باکووری کوردستان
- پۆلیسی تورک هێرشی کردە سەر چالاکوانان کە لە بەردەم ناوەندی هەدەپەهەدەپە لە ئامەدئامەد گردبوونەوە بۆ شەرمەزارکردنی هێرشەکانی سوپای تورک بۆ سەر عەفرین.[3]
رۆژهەڵاتی کوردستان
- گەنجێکی دیکەی کورد بەناوی غوڵام ڕەزا موحەمەدغوڵام ڕەزا موحەمەد-ی لە شاری کرماشانکرماشان، کە بە بیانووی بەشداریی لە خۆپیشاندانەکانی ئەم دواییانەی ئێران و ڕۆژهەڵاتی کوردستان دەستگیر کرابوو، تەرمەکەی ڕادەستی بنەماڵەکەی کرایەوە.[3]
باشووری کوردستان
- هێزەکانی پۆلیسی کۆیەکۆیە ژنێکیان بە کوژراوی لەنێوان گوندی شاخە پیسکە و گۆمەشین دۆزیەوە کە شەوی ڕابردوو بە فیشەک کوژرابوو.[4]
- دژی هێرشی تورکیا بۆ سەر شاری عەفرینی ڕۆژئاوای کوردستان، نوێنەرانی 500 ڕێکخراوی کۆمەڵگەی مەدەنی لە هەولێرهەولێر یاداشتنامەیەکی ناڕەزایی بڵاودەکەنەوە.[2]
- لە چەند شار و ناوچەیەکی باشووری کوردستان خۆپیشاندان بۆ پشتیوانی لە عەفرین ئەنجامدرا.[4]
- ئەمینداری گشتی وەزارەتی پێشمەرگەوەزارەتی پێشمەرگە ڕایدەگەیەنێت، بەشێک له و پێشمەرگە دیلانەی کە کەوتنە دەستی داعشداعش لەگەڵ کەسوکارەکانیان قسەیان کردووە، پەرلەمانتارێکیش دەڵێت وەزارەتی دادی عێراقی داوای بەڵگەنامەی پێشمەرگە دیلەکان دەکات.[1]
- دوو بەرپرسی یەکێتیی نیشتمانیی کوردستانیەکێتیی نیشتمانیی کوردستان سەردانی نوێنەرایەتی کانتونەکانی ڕۆژئاوا-یان کرد و ڕایانگەیاند،پشتگیری عەفرین دەکەین و ئەگەر هێزیش پێویست بێت دەینێرین بۆ عەفرین.[3]
- لە شاری هەولێر لەبەردەم بارەگای نەتەوەیەکگرتووەکان خۆپیشاندان بۆ پشتیوانی کانتۆنی عەفرین ئەنجامدرا و یاداشتێکیان ئاڕاستەکرا.[1]
- مەسعود بارزانیمەسعود بارزانی لە شاری هەولێر سەردانی کۆسرەت ڕەسولکۆسرەت ڕەسول عەلیی کرد.[4]
- وەزارەتی دارایی و ئابووریوەزارەتی دارایی و ئابووری حکومەتی هەرێمی کوردستان فەرمانی نوێکردنەوەی سەرجەم مووچەخۆرانی گرێبەستی دەرکرد.[1]
- لە هەڵەبجەهەڵەبجە تەرمی ژنێکی تەمەن 37 ساڵ دۆزرایەوە و پاشان دەرکەوت کە سێ کەسی دیکە لە هەمان خێزانچارەنوسیان نادیارە دواجار تەرمی هەرسێکیان کە کوژرابوون دۆزرانەوە و بکوژەکەش لەلایەن پۆلیسەوە دەستگیرکراوە کە کوڕی هەمان خێزانە.[4]
رۆژئاوای کوردستان (بەرخودانی عەفرین)
- سوپای تورکیا ڕایدەگەیێنێ، لەچوارچێوەی ئۆپەراسیۆنی چڵە زەیتوون، لە دوێنێوە 153 ئامانجی یەپەگەیان پێکاون، تاوەکو ئێستاش بۆردوومان و تۆپبارانی عەفرینعەفرین و دەوروبەری بەردەوامە.[2]
- سوپای تورک کە سەرلەبەیانیی ئەمڕۆ هەوڵیدا لە ڕێگەی زەمینییەوە هێرش بکاتە سەر گوندی بالی و هێرشەکە لەلایەن شەڕڤانانی یەپەگە و یەپەژەوە تێکشکێندرا، پاشان بە فڕۆکە جەنگییەکانی هێرشی ئاسمانی دەستپێکرد.[3]
- میدياکانی تورکیا ئاشکرایانکرد سوپای تورکیا ژمارەیەک تانکی ناردووەتە ناو سنوری شاری عەفرینەوە، هەروەها میدیاکانی نزیک لە یەپەگە باسی خستنەخوارەوەی فڕۆکەیەکی تورک دەکەن.[4]
