ل ساڵا 1971 ل باژێڕێ #بانە#یا ڕوژهەڵاتێ کوردستانێ ژدایک بوویە، بو ماوێ 16 ساڵان کارێ شانویی کرییە ل بوارێن دەرهینان و نڤیسینا شانونامە و ڕوڵ بینین و بەرهەمێن شانویی چەندین خەلات وەرگرتینە. ل دوماهیکا ساڵا 2000 بو جارا ئێکێ فیلمەکا وی #یەلماز گۆنای# یێ دەرهێنەرێ سینەمایی ئێ باکوورێ کوردستانێ دیت و گرنگییا سینەمای ژبوی دەرکەت وەکە ئەو بخوە بەحسا وێ دکەت. ئێکەم فیلما خوە بناڤێ (ژانی دابڕانی ئەبەدی) ل ساڵا 2005 بەرهەم دهینیت، کو بەحسا کۆچا لاوان ژبو هەندەران و کیمیابارانا #هەڵەبجە# و لوغمان ل کوردستانێ و تیرۆرێ دەکەت، ئەڤ فیلمە کاری پشکداری ل چەندین فیستەڤاڵان بکەت. پشترە کوورتە فیلما (هاوار) یا دەربارێ کوشتنا ئافرەتان بەرهەئیایە کو کاری چەندین باوەڕنامەیا شانازی ل ئیران و دەرڤە بدەست بهینیت و ل چەندین کەناڵێن بەرچاڤ هات نمایش کرن. پشترە کوورتە فیلما (ساتە مەزادکراوەکان) بەرهەم ئانی، لێ هەیا نها ئەڤ فیلمە نکاری موڵەتا نمایش کرنێ وەربگریت. پشترە دەرهێنەری کوورتە فیلما (تیرۆرستێک دادەبەزێت) و کوورتە فیلما (سەمای ڕەنگەکان) و کوورتە فیلما (سەتەلایت) بەرهەم ئانی کو هندەکا ئەوانا ل هەرێما کوردستانێ بەرهەم هاتینە و ل چەندین فیستەڤاڵان پشکداری کرییە. پشتی ئەزموونا ئەوان هەمی کوورتە فیلمان، دەرهێنەر جارەک دن کار لسەر فیلمێن درێژ کرییە و ب فیلما سینەمایی یا (کۆتایی جەنگ) ل هەرێما کوردستانێ کو 100 خولەکە، دەست پێکر. ئەڤێ فیلمێ کامێرایەک ژبو زەبیحی وەکە خەڵات بدیف ڕە هات. پشترە فیلما سینەمایی یا (ڕۆژی دوایی) بەرهەمئانی کو بەحس ل خوە سووتاندنا ئافرەتان ل کۆمەڵگەها کوردی دکەت، ئەڤێ فیلمێ ژی هەیا نها موڵەتا بەڵاڤ کرنێ ژێڕە دەرنەکەتییە. پشتڕە فیلما سینەمایی یا (وڵاتی ئەفسانە) بەرهەم ئانی کو بەحس ل دادگایی کرنا سەدام دکەت. دەرهێنەری خولەکە ئێک ساڵی ل ئەنجوومەنا سینەمایی یا گەنجان ل ئیرانێ وەرگرتییە و تمامیا فیلمێن وی بەرهەمێ وی بخوەیە، جهێ ئیماژێیە ناڤهاتی دوو جاران ماڵا خوە ژبو بەرهەمئانینا فیلمێن خوە فروتییە.
هێڤارییا ڕوژا #07-12-2018# ب ڕیدانەک گوماناوی یا هاتن و چوونێ تەڤی برایێ خوە #کەیوان زەبیحی# گیانێ خوە ژدەستدا. [1]