ئاردی بێژاوە، کەپەکی ماوە
بێژان: کرداری دابێشتن و بێژتنی هاڕاوەی وردبووی دانەوێڵەیە بە هێڵەگ، کەپەک: توێکڵی دانەوێڵەی هاڕاوی وەکوو (گەنم و جۆ و برنج و گەنمەشامی و شۆفان) لە کاتی دابێژان لە هێڵەگ گیر دەبێت لە بنەچەدا توێژاڵی تۆوەکەیە کە بۆ پارێزگاری تۆوەکە خوڵقاوە تاوەکوو چاندن و چەکەرەکردنی، کاتی خۆی کە باراشی دانەویڵەی گەنمیان دەبردە ئاشی و لە ئاسیاو بۆ ئارد دەهاڕدرا و کە دەهاتەوە بۆ ماڵەوە کابانەکان لە هێڵەگیان دەدا و ئاردەکە دەچووە خوارەوە و ئەوەی لە کونیلەکانی هێڵەگەکە گیر دەبوو ئەو توێکڵ و توێژاڵە بوو کە پێی دەوترێت: کەپەک، ئەوە بووە بە ئیدیۆم و بەکارێک دەوترێت کە بەرەو کۆتایی بێت و زۆربەی زۆری ئەنجام درابێت هاوشێوەی (گا گوراوە کلکی ماوە)، یان تەمەنی مرۆڤ بەرەو کۆتایی بێت، هاوشێوەی (ئاردی جەواڵم خواردووە و هەمبانەم ماوە)هەندێکجاریش دەوترێت: فڵانە کەس کاری خۆی تەواوکردیە ئاردی خۆی بێشتییە و کەپەکی خۆی ڕێشتییە).[1]
دون هذا السجل بلغة (کوردیی ناوەڕاست)، انقر علی ايقونة
لفتح السجل باللغة المدونة!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
بکە بۆ کردنەوەی بابەتەکە بەو زمانەی کە پێی نووسراوە!
تمت مشاهدة هذا السجل 1,859 مرة
اعطي رأيک بهذا المقال!