باخچێوە بېگەرد
ئاماڎەکەرڎەی: ئەسعەد ڕەشید
بەشەی سەڎ و یەکەمە
دمای ئانەی دەنگێ جە غەیبۆ ئاما، واتش: بە خاترەو شەخسێ کە ئینا دلېتانە، کە پایەو مەقامش فرە بەرزەن، واران مەوارۊ، ڕزق و ڕۊزی فرە مەبۊن، ئیتر ئەهلو قوڕەیشی پەناشان پەی عەبدولموتەلیبی بەردەن، واتشان:
قوڕەیش، نە هاتف، چن شاڎیی کەرڎەن
پەنا، وە عەبدولموتەلیب بەردەن
واتشان: هاتف وە تۊش دان وادە
ئانە، تۊ ئانە هەم فەرزەند زادە
هاتف مەنزوورش، هەر جە تۊ بېیەن
یەقین، غەیر، جە تۊ، کەسی تەر نېیەن
وەیتەور محەمەد، ماباقی یاران
با یەکسەر، بشیم، بە دۊعای یاران
چوون سەحەر، تلووع فەجر، ئاوەردش
عەبدولموتەلیب، محەمەد، بەردش
تایەفەی قوڕەیش، هەر بەتنی دووکەس
شین وە بەیتوڵڵا، تیپ تیپ و دەسدەس
عەبدولموتەلیب، حەزرەت گرت، نە دۊش
لاڵانە قاپی، سەتتاری سیڕ پۊش
ئەو بەدەل دوعا، یاران، بە ئامین
قبووڵ کەرد، وە لېش بینای بیهتەرین
دەر لەحزە هەورێ، ئاوەردش، نە سەر
ڕېزنا، سېلات، بە ئەمری داوەر
هەفت شەب، تا بە ڕۊ، وارا، بە تاجیل
ساراو سەرزەمین کەرد بەدەریای نیل
تایفەی قوڕەیش، ئەرفەعی ئەشراف
فارغ بین تەمام، جە دوعا و تەواف
یەکسەر وە عەبدولموتەلیب، عەرز کەرد
نیگەهدارت بۊ، تاکی تەنیای فەرد
جە ئەلفازی تۊ، ئەی واران وارا
پەرێ زیندەگیی و دارا و نەدارا.[1]