#ئاکام عومەر#، فەرماندەی هێزەکانی کۆماندۆ، 54 ڕۆژ بەر لە ئێستا لە ئۆپەراسیۆنێکی هێزەکەیدا لە زنانە بریندار بوو، ئەمڕۆ ڕۆژی دووشەممە، 12ی کانونی دووەم، بەهۆی سەختی برینەکەیەوە لە ئەڵمانیا گیانی لە دەستدا.
ڕۆژی #19-10-2022# هێزەکانی کۆماندۆ بە سەرپەرشتی ئاکام عومەر، بۆ ئۆپەراسیۆنێک دەچنە سنووری #گەرمیان# لە شارۆچکەی زنانە، بەمەبەستی کێوماڵکردنی سنوورەکە و دەست بەسەردا گرتنی مۆڵگە و پاشماوەکانی داعش لە سنوورەکە، بەڵام تۆڕێکی مین بەهێزەکەدا دەتەقێتەوە. بەو هۆیەوە ئەندامێکی هێزەکە گیان لە دەست دەدات و ئاکام عومەرو حەوت ئەندامی دیکەشیان بریندار دەبن.
ئۆپەراسیۆنەکە لە سنووری تاوێرکەوە لە ناوچەی پەڵکانە و زینانە لە سنووری گەرمیان بووە. دوای ڕووداوەکە میدیای فەرمیی #یەکێتیی نیشتمانیی کوردستان# لە ڕاگەیێندراوێکدا گوتی، ئاکام عومەر، فەرماندەی هێزەکانی کۆماندۆی کوردستان بە سەختی برینداربووە و ئەفسەر زوهێر محەمەد گیانی لەدەستداوە و حەوت پێشمەرگەی دیکەی هێزی کۆماندۆی کوردستان برینداربوون.
لە ڕاگەیاندراوێکیشدا، فەرماندەی هێزەکانی کۆماندۆی کوردستان گیان لە دەستدانی فەرماندەی هێزەکەیانی پشت ڕاستکردووەتەوە و ڕایگەیاندووە (بەداخ و خەمێکی قوڵەوە ئاکامی گەل فەرماندە ئاکام عومەر فەرماندەی هێزەکانی کۆماندۆی کوردستان دوای مانەوەی لە وڵاتی ئەڵمانیا بەهۆی سەختی برینەکەی گیانی پیرۆزی بەخشیە خاک و نیشتمان، بەڵێنەکەی خۆی لەپێناوی کوردستان بەجێ هێنا و شەهید بوو، ئێمە لە فەرماندەیی کۆماندۆی کوردستان ئەم کۆستە گەورەیە بە هاوڕێ و هاوسەنگەران و دڵسۆزانی ڕادەگەیەنین).
وا بڕیارە تەرمی ئاکام عومەر لە مەڕاسیمێکی فەڕمیدا لە #سلێمانی# بە خاک بسپێردرێت. [1]
كورديبيديا غير مسؤول عن محتوى هذا التسجيل وصاحبه مسؤول عنه. قمنا بتسجيله لأغراض أرشيفية.
دون هذا السجل بلغة (کوردیی ناوەڕاست)، انقر علی ايقونة
لفتح السجل باللغة المدونة!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
بکە بۆ کردنەوەی بابەتەکە بەو زمانەی کە پێی نووسراوە!
تمت مشاهدة هذا السجل 1,712 مرة
اعطي رأيک بهذا المقال!