$باکووری کوردستان$
- بەهۆی بۆردومانی سوپای تورکیای داگیرکەر لە چیای زەلێی سەر بە ناوچەی نازمیای #دێرسم# ئاگرکەوتەوە و سات بە سات ئاگرەکە زیاتر تەشەنە دەکات.[5]
$رۆژهەڵاتی کوردستان$
- شەوی ڕابردوو، هێزە نیزامییەکانی حکوومەتی ئێران، لە ئەنجامی دەسڕێژ لە ژمارەیەک لە #کۆڵبەر#انی کورد، کۆڵبەرێکی کوردیان لە سنووری شاری چاڵدێران کوشت. شوناسی یەک لەو کۆڵبەرە کوردە بە ناوی نعمەت شەهبازی حەیدەرانلوو، تەمەن 30 ساڵ، خەڵکی گوندی عیسا گۆلێکی شاری چاڵدێران ڕاگەیەندراوە. ئەو کۆڵبەرە کوردە، خێزاندار و باوکی دوو منداڵ بووە.[1]=KTML_Photo_Begin=https://www.kurdipedia.org/files/relatedfiles/2018/104097/0010.JPG=KTML_Photo_Alt=ڤیستیڤاڵی ئاوازەکانی تەنبور لەداڵاهۆ=KTML_Style=width:30%;height:20%;float:right;=KTML_Photo_Target_Link=https://www.kurdipedia.org/files/relatedfiles/2018/104097/0010.JPG=KTML_Photo_End=
- لەگوندی بان زلانی لە شارۆچکەی داڵاهۆی سەربە پارێزگای #کرماشان#، بە ئامادەبوونی بەناوبانگترین موزیک ژەنەکوردەکانی ڕۆژهەڵات ڤیستیڤاڵی ئاوازەکانی تەنبورو میوزیکە کوردیەکان بەڕێوەدەچێت.[2]
- #قادر عێزەتی# خەڵکی شاری #مەریوان# یەکێک لە برینداربووانی مووشەکبارانکردنی مەقەڕەکانی حیزبی دێموکرات بە هۆی سەختیی برینەکەیەوە لە یەکێک لە نەخۆشخانەکانی شاری #سلێمانی#یە گیانی لە دەستدا.[1]
- هێزە نیزامییەکانی حکوومەتی ئێران، دەستیان بە سەر 320 سەر مەڕوماڵاتی هاووڵاتییانی کورد لە گوندی سنووریی بیرواسسەر بە بەشی نەوسووددا گرت.
$باشووری کوردستان$
- لە کۆبونەوەی ئەمڕۆی ئەنجومەنی سەرکردایەتی یەکێتیی نامەی گەڕانەوەی (#بەرهەم ئەحمەد ساڵح#) بۆ ناو یەکێتی پەسەندکرا و بە فەڕمی بووە کاندیدی یەکێتی بۆ پۆستی سەرۆک کۆماری ئێڕاق.[4]
- فڕۆکە جەنگییەکانی تورکیا دەستیان کردووە بە بۆردومانکردنی دوو گوندی سنوری شارۆچکەی #ئامێدی#. بۆردومانەکە هەردوو گوندی سێرگێ و سەرگەلی دەڤەری نهێلی سەر بە شارۆچکەی ئامێدی گرتووەتەوە.[6]
- سوپای تورک گوندێکیان لە ناوچەی #کانی ماسی#ی سەر بە ئامێدی هاوەنباران کرد و بەهۆیەوە جووتیارێکی دانیشتووی گوندەکە برینداربوو.[3]
- هاوپەیمانیی بۆ دیموکراسیی و دادپەروەریی ڕایگەیاند، کە #بەرهەم ساڵح# نامەی دەستلەکارکێشانەوەی پێشکەشی ئەنجومەنی بەڕێوەبردنی هاوپەیمانی کردووە و هاوپەیمانیش نامەکەی قبووڵکردووە، بڕیاریشە لە داهاتوودا کۆبوونەوەیەکی فراوانی هاوپەیمانی سەبارەت بە چۆنییەتی و شێوازی بەڕێوەبردنی ئەو حزبە ئەنجامبدرێت.[3]=KTML_Photo_Begin=https://www.kurdipedia.org/files/relatedfiles/2018/104097/0019.JPG=KTML_Photo_Alt=هاوپەیمانی بڕیار لەسەر ئایندەی خۆی دەدات=KTML_Style=width:30%;height:20%;float:left;=KTML_Photo_Target_Link=https://www.kurdipedia.org/files/relatedfiles/2018/104097/0019.JPG=KTML_Photo_End=
- ئۆتۆمبێلێکی مینڕێژکراو لە گەڕەکی تسعینی شاری #کەرکووک# تەقیەوه و ژمارەیەک بریندار لێکەوتووەتەوە.[6]
- #لاهور شێخ جەنگی# ڕایدەگەیەنێت بە نەیارانی یەکێتی دەڵێم سنوور مەبەزێنن، ئەگەر سنور ببەزێنن ئەوا بەدەنگەکانمان ئاودیوی سنوریان دەکەینەوە.[2]
- قایمقامیەتی شارۆچکەی #خانەقین#، بەهۆی ڕۆژی عاشوراوە قەدەغەکردنی هاتووچۆی ئۆتۆمبێل و هاوڵاتیانی بۆ ناو قەزاکە ڕاگەیاند و بڕیارەکە تاوەکو نیوەرۆی ڕۆژی پێنجشەممە بەردەوامی دەبێت.[6]
$رۆژئاوای کوردستان$
- ئەمڕۆ هەزاران هاوڵاتیانی شاری #کۆبانێ# لەسەر بانگەوازی تەڤگەریی جڤاکی دیموکرات، تەڤ-دەم، ڕژانە سەر شەقامەکان و داگیرکردنی #عەفرین# و گۆشەگیرکردنی ئۆجالانیان شەرمەزارکرد.[3]
$دەرەوەی کوردستان$
- ڕێکخراوی هیومان ڕایتس وۆچ لە ڕاپۆرتێکدا باس لە ئۆپەراسیۆنە ئاسمانی و زەمینییەکانی دەوڵەتی تورک دەکات بۆ سەر باشوری کوردستان و، ڕایدەگەیەنێت ئەو ناوچانەی هێرشیان دەکەنە سەر تەنیا هاوڵاتیانی مەدەنییان تێدایە و هیچ بنکەیەکی #پەکەکە#ی لێنییە.[3]

لە ئەنجامی چالاکیی گەریلاکان لە بەدلیس سێ سەربازی تورک کوژراون و چواریش برینداربوون، هەروەها لە ئەرزینگانیش چەند سەربازێک کوژراون.
