ئازایی بە ڕوخسار نېیەن:
مەگېڵناوە، مڵێوە تەرسەزاڵ، داواش ئەو پەرجۊیێ (ساحیرێ) کەردە کە ئڼەو کتێوە قەوارېش گۆرۍ کەرۊن، پەی ئانەی تەرسەو کتېش سەرۆ نەمەنۊ، کابرای ساحیر کارەکەش کەرد، مڵە گۆرەکە وەختێ کتۍ وینۍ، قاچېش پېچۍ گنېنۍ و پاگیرە گېرېش، دماتەر پەرجوکارەکە مڵەکەش کەرد ئڼەو پڵنگێ، بەڵام هیچ فائېڎەش نەبۍ، چوونکم وەختێ کتێوەش دیێ، زاڵەش ترەکۍ.
کابرای ساحیر ڕوەش کەردە مڵەکەی و ماچۊ: مادام دڵو مڵەی ئینا سینەتەنە، دلۍ بەرگو شېری و پڵنگی و ۋەرگیچەنە بی، هیچ فائیڎەش نېیەن، دڵت حەسېبەن، دڵێ تەرسەزاڵ هەرگیز غیرەت پېڎا نمەکەرۊن.[1]