نامې: عەباس
نازنام: کەمەندی
نامۊ تاتەی: عەلی
ساڵۊ پېڎابېیەی: 1952زاینی
ڕۊ مەرڎەی: #22-05-2014# زاینی
یاگۊ پېڎابېیەی: #سنە#
یاگۊ مەرڎەی: #سنە#
$ژیۋاینامە$
عەباسی کەمەندی (1952-2014ز. ) ھونەرمەڼی گۊرانیواچ، نیگارکېش، نویسەر، شاعېر و بەرئاوەرو بوارو شانۊ و درامای، خەڵکو شارو سنەی کە بە مامۊساو (حۆت هونەرا) ئەشناسیان.
عەباسی کەمەندی، تەمەنو شاڼزە ساڵینە سەرقاڵو شېعر واتەی و نویستەی ڕازا بییەن و بە گوفتو وېش لاسایې هیچ کەس و شېوازێش نەکەرڎەنۆ، جیا جە گۊرانیواتەی دلې بوارەکانو نیگارکېشی، نویستەی، بەرئاوەری، مۊسیقا، شېعرە و داستانە، دەسێ باڵاش بییەن و سەرەتاو تەمەنو زاروڵەییشۆ هۊگرو ئەدەبیاتی فولکلۆری کورڎی بییەن، تەمەنو (23) ساڵینە ژیوای ھامبەشی بنیاڎ منیۊ و مەبۊن بە تاتەو کوڕێ و دۋې کناچا. 
کەمەندی کە بە مامۊساو حۆت هونەرا ئەشناسیان، ساڵەو (1970ز.) جە تەمەنی (18) ساڵینە دلې وەرابڕکێ چیروک نویستەینە دلې ڕادوینو سنەی پلەی یەکەمش بە دەست ئاوەردەن.
شېوازو شېعرا گۆرانییەکا مامۊسا عەباسی کەمەندی عاشقانەو فرەو شېعرەکاش شېعرې شاعېرانو هۆرامینې.
عەباسی کەمەندی، زیاتەر جە (150) گۆرانیېش واتېنېو زیاتەر جە (60) گۊرانیېچش پەی وېش سازنێنې.
هونەرمەند، هەمدیس کارو گلېرکەرڎەیۆ و چەنەکۊڵیای پەی ژیواینامەو کەسایەتییە نامڎارەکانو کورڎیش کەرڎەن و بە بەرهەمئاوەردەی دیکیۆمێنتی فیلمی ژیواینامەو ئا کەسایەتییا پېسە (سنجەرخان، سەید عەتا کەل، ژیانی پاڵەوان حوسێن گولزار کرماشانی، بە تاڵانبردنی ئاسەوارەکانی زێویە، میری نەورۆزی و ... هتر)، سیمێوە تەرەش بە تاریخو چیرۆکنویسی کورڎی بەخشان.
(ئەسب، سەوەتەیەک ئاڵف، فڕین لە قەفەسدا، میراتی مامە ڕەحیم، ئەندامی نوێی ئۆپێک، شەڕی ڕۆمادییە، کۆڵانی سوور، کاروانسەرا، پارێزەری یەکەم، قەڵەم و شەیتان و پاڵەوان پەمە)، نامې ئا فیلمامانې هەکە هونەرمەڼ عەباسی کەمەندی نویستېنې.
عەباسی کەمەندی، ساڵەو (1952ز.) دلې گەڕەکەو (جەوراوا) شارو سنەی دلې دنیێ ئامان. فرەو بنەیانەو ئی هونەرمەڼەیە پېسە پیشەی، قەسابې بیېنېو کەشێ سوڼەتی (باو و برەوی کۊن) سەرشارە زاڵ بییەن. کەمەندی بېجگە ھونەرو مۊسیقای, شارەزایێ فرەش دلې بوارو وېنەکېشتەی، شانۊ و سینەما و ئەدەبیاتی کورڎی و زیاتەریچ ئەدەبی دەمواچی و فەرهەنگ و گۊرانیې هۆرامانی بېیەن و ئەچی بوارەنە دەیەها تۊکاریېش ئەنجام دێنې. ماوەو (35) ساڵا دلې ڕادوینو شارو سنەی هەرمانەش کەردېنە و دەیەها ڕازې و بەیتې کورڎیېش دلې ڕادوینی بە شېوەو نمایېشی دەنگی بەرئاوەردەن. تەمەنو (23) ساڵینە ژیوای ھامبەشش دەسپەنەکەرڎەن و تاتەو کوڕێ و دۋې کناچان.
