی هێزی پێشمەرگە.[7]
- لە گەڕەکی فەرمانبەرانی هەڵەبجەهەڵەبجە کەسێک برا، براژن و برازایەکی دەکوژێت.[1]
- لە نزیک شارەدێی پردێپردێ، هێرش کرایە سەر هێزە ئێڕاقییەکان.[1]
دەرەوەی کوردستان
- وەزیری دەرەوەی ئەڵمانیا دوای کۆبوونەوە لەگەڵ نێچیرڤان بارزانینێچیرڤان بارزانی داوای لە حکومەتی عێراق کرد لەگەڵ هەرێمی کوردستان دەست بە گفتوگۆ بکات.[6]
- کۆمەڵێک خۆپیشاندەر ویستیان هێرش بکەنەسەر کەژاوەی ئوتومبیلەکانی نێچیرڤان بارزانی لە بەرلین، بەڵام پۆلیسی ئەڵمانی ڕێی لێگرتن.[1]

حکوومەتی هەرێمی کوردستان خۆپیشاندان بە مافێکی ڕەوای هاووڵاتیان دەزانێت و هەمیشە بەرگری له و مافە کردووە و بەرگری لێدەکات، بەڵام بەنیگەرانییەوە دەڕوانێتە ئه و کردەوە ناشارستانی و توندوتیژانەی ئەمڕۆ لە چەند شار و شارۆچکەیەکی کوردستان بەتایبەتی لە سنووری پارێزگای سلێمانی ڕوویاندا کە ژمارەیەک لە فەرمانگە حکوومییەکان و بارەگە حیزبییەکانی کردە ئامانج و وێڕای لێکەوتنەوەی چەند بریندارێک، مڵک و ماڵی هاووڵاتیانیش تیایدا زیانیان بەرکەوت.
خۆپیشاندانی ئارام و شارستانی بۆ داواکردنی مافەکان لە چوارچێوەی یاسادا، کارێکی دیموکراسیانەی بە تەواوی ڕێگەپێدراوە، بەڵام قۆستنەوەی ئه و مافه و داواکاریی هاووڵاتیان بۆ ئەنجامدانی توندوتیژی و زیانگەیاندن بە مڵک و ماڵی هاووڵاتیان و نانەوەی پشێوی و تێکدانی ئارامی و سەقامگیری، بەتایبەتیش لە کاتێکدا هەرێمی کوردستان بە دۆخێکی دژواردا تێدەپەڕێت و لە چەندین لاوە ڕووبەڕووی مەترسیی تێکدان و هەڵوەشاندنەوەی کیانه ‌سیاسی و دەستوورییەکەی بۆتەوە، هیچ سوود و خزمەتێک بە کەس ناگەیەنێت، نەیارانی کوردستان نەبێت، بۆیە بە هیچ شێوەیەک قبووڵ ناکرێت.
دامودەزگا پەیوەندارەکانی حکوومەت دەبێت بە شێوەیەکی شارستانی و بەپێی یاسا مامەڵە لەگەڵ ڕووداوەکاندا بکەن و سەر و سامان و ئاسایش و سەقامگیریی هاووڵاتیان بپارێزن، ڕێگەش نەدرێت خۆپیشاندان و گردبوونەوەکان بۆ هیچ مەرامێک و لە هیچ لایەنێکەوە بقۆزرێنەوه و سەرپێچیکاران ڕووبەڕووی سزای یاسایی بکرێنەوە.
حکوومەتی هەرێمی کوردستان
18-12-201718-12-2017