- بەرپرسێکی کانتۆنی عەفرین وێڕای ئاماژەدان بە بێبەڵێنیی ڕوسیا بەرامبەر بەهێرشی سوپای تورکیا بۆ سەر شارەکە، ڕایدەگەنێت ئێمە هیچکات پشتمان بە ڕوسیا نەبەستووە، ئەوان لە دوێنێوە عەفرینیان جێهێشتووە.[1]
- لە ئەنجامی بۆردومانەکانی فرۆکە جەنگییەکانی سوپای تورک بۆ سەر گوندی ئەدامەئەدامەی سەربە شارۆچکەی ڕاجۆی کانتۆنی عەفریندا، دوای بڵابوونەوەی برینداربوونی کچێکی 20ساڵ، ڕاگەیەندرا منداڵێکی 13 ساڵانیش برینداربووە.[3]
- وەزارەتی دەرەوەی میسر لەبەیاننامەیەکدا دژایەتی خۆی بۆ هێرشەکانی تورکیا بۆ سەر عەفرین ڕاگەیاند کە تێیدا هاتووە هێرشی سوپای تورکیا بۆ سەر عەفرین پێشێلکردنی سەروەری سوریایە، شارەزایەکی کاروباری ئەو وڵاتەش دەڵێت هەڵوێستەکانی قاهیرە کاریگەری دەبێت.[1]
- حکومەتی فەرەنسا دژایەتی خۆی بۆ هێرشی سوپای تورکیا بۆ سەر عەفرین دەربڕی و داوای ڕاوەستاندنی دەکات. ژان-ئیڤ لو دریان، وەزیری دەرەوەی فەرەنسا لە ڕاگەیەندراوێکدا داوای کۆبوونەوەیەکی بەپەلەی ئەنجوومەنی ئاسایشی نەتەوە یەکگرتووەکان دەکات سەبارەت بە ڕەوشی عەفرین.[2]
- سوپای تورک، هەوڵیدا لە کانتۆنی شەهباوە هێرش بکات، شەڕڤانان بەرگرییان کرد و دوو تانکی سوپای تورکیان تێکشکاند، بەمەش تا ئێستا پێنج تانک-یان تێکشکاندووە.[3]
- لە گوندی ئەدامە لە سنووری عەفرین، لە ئەنجامی شەڕێکدا لەنێوان سوپای تورک و شەڕڤانانی قەسەدە-دا، دەیان سەربازی تورک کوژراون و ژمارەیەک سەربازیش بە زیندووی کەوتوونەتە دەست شەڕڤانان.[3]

هەر لە چوار‌چێوەی سەردانەکەیدا ئێوارەی ئەمڕۆ یەکشەممە 21-01-2018 شاندی باڵای هەرێمی کوردستان بە سەرۆکایەتیی بەرێز نێچیرڤان بارزانی سەرۆک وەزیرانی هەرێمی کوردستان، لەگەڵ عەلی لاریجانی سەرۆکی پەرلەمانی کۆماری ئیسلامیی کۆبوونەوە
لە کۆبوونەوەکە لاریجانی دۆستایەتی و پەیوەندییە دێرینەکانی نێوان هەردوو گەلی کوردستان و ئێرانی دووپات کردەوە و نیگەرانیی خۆی بەرامبەر ئه و ڕووداو و بارگرژیانە دەربڕی کە لەم دواییانەدا لەنێوان هەولێر و بەغدا هاتنە ئاراوە، هەروەها هیوای خواست تەواوی کێشە هەڵواسراوەکانی نێوان هەرێمی کوردستان و حکوومەتی فیدراڵ بە ڕێگەی گفتوگۆ و دیالۆگەوە و لەسەر بنەمای دەستوور چارەسەر بکرێن و مافە دەستوورییەکانی خەڵکی هەرێمی کوردستان و تەواوی پێکهاتەکانی عێراق دابین بکرێن، پشتگیریی وڵاتەکەیشی بۆ ئه و گفتوگۆیانە‌ دەربڕی کە بەم دواییانە لەنێوان هەولێر و بەغدا بۆ چارەسەرکردنی کێشەکان دەستی پێکردووە.
لە بەشێکی دیکەی قسەکانیدا ئاماژەی بە بارودۆخی ئەمنیی ناوچەکە کرد و سەقامگیریی ناوچەکەی دووپات کردەوە، هەروەها هیوای خواست پەیوەندییەکانی نێوان هەرێمی کوردستان و کۆماری ئیسلامیی ئێران لە هەموو بوارەکاندا بەتایبەتی لە بواری ئابووریدا پێشوەچوونی زیاتر بەخۆیانەوە ببینن.
لای خۆیەوە بەڕێز سەرۆک وەزیرانی هەرێمی کوردستان وێڕای داکۆکی لەسەر پەیوەندییە دووقۆڵی و مێژووییەکانی نێوان هەرێمی کوