پشتی چارێکە سەدەیەکێ هاوڕێنامە ب 10 بەرگ و پتر ل 7000 لاپەڕەیێن A4 چاپ دبیتەڤە و ل پیشانگەها نێڤدەوڵەتی یا هەڤلێرێ ئامادە دبیت .
#هاوڕێنامە بۆ مێژووی کوردستان و کورد# چاپا ئێکەم یا ساڵا 1999 ل باژێڕێ #سلێمانی# چاپ بوویە و ل نڤیسینا: #هاوڕێ باخەوان#ە.
پتر ل چارێکە سەدەیەک بسەر چاپ کرنا چاپا ئێکەم یا پەرتووکا هاوڕێنامە ژبو دیروکا کوردستان و کورد تێدپەڕیت، درووست ساڵا 1999 #دەزگای چاپ و پەخشی سەردەم# ب زنجیرەیا ژمارە 16، ب ژمارەیا سپاردنا 203، ل چاپخانەیا ڕوون ل سلێمانی ب سوپاسی ڤە چاپا ئێکەمێ ئەنجامدا.=KTML_ImageCaption_Begin==KTML_StyleDiv=width:30%;height:20%;float:right;=KTML_ImageCaption_Target_Link=https://www.kurdipedia.org/files/relatedfiles/2025/627530/0006.JPG=KTML_ImageCaption_Title=بەرگێن هاوڕێنامە=KTML_ImageCaption_CaptionStyle=000000=KTML_ImageCaption_Caption=بەرگێن هاوڕێنامە=KTML_ImageCaption_End=
پشتی چاپکرنا ، هاوڕێنامە هەر زی ناڤ و دەنگێ خوە پەیداکرد. گەلەک ڕەخنە و تێبینی و دەستخوەشی ل بەڵاڤبوونا هاوڕێنامە ژمن ڕە هاتن، گەلەک ل شاشیێن خوە من چێکرن، لێ نەوەستام هەیا ئیرو، هاوڕێنامە ل چار سەد و هندەک لاپەڕەیان بوویە هزاران لاپەڕە. زور پەرتووک من بینین ل لیستا چاڤکانیاندە ئیماژە بو هاوڕێنامە کربوو، زورێن دن ژی هەبوون کوو زانیاری ل هاوڕێنامە وەرگرتبوون و تەنانەت هەڵەیا چاپی و ڕێنڤیسا من ژی دانابوو د نڤیسینێ دە! ببێی کوو ئیماژە ب هاوڕێنامە و ناڤێ من بکەن!. زوربەیا تەلەڤزیۆنێن وی سەردەمەی، ڕیدانێ ڕوژێ ل هاوڕێنامە وەردگرتن ببێی کوو ناڤێ هاوڕێنامە بهینن!.
زور جاران ژمن ڕە دگووت هیڤیە چاپ بکەیەڤە، لێ ئەزێ دوودل بووم کوو هێش ئامادە نییە و چاپا دووهەما هاوڕێنامە دبیت زور زور ل ئەوا ئێکەمێ باشتر بیت.
دیارە ئەڤ وەشانا دووهەم، وەکە چاپا ئیکەم بێی شاشی نییە! نزانم داخو چاپا سێیهەمێ ژێڕە دبیت ئانکوو ئەز ژێڕە دگەهم، لێ جارێ چەرخا ژیانا پڕۆژەیا هاوڕێنامە لدەف من دوماهیک نییە و هەردەم ب ئەگەرا کوردیپێدیایێ مژویلی دەوڵەمەند کرن و باشترکرن و زورترکرنا وێ دبم.
سوپاس بو هەمی ئەوێن کوو ل وەشانا دووهەمدە ئالیکارێن من بوون. [1]