کەمەندی دمای تەمەنێ جە خزمەتکەرڎەیش بە هونەری و مۊسیقای و هونەری ڕەسەنی کورڎی، ساعبو ڕۊ (#22-05-2024#ز.)، تەمەنو (62) ساڵینە، بەهۊکارو سەکتەی قەلبی (مدرای دڵ)ی، کۊچی دمایینش کەرد و دلې گۊڕستانو ئاساوڵە (بەهەشتی موحەمەدی) بە خاکو نیشتمانی ئەسپاریا.
عەباس کەمەندی، هونەرمەڼێ فرە بەرهەمەن، کە بەداخۆ ژمارەێ کەمېشان وەڵێ کریێنێ، جە بوارو گۊرانیې و مۊسیقاینە کە فرەو شېعرەکاو ئاهەنگەکاش هینې وېش بیېنې، خاوەنو توولەڕا و دەنگ و ئاوازی وېشانەو وېشەن و دماو وېش ئی ئەلبوومە گۊرانیېشە چەنە جیێ مەنېنې، کە پېسە سەرتۊپەو گۊرانییە ڕەسەنا کورڎی ئەژمار مەکریان.
کەمەندی دلې دەرەتانو نویستەی ئەدەبیاتی میللی و شېعرې و ڕازېنە، گلېرکەرڎەی فۆلکلۆری، فەرهەنگ و تاریخو کورڎینە زیاتەر جە‌ شش هەزار لاپەڕې چەنەکۊڵیایش کەرڎەن و دلې کتېبیانه و فەرهەنگی جه ‌تاران پارېزیێنې.
بەرهەمەکې هونەرمەڼ عەباسی کەمەندی:
* کۆمەڵە شیعرې هەوارگەی هاوار (کورڎی و فارسی). *نویستەی چوار ڕۆمانا.
*نویستەی سیناریۆ (30) فیلمە درېژ و کوڵا.
*نویستەی (2) دیوانە شېعرا به ‌فارسی و ‌کورڎی.
*کېشتەی نزیکه و (100) نیگارە هونەریا.
*خاوەنو (60) گۊرانییا و چڼیین فیلم و درامایا به ‌شېوه و زنجیرەی پەی تەلەفزیۆنو سنەیش بەرهەمئاردېنې، کە بڕێشان ئینېنې: سنجەرخان، پاڵەوان حوسێن گوڵزار کرماشانی، میری نەورۆزی، کاروانسەرا، مام ڕەحیم و فڕین لە قەفەس و ئەسپ و چڼیین بەرهەمې تەری، جە بوارو کاری تەلەفزیۊنینە چن هەرمانێ پېسە: پاڵەوان پەمە و کۆنە و چن کارێ تەرې.
ئی هونەرمەڼە بەهرەدارە سوودێ فرەش جە هونەر و ئەدەبی هۆرامی گېرتەن، بە ئەدەبۆ دەسش بەردەن پەی دیوانە شېعرەکاشا، دلې ئاوازەکاشەنە نەخشینتەرېش کەردېنې، پېسە وېش ماچۊ:
وەڵڵا، گەر هەر کوردێ، هەر فارسێ، ئەدەبی هۆرامی نەشناسۊن، نمەتاوۊن بەرهەمێ وېشانەو وېش بەرهەم بارۊن، من چاگە ئەزموونې جیاوازېم دیې، یانی ئانەی کە دلې هۆرامانینە دەسو من کۆت، چېوێ دڵنشین بې، چېوێ بې کە ئایېرش وەردانە دەروونم،
تاریخو (#22-05-2014#ز.) جە شارو سنەی، بە نەوەشی زېڵې (دڵ)، کۊچی دمایینش کەرڎەن.[1]