ل ساڵا 1983 ل باژێڕێ #کەرکووک# ژدایک بوویە.
ل ساڵا 1986 ژبەر خراپ بوونا ڕەوشێ کوردان ل کەرکووکێ، ئەڤی باژێڕەی بەجێ دهێڵنن و کۆچ دکەن.
هەیا ساڵا 1987 دگەڵ باب و دایکا خوە ل دەڤەرێن سنووری ئێن دناڤبەرا ئیراق و ئیرانێ دە مایە.
ل ساڵا 1988 ئاوارەی ئەوروپا بوویە و پشترە ل وڵاتێ هۆڵەندا ئاکنجی بوونە.
ل ساڵا 1990 چوویە قوتابخانەیەکە کۆراڵ ل هۆڵەندا و ل وێرێ فێری زانستەکە سەرەرەتایی یا موزیکێ بوویە.
ل ساڵا 1996 چوویە قوتابخانەیا دەنگ و ل وێرێ ب ئالییەک زانستی و ب چاڤدێڕییا ماموەستایێن هۆڵەندی و ب ئالییەک زانستی، فێری گوتنا سترانان بوویە وڕاهێنان لسەر دەنگێ خوە کرییە.
ل ساڵا 1996 چوویە قوتابخانەیا موزیکی و بو ماوێ ساڵەکێ دەرسا کیبۆردێ خوەندییە.
ل ساڵا 1999 چوویە ئەکادیمی یا کوردی ل ئەڵمانیا، ئەڤ ئەکادیمییە بوویە سەبەبێ ڤەبوونا دەرگەهێ هونەرا کوردی ژبو هونەرمەندا لاو و ل ڕییا ماموەستایێ ڕێزدار وریا ئەحمەد پتر ڕێ ژبو وێ هاتییە خوەش کرن و ئالیکارێ وێ بوویە.
ل ساڵا 2000 ژبو ئێکەم جار دچتتە سەر ستەیج ل باژێڕێ دانهاخێ هۆڵەندا و ژبو پتری سێ هەزار کەسان سترانان دبێژیت و پشتی ئەڤێ کۆنسێرتێ دچیتە میدیا تیڤی و ل پرۆگراما شانشیین دە بەشداریێ دکەت.
ل ساڵا 2003 ژبەر کاریگەرییا هونەرمەندێ خودان شیان بورهان موفتیدا ئێکەم سیدی یا موزیکی یا خوە کو ل 9 تراکان پێک هاتبوو، بناڤێ (چیت ناو بنێم؟) بەڵاڤ کر.
ل ساڵا 2007 دووهەم سیدییا خوە کو ل 13 تراکان پێک هاتبوو، ب ناڤێ (ناوتدەنێم ژینۆ) بەڵاڤ دکەت.
ل ماوێ حەفت ساڵێن ژیانا هونەرییا خۆەدە ل دەهان وڵاتێن ئەوروپیدا کۆنسێرت کرینە و سەرباری وێ ژی چەندیین کۆنسێرت ل کەنەدا و ئەمریکا و کوردستانا باکوور و کوردستانا باشوور و کوردستانا ڕۆژهەڵات ژی ئەنجام داینە. [1] [2]