دوو شیش ووشەی شیعر..؟!
گەر هەر لەئێستاوە
دەست بەرداری خواردن و خواردنەوەش بم
من ڕۆژانە
دوو شیش ووشەی شیعرم بەسە
بۆ خۆم لەسەر پشکۆی
خۆشەویستی
بیانبرژێنم و...
هەر یەکەیان
بخەمەناو
پارچە نانی خەیاڵێکی شاعیرانە و...
دوو چای دیشلەمەی بەڕەنگی
بیرەوەریەکی شیرینی
ڕۆژانێکی
نێوخەونە پەمەییەکانی
مناڵیمی بەسەرداکەم..؟!
فاتح بێ لان[1]
دون هذا السجل بلغة (کوردیی ناوەڕاست)، انقر علی ايقونة
لفتح السجل باللغة المدونة!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
بکە بۆ کردنەوەی بابەتەکە بەو زمانەی کە پێی نووسراوە!
تمت مشاهدة هذا السجل 736 مرة