وشەی خەرمان
زۆر بۆچون، سەبارەت بە وشەی خەرمان هەیە، من وای بۆ دەچم، کە وشەی (خەرمان)، وشەیەکی داڕێژراوە، لە (خەلە) + پاشگری(مان)، پێکهاتووە.
(خەلە)، واتە: دانەوێڵە، (مان) پاشگرە، کە لێرەدا، واتای شوێن دەگەیەنێت، وەک: وشەی (نیشتمان)، (مان) لەم وشەیەشدا، ناوی شوێنی دروستکردووە.
ئەگەر وشەی (خەرمان)، لەبنچینەدا، لە وشەی (خەلەمان)ەوە هاتبێت، هەروەک مامۆستا مەسعود محەمەدیش لە کتێبی (زاراوەسازی پێوانە)دا، ئاماژەی پێداوە، ئەوا گۆڕانە دەنگییەکان، کە بەسەر ئەم وشەیەدا هاتووە، بەمجۆرەیە:
وشەی (خەلە)، بۆتە (خەرە)، واتە: دەنگی [ل] گۆڕاوە بۆ [ر]، هەروەک لەهەندێ شوێن و شێوەزاردا، دەگوترێت: (خەرەمان)، دواتر دەنگی [ە] یش کرتاوە و لەناوچووە و ۆتە (خەر)، واتە: وشەی (خەرمان)، بەمجۆرە دروستبووە: (خەلە) + (مان) ------ خەلەمان، واتە شوێنی کۆکردنەوەی دەغڵ و دان، پاشگری(مان) یش، ئەگەر لەبنچینەدا جێناوی کەسی یەکەمی کۆش بێ، لێرەدا وەک مۆرفیمی دولانە دەرکەوتووە و ڕۆلی مۆرفیمی وشە داڕێژ دەبینێت و ناوی شوێنی دروستکردووە. [1]
ملاحظة: تتطلع کورديپيديا ان تجمع کل الکلمات والعبارات الکوردية بکل لهجاتها، التعريف القواعدي لکل الکلمات، جمع الجمل المناسبة وکذلک الصورة المناسبة، نرجوا مساعدة کورديپيديا لتحقيق ذلک...
دون هذا السجل بلغة (کوردیی ناوەڕاست - Central Kurdish)، انقر علی ايقونة
![](https://www.kurdipedia.org/images/flags/ku.png)
لفتح السجل باللغة المدونة!
ئەم بابەتە بەزمانی (کوردیی ناوەڕاست - Central Kurdish) نووسراوە، کلیک لە ئایکۆنی
![](https://www.kurdipedia.org/images/flags/ku.png)
بکە بۆ کردنەوەی بابەتەکە بەو زمانەی کە پێی نووسراوە!
تمت مشاهدة هذا السجل 1,851 مرة
اعطي رأيک بهذا المقال!