دەروێشێ سەعدۆ، ئێک ژ دامەزرێنەرێن پارتی دیموکراتی کوردستان یا تورکیا پشتی توویشبوون ب ڤایرۆسا کۆرۆنا ل نەخۆشخانەیەکە باژێڕێ ئیلەهی یا باکوورێ کوردستانێ وەغەرا داویێ کرد.
دەروێش سەعدۆ، ئێک ژ دامەزرێنەرێن پارتی دیموکراتی کوردستان (PDK) ل باکووری کوردستانێ بوو، ل #12-09-2020# توویشی ڤایرۆسا کۆرۆنایێ بوو و ل نەخۆشخانەیەکە تایبەت یا باژێڕێ ئیلەﮪ ل بن چاڤدێریا پزیشکیدە بوو.
دەروێشێ سەعدۆ پشتی هەشت ڕوژان مانەڤە ل نەخوەشخانەیا وی باژێڕەی، تەندرووستییا وی بەرەڤ جێگیربوونێ دچوو و پزیشکان ڕی ب دەرکەتنا وی چوونا ژبوی مالێ دا، لێ پشتی سێ ڕوژان مانەڤە ل ماڵ ژبوی جارەکە دن تەندرووستییا وی تێکچوو و کەتەڤە نەخوەشخانێ و بن چاڤدێرییا پزیشکان دە، پشتی شەش ڕوژان مانەڤەیا دووهەم ل نەخوەشخانەیێ د ڕۆژەکە وەکە ئیرۆ دە یا ساڵا 2020ێ گیانێ خوە ژدەست دا.
ئازاد ئاکگول، کوڕێ دەروێشێ سەعدۆ ب تۆرا مەدیایی یا ڕووداوێ ڕە ڕاگهاند، تەرمێ بابێ وی ل ئیلەهێ ڕە دبەنە گوندێ وانا بناڤێ بێکەندا و ل تەنشت سەعدۆ چەکن یێ باپیرێ وێ دهێتە بخاک سپاردن هەرەسا گووت ژی: کورد و کورستان سەلامەتبن.
ناڤهاتی ساڵا 1934 ل ناوچەیا مسرجە (گوردیلان) یا سەر ب باژێڕێ #سێرت# یا باکوورێ کوردستان ژدایکبووە. ل ژیێ گەنجیدە دگەل چەند هەڤالێن خوە ئێن باکورێ کوردستانێ پارتییا دەموکراتا کوردستان دامەزراند.
ل ساڵا 1975ێ ڕە ل ڕیزێن پارتی دیموکراتی کوردستان بوویە. ل ژیانێدە پاڵپشتییەکە زورا ئەڤێ حزبێ کرییە و زور جاران ماڵا خوە کرییە بنگەەێ کۆمبوونان ژبوی وێ.
ل ساڵا 2010دا ل کۆنگرەیا 13یا #پارتی دیموکراتی کوردستان#، ژ ئالێ #مەسعود بارزانی# مەدالیایێ بارزانی پێ هات بەخشین و بوویە ئێکەم کەس ل باکوورێ کوردستانێ کو ئەڤ خەڵاتە پێ بهێت بەخشین.
دەروێش سەعدۆ بابێ 4 کەچ و 3 کوڕان بوو، ل ژیێ 86 ساڵیدا ڕوژا #02-10-2020# ب ڤایرۆسا کۆڕۆنا وەغەرا داویێ کر. [1]