19-07-2020
رۆژهەڵاتی کوردستان
- سوهەیلا حیجابسوهەیلا حیجاب، پارێزەر و چالاکی مەدەنی خەڵکی کرماشانکرماشان لە بەندیخانەی قەرچەکی وەرامین، پاش تێپەڕینی 34 ڕۆژ لە مانگرتن لە خواردن هێشتا بەردەوامە لە مانگرتنەکەی.[6]
- کۆڵبەرکۆڵبەرێکی کورد خەڵکی شاری ماکۆماکۆ بە ناوی ڕامین بلخکانلوو خەڵکی گوندی کشمیش تەپەی ئەو شارە، بە تەقەی هێزە سنوور پارێزەکانی حکوومەتی پێکرا. ئەو کۆڵبەرە کوردە، لە کاتی کۆڵبەری لە سنووری چاڵدێران، لەلایەن هێزەکانی هەنگی سنوورییەوە، تەقەی لێکراوە.[7]
- یەکەم کۆبوونەوەی دادگایی کردنی دۆسییەی سیروس عەباسی، فەریدە وەیسی و ئازاد عەباسی، سێ چالاکی مەدەنیی کورد خەڵکی شاری دێولان، لە لقی یەکی دادگای ئینقلابی سنەسنە بە سەرۆکایەتی دادوەر سەعیدی بەڕێوەچوو. دادگای ئینقلابی شاری سنە، ئەو سێ چالاکە مەدەنییەی بە تۆمەتی پڕۆپاگەندە دژی نیزام، هەوڵدان دژی تەناهی و نەتەوەیی هاندانی بیروڕای گشتیی تاوانبار کراون. کۆبوونەوەی دادگایی کردنی دۆسیەی ئەو سێ چالاکە مەدەنییە بەهۆی زۆربوونی تۆمەتەکان، بۆ کاتێکی دیکە دواخرا.[7]
باشووری کوردستان
- وەزارەتی تەندروستی ئاماری 24 کاتژمێری ڕابردووی کۆرۆناکۆرۆنای ڕاگەیاند و بەگوێرەی ڕاگەیەندراوەکە لە ماوەی شه و و ڕۆژێکدا 256 کەس تووشی ڤایرۆسی کۆرۆنا بوونە و 10 کەسی دیکەش گیانیان لەدەستداوە.[1](بڕوانە فایلی پەیوەندیدار)
- سکرتێری ئەنجومەنی سەرکردایەتی یەکێتیی نیشتمانیی کوردستانیەکێتیی نیشتمانیی کوردستان ڕایدەگەیەنێت: بەستەڵەکی نێوان پەیوەندییەکانی یەکێتیی نیشتمانیی کوردستان و پارتی دیموکراتی کوردستانپارتی دیموکراتی کوردستان نەماوە.[4]
- هاوسەرۆکی نوێنەرایەتی پارتی دیموکراتی گەلان (هەدەپەهەدەپە) لە هەرێمی کوردستان ڕایدەگەیەنێت، لەشکرکێشی تورکیا بۆ سەر باشور و ڕۆژئاوای کورستان زیندوکردنەوەی خەونی دەوڵەتی عوسمانییە.[5]
- سەرۆکی ژووری بازرگانیی سلێمانیسلێمانی داوا لە بازرگانان دەکات خۆیان لە کڕینی تمەنی ئێرانی بەدوور بگرن و دەڵێت: دابەزینی بەهای تمەن بۆ هەرێمی کوردستان زیانی زیاترە لە قازانج.[3]
- دوای سوتانی بازاڕی قەیسەری کەرکووککەرکووک بەڵێن بە دوکاندارەکان درابوو، دوای نۆژەنکردنەوەی دوکانەکانیان پێبدرێتەوە، بەڵام ئێستا کێشەیان بۆ دروستکردون و ژمارەیەک چەکداریش کە خۆیان بە عەسائیب ئەهلولحەق ناساندووە، داوای پارەیان لە دوکاندارەکان کردووە.[2]
- محەمەد جەواد زەریف، وەزیری دەرەوەی داگیرکەری ئێران سەردانی هەولێرهەولێری کرد و لەگەڵ بەرپرسانی هەرێم کۆبووەوە.[1]
رۆژئاوای کوردستان
- لە عەفرینعەفرین لەسەر ڕێگەی نێوان جەندریس-عەفرین تەقینەوەیەک ڕوویدا و ژمارەیەک کەس بریندار بوون. بە گوێرەی زانیارییە سەرەتاییەکان تەقینەوەکە کاروانی ئۆتۆمبێلەکانی فەرماندەی فەیلەقی شامی ئۆپۆزیسیۆنی حکومەتی سووریای کردووەتە ئامانج. زانیارییە سەرەتاییەکان باس لەوە دەکەن، لە تەقینەوەکەدا 10 کەس بریندار بوون کە سیانیان ئەندامی فەیلەقی شامن.[3]
دەرەوەی کوردستان
- بەپێی هەواڵی گەیشتوو بە ڕیکخراوی مافی مرۆڤی هەنگاو، ئێوارەی ئەمڕۆ، ژنێکی خەڵکی مەهابادمەهاباد بە ناوی “پەرەنگ قازی” کچی مامۆستا ئەحمەد قازی نوسەری و ڕۆژنامەنووسی ناوداری کورد، لە شاری تاران لەلایەن هاوژینەکەیەوە کوژرا.[6]
- هەڵبژاردنی پەرلەمانی سووریا کە بە ئەنجوومەنی گەل ناسراوە بەڕێوەدەچێت. بەڕێوەبەرایەتیی خۆسەر بایکۆتی ئەم هەڵبژاردنەی کرد و سندوقەکانی دەنگدان لەژێر کۆنتڕۆڵی ئەماندا دانەنراون.[1]
- فەرەنسا، ئەڵمانیا و ئیتاڵیا هەڕەشەی سزا و ئابڵوقە لەو وڵاتانە دەکەن کە پێشێلی بڕیاری نەتەوە یەکگرتووەکاننەتەوە یەکگرتووەکان لەبارەی ئابڵوقەی لیبیا بۆ چەک و تەقەمەنی دەکەن.[2]
- میدیاکانی ئێران بڵاویانکردەوە، تەقینەوەیەک لەوێستگەیەکی بەرهەمهێنانی وزە لەشاری ئەسفەهان ڕویداوە.[5]
- سەرچاوەیەکی ئەمنی عێراق ڕایگەیاند، وەزیری پێشووی بەرگری عێراق لە سەردەمی ڕژێمی بەعس، سوڵتان هاشم ئەحمەد لە نەخۆشخانەیەکی زیقار گیانی لەدەستداوە. نێوبراو یەکێک بوو لە ئەنفالچییەکان.[1]
- ئاژانسی ڕەسمی تورکیا هەواڵی خۆڕادەستکردنی برازایەکی ساڵح موسلیمساڵح موسلیم، ئەندامی دەستەی هاوسەرۆکایەتی پەیەدەی بە هێزە ئەمنییەکانی وڵاتەکەی لە مێرسین بڵاوکردەوە. بەڵام ساڵح موسلیم دەڵێت: برازاکەی لە هەرێمی کوردستانەوەو لەلایەن پارتی دیموکراتی کوردستانەوە ڕادەستی میتی تورکی کراوە.[5]