بوزان، گوندێکە سەربە شارەدێی #قەرەهەنجیر#ی شاری #کەرکووک#ی، باشووری کوردستان، کەوتووەتە سنووری ناوچەی ماددەی 140ی دەستووری ئێراقەوە (ناوچە جێناکۆکەکان).
لە ڕووی جوگرافییەوە، لە باکوورەوە ھاوسنوورە لەگەڵ گوندی #سوورەدێی سەروو#، لە باشوورەوە لەگەڵ گوندی #شۆرجە (قەرەهەنجیر)#، لە ڕۆژھەڵاتەوە لەگەڵ گوندی #گۆران (قەرەهەنجیر)#، لە ڕۆژاواوە لەگەڵ گوندی #سوورەدێی خواروو#، لە پاش شاڵاوی ئەنفال ئەم گوندە خاپوورکرا، لە دوای ڕزگارکردنی ئێراق لەژێر دەستی ڕژێمی بەعس لە ساڵی 2003دا ئەم گوندە ئاوەدان کرایەوە.
دانیشتووانی ئەم گوندە سەرجەمیان کوردن.
لە سەرژمێری دانیشتووانی ساڵی 1957ی ئێراقدا ژمارەی دانیشتووانی ئەم گوندە (100) کەس بووە.
لە سەرژمێری دانیشتووانی ساڵی 1977ی ئێراقدا ژمارەی دانیشتووانی ئەم گوندە (236) کەس بووە. [1]