نەقل دکەن کو جارەکێ مەلایەک و دوو نەفەر مرۆڤێد جاهل و نەخوەندی، هەر سێ بووینە ئولداشێد یەک و دوو و ب ڕێدا دچوون، ئەو هەر سێ مرۆڤ هاتنە دەڤێ چەمەکی و خوە ئەلاندن، کو ژ ئاڤێ دەرباز ببن، مەلا ل پێشیێ بوو و ئەو هەر دوو مرۆڤێد جاهل ژی ل دوویێ مەلای بوون، وەکو ئەڤان دایە ئاڤێ، مەلای دیت، کو چار پیستێد بچووک ڕۆنی بسەر ئاڤێ کەتیە، تێنن، مەلا ل بەرایکێ بوو، گەها پیستەکی ئەو پیست ب ددانێد خوە گرت، و دەستێ ڕاستێ درێژ کرە پیستەکێ دی گرت، و دەستێ چەپێ ژی درێژ کرە پیستێ سیێ گرت، ئێدی ددان و هەردوو دەستێد مەلای هاتنە گرتن و مەلای ژ بۆ خوە، بەری هەواڵان هەر سێ پیست گرتن، مایی پیستەک، ئەو پیست ژی ئەوان هەردوو ئولداشان گرتن، مەلای سێ پیست گرتنە، دیسانێ ب وان قەناعەت ناکە، گازی هەوالێن دکە، کو وەللاهی بەهرا من د وێ پیستیدا ژی هەیە، لەورانێ قسمێ خوەندی و مەلا دنێڤ ئەکرادان ب تەمەع و خەستی مەشهوورن، سێ پیست گرتییە، هێژ ڕازی نینە، تەمەعا پیستێ دی ژی دکەت.
#مەلا مەحموودی بایەزیدی# [1]
كورديبيديا غير مسؤول عن محتوى هذا التسجيل وصاحبه مسؤول عنه. قمنا بتسجيله لأغراض أرشيفية.
دون هذا السجل بلغة (کرمانجی)، انقر علی ايقونة
لفتح السجل باللغة المدونة!
ئەڤ بابەت ب زمانا (کرمانجی) هاتیە نڤیساندن، کلیک ل ئایکۆنا
بکە ژ بو ڤەکرنا ڤی بابەتی ب ڤی زمانا کو پی هاتیە نڤیساندن!
تمت مشاهدة هذا السجل 274 مرة
اعطي رأيک بهذا المقال!