ڕۆژی 16 /2 /2019 شاندی باڵای پارتی دیموکراتی کوردستان و بزوتنەوەی گۆڕان لە شاری سلێمانی، کۆبوونەوەو لە کەشوهەوایەکی دۆستانەدا، گفتوگۆیەکی ڕاشکاوانەی بەرپرسیارانە کرا، پەیوەندیی هەردوولا و گفتوگۆی پێکهێنانی کابینەی نۆیەمی حکومەتی هەرێم و ڕێککەوتنی سیاسیی نێوان هەردوولا خرایەڕوو.
لەکۆبوونەوەکەدا هەردوو شاند، ڕێککەوتن لەسەر ئەم خاڵانە:
1 - ڕێککەوتنی سیاسیی نێوان پارتی و بزوتنەوەی گۆڕان پەسەند کرا.
2- لە کۆبوونەوەکەی 18ی 2ی پەرلەمانی کوردستاندا فراکسیۆنی پارتی و فراکسیۆنی گۆڕان بەشداردەبن.
3- لەسەر شێوازی پێکهێنانی حکومەت گەیشتوونەتە قۆناغی کۆتایی و بەرەوپێشچوونی بەخۆیەوە بینیوە.
4- پڕۆژەی ڕێککەوتن دەبرێتەوە بۆ سەرکرادایەتیی هەدوولا بۆ پەسەندکردنی.
#16-02-2019#