ئەمڕۆ ناوەندی ڕاگەیاندنی هێزەکانی پاراستنی گەل- #هەپەگە#، لەبارەی چالاکیی گەریلاکان و شەڕ و پێکدادانەکان لە بەدلیس و ئەرزینگان ڕاگەیەندراوێکی بڵاوکردەوە و ئەنجامەکانی ئەو چالاکییانەی خستەڕوو.
لە ڕاگەیەندراوەکەدا هاتووە: سوپای تورک ڕۆژی 16ی ئەیلول ئۆپەراستۆنێکی لە دەڤەری شەهید مزگینی سەربە بەدلیس دەستپێکرد، 17ی ئەیلول ئەو ناوچانەی بۆردوومان کرد، لە کاتی بۆردومانەکەدا لە نێوان گەریلاکانمان و هێزەکانی سوپای تورکدا شەڕ و پێکدادان ڕوویدا، لەو شەڕەدا سێ سەربازی سوپای تورک کوژران و چواری دیکە برینداربوون، هەروەها گەریلایەکی ئێمەش شەهیدبوو، ناسنامەی ئەو هەڤاڵە شەهیدەمان بەم زووانە بە ڕایگشتی ڕادەگەیەنین.
هەپەگە هەروەها ڕایگەیاندووە: 15ی ئەیلول لە گەلیی ماگاچوری سەربە چاگلایانی ئەرزینگان لە نێوان گەریلاکانمان و سوپای تورکدا شەڕێک ڕوویدا، لەو شەڕەدا گورزی توند لە سوپای تورک درا، بەڵام ژمارەی کوژراو و بریندارەکانیان نەزانراوە.
لە بەشێکی دیکەی ڕاگەیەندراوی هەپەگەدا هاتووە: ڕۆژی 15ی ئەیلول هەڤاڵ ڕۆژهات (سەعید ئیلمین) لەکاتێکدا لە کۆزلوکی سەربە ئێلیه ئەرکەکانی ئەنجام دەدا، کەوتە دەستی دوژمنەوە.
لە کۆتایی ڕاگەیەندراوەکەشدا هاتووە: سوپای تورک بەردەوامە لە بۆردوومانکردنی هەرێمەکانی پاراستنی مەدیا، 18ی ئەیلول کاتژمێر 10:00ی بەیانی فڕۆکە جەنگییەکان گردی کارتالی سەربە گەڤەریان بۆردومانکرد، کاتژمێر 04:45 خولەکی پاشنیوەڕۆش مەتینایان بۆردومانکرد، هەروەها 17ی ئەیلول لە کاتژمێر 10:00 بۆ 12:00ی نیوەڕۆ دەڤەرەکانی کونیشکا و شەهید ڕوستەمی سەربە زاپ و گەلیی کەستای سەربە مەتینایان بۆردوومان کرد.[1]
#19-09-2018#

ناوەندی ڕاگەیاندنی #یەپەگە# ڕایگەیاند، لە چوارچێوەی قۆناغی دووەمی بەرخۆدانی سەردەمی #عەفرین#، چالاکیی یەکینەکانیان دژی سوپای تورکیای داگیرکەر و چەتەکانی بەردەوامە.
یەپەگە دەستنیشانی کرد لە چالاکییەکی هێزەکانیان لەنێوان گوندی کەفەر نەبۆ و گوندی بەراد-ی سەر بە ناوچەی شێرا‌وا-ی عەفرین دژی بنکەیەکی چەتەکانی ئەحرار شەرقیە، 2 چەتە کوژراون و 3ی دیکەش بریندار بوون.
یەپەگە دەربارەی ئه و چالاکییەی #شەڕڤان#ان ڕایگەیاند: (لە ڕێکەوتی 18ی ئەیلوول\27ی خەرمانان لەنێوان گوندەکانی کەفەر نەبۆ و بەراد-ی سەر بە ناوچەی شێراوا بنکەیەکی چەتەکانی ئەحرار شەرقیە کرایە ئامانج. لەنێوان هێزەکانمان و چەتەکاندا شەڕی ڕووبەڕوو ڕوویدا. لە ئەنجامدا 2 چەتە کوژران و 3ی دیکەش بریندار بوون.)[1]
#19-09-2018#