ستران بێژ، شاعیر، ئاهەنگ ساز و موسیقازان ل #18-10-1957# یا زایینی ل باژێڕێ #ماڵاتیا# یا #باکوورێ کوردستان#ێ ل ماڵباتەکە کورد ژدایک بوویە. کایا هەر ل سەردەمێ گەنجیێ دە ب ئەگەرا باروودۆخێ مادی یێ نەخوەش و هەژاریێ، ب خەیاڵا دیتنا جیهانەکە جیاواز، تەڤی ماڵباتا خووە بەرێ خوە ددەنە ئیستانبووڵێ. بابێ کایا ل پێشانگەهەکە ئۆتۆمبیلاندە کارێ پاکژ کرنا ئۆتۆمبیلان کرییە، کایا ب دیتنا ڤان دیمەنێن ناخ هەژێن تەڤی خوە سۆزا هندێ دا کوو دەمێ کوو مەزن بوو ئوتومبیلەکێ ژبو بابێ خوە بکڕیتن. لێ ب مخابنیڤە ئەڤ حەزا ئەحمەد کایا نەگەهشت ئەنجام و بابێ وی د دەمەکێ کورتدا وەغەرا داویێ کر.=KTML_ImageCaption_Begin==KTML_StyleDiv=width:20%;height:20%;float:right;=KTML_ImageCaption_Target_Link=https://www.kurdipedia.org/files/relatedfiles/2008/671/0009.JPG=KTML_ImageCaption_Title=دەمێن دوماهیکێ ئێن ژیانا ئەحمەد کایا ل فڕەنسا=KTML_ImageCaption_CaptionStyle=000000=KTML_ImageCaption_Caption=دەمێن دوماهیکێ ئێن ژیانا ئەحمەد کایا ل فڕەنسا=KTML_ImageCaption_End=
هونەرمەندێ کورد ئەحمەد کایا، ل مەها سێ یا ساڵا 1999 ل باژێڕێ ئیستانبووڵێ و ل کۆمبوونەکێ دە کو هەژامارەکە زۆر یا ڕۆژنامەڤانان تێیدا ئامادە بوون، گوتبوو: ئەز حەز دکەم ب زمانێ کوردی سترانان ببێژم. کایا هەروەسا گوتبوو، ئەز ل تەلەڤزیۆنەکێ دگەڕم کو کلیپێن سترانێن کوردی بڵاڤ بکەت. ل هەمبەری ڤی کارێ ئەحمەد کایادە هەژمارەک لوان هونەرمەندێن تورک کوو دهەمبەری ڤان قسەیێن ئەحمەد کایا تووڕە ببون، نکارین خوە کۆنترۆل بکەن و ئێرشی سەر کایا کرن و وەکە خایین ناڤزەد کرن.
کایا کو کەتبوو دهەمبەری ئێرش و گوشارێن زێدە، ب نەچاری ل تورکیێ کۆچ کر بەرەڤ وڵاتێ فەڕانسا و ل باژێڕێ پاریس یا پایتەختێ ڤی وەڵاتەی نیشتەجێ دبیت.
ئەحمەد کایا ژبەر کولتورێ بن پێ خستن و شۆڤێنیزم، ل وڵات و ئەڤینا خوە ژبو وڵات دوور دکەڤیت، بەلێ ئەو ل ناڤ دلێ خوەدە کاری بوو ئەڤین و بیرەوەریا وڵات ڕابگریت و هەر ژبەر ئێش و ئازارا ڤێ چەندێ، ل ڕوژا #16-11-2000# دا ب نەخوەشی وەغەرا داویێ دکەت و ل گوڕستانا باژێڕێ پاریسێ دهێتە بخاک سپاردن.[1]