ئاش ئیشی خۆی دەکات، چەقەنە سەری خۆی ئەیەشێنێ.
ئاش: ئاسیاو مەبەست لە ئاشی ئاوە، چەقەنە: بەشێکە لە ئامێری ئاش، پێکدێ لە پارچەدارێک کە لەگەڵ خولانەوەی بەرداشەکەدا، بەر بەرداشەکە دەکەوێت، چەند خێراتر بەرداشەکە بسووڕێتەوە، ئەوەندە خێراتر دارەکە بەر بەرداشەکە دەکەوێت و دەنگێکی بەردەوام درووستدەکات، هەمووان گوێیان لێیە، پێی دەڵێت: (چەقەنە) بەخێرایی یان هێواشیی دەنگی دارەکەدا، دەردەکەوێت ئاشەکە هێواش دەگەڕێت یان خاو، مەبەست لەوەیە کە کەسێک بابەتێکی هەیە و پێوەی ماندووە، کەسێکی تر سەری خۆی پێوەدەیەشێنێ کە هیچ پەیوەندی بەوەوە نییە. [1]