ئاس
Latin: -Vaccinium oxycoccus
English: -Myrtle
ئاسێ غازی، جۆرێک مۆرد، جۆرە دارێکە لە تیرەی Ericacées کە زۆر لە دارهەنار دەچێ، گەڵاکانی سەوز و بۆن خۆشن، تامیان تاڵە و گوڵەکانی چەرموو و بۆن خۆشن، بەرەکەی لە سەرەتاوە سەوزە و کە دێ پێ بگا، ڕەش هەڵدەگەڕێ. ئەم دارە زۆرتر لە ناوچەی دەریای سپی نێوەڕاست دەڕوێ. ئەم دارە لە مۆر دەچێت یان خودی مۆر (مۆرد)ە کە لە ناوچەکانی دەوروبەری #هەڵەبجە# لە پارێزگای #سلێمانی# دا دەڕوێ و لەوێش دێیەک بەم ناوە هەیە و هەر بەم بۆنەوە ناوی دێیەکەیان ناوەتە مۆردین. ئەم دارە چەند جۆری هەیە کە یەکێکیان ئاسی خۆرستە (کێوی) یە کە بۆ خۆی دوو جۆری باڵای بەرزن و لە وڵاتانی باکووری ئەوروپادا هەن. ئەم دوو دارە گوڵی بچووکی چەرموو و بەرێکی سووری گۆشت دەگرن. جۆرەکەی دیکەی ئاسی خۆڕست چووکەن کە جۆرێک خشکەیی هەمیشە سەوزە. لە زەوی بە پیتدا دەڕوێ و بەرێکی سووری گۆشتن دەگرێ و بۆ مورەبا و شتی تر بەکاری دەهێنن، لە ناوچەکانی ئامریکادا بۆ بازرگانی دەیڕوێنن. جۆرێکیت دیکەی ئاس ئاسی کالیفورنیایە کە دارێکی زۆر ڤوان و هەمیشە سەوزە، گوڵ و گەڵاکانیشی زۆر بۆن خۆشن و بۆنیان لێدەگرن. لە دارەکەشی بۆ درووستکردنی بەلەم و کەشتی کەڵک وەردەگرن.[1]
دون هذا السجل بلغة (کوردیی ناوەڕاست)، انقر علی ايقونة
لفتح السجل باللغة المدونة!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
بکە بۆ کردنەوەی بابەتەکە بەو زمانەی کە پێی نووسراوە!
تمت مشاهدة هذا السجل 10,747 مرة
اعطي رأيک بهذا المقال!