هەندێ وشە و دەستەواژەی ئەفسانەیی
1 بەردی سەبوری:
زۆرجار کەسێک لەنێو ئەفسانەدا هەست هەست بە تەنیایی و بێ کەسی دەکات، بەهۆی ئەوەی مرازێکی نەهاتۆتە دی، ئەویش لە ئەنجامی ڕێک نەکەوتن و نەگونجان و تێک نەگەیشتن و شکست خواردن، ئینجا ئه و کەسە بۆ دڵدانەوە و سەبوری خۆی خوو دەداتە بەردێک و لەگەڵ ئه و بەردەدا دەژی و دەردە دڵی خۆی بۆ دەکا و گلەیی و گازاندنەی خۆی لەلای ئه و بەردە هەڵدەڕێژێت، ئینجا بەم بەردە دەگوترێت (بەردی سەبوری)، بەڵام هەندێکجار کە خەم و دەردی کابرا لە سنور دەردەچێت، بەردیش بەرگە ناگرێت و لە حەژمەتان شەق دەبات. هەندێکجار ئەم بەردە ناو و شێوەی دەگۆڕێت، بە شتێکی دیکە، بەشتێکی دیکە، بەڵام لە بنەڕەتدا هەر بەردە سەبوورییەکەیە، چونکە گۆڕین ڕەوشتێکی هەمیشەیی ئەفسانەیە، لە گۆڕینی ناو و شوێن و کات و کەس.
هەندێکجار، حیکایەت و چیرۆک لەبارەی ئەم بەردە سەبوورییەوە هەیە، کە کچێک یان کوڕێک لە داخ و خەفەتی خۆی خەریکە شەق دەبات و هەموو ڕۆژێک دەردە دڵی خۆی لەگەڵ بەردێکدا دەکات و هەر ڕۆژێک بەشێک لە بەسەرهاتی تاڵی خۆی بۆ دەگێڕایەوە، تا لە کۆتاییدا کەسەکە هەموو شتێکی بۆ دەگێڕێتەوە، ئیدی بەردەکە لە توانایدا نامێنێت و خۆی ڕاناگرێت و لە داخا شەق دەبات.
2 کیسەی مرازێ:
کیسەیەکی ئاساییە، بەڵام چی لێ داوا بکەیت، پێتی دەدات، بۆیە پێی دەگوترێت: کیسەی مرازێ.
3 هێلکەی نامێ:
جۆرە هێلکەیەکە زۆر بە زەحمەت دەست دەکەوێت، بەڵام بە پێچەوانەی هێلکەی ئاسایی کە دەیشکێنیت، کچی زۆر جوانی تێدا دێتە دەرەوە.
4 دەستی کەسک:
دەستێکی پیرۆزە و یارمەتی خەڵک دەدات.
5 سابوونی حەیاتێ:
گوایە ئه و سابوونە هەر کەسێک خۆی پێ بشوات، ئەگەر پیر بێت گەنج دەبێتەوە، ئەمەش پێدەچێت، هەر لە ئاوی حەیاتێوە هاتبێت و گۆڕابێت بۆ سابوونی حەیاتێ.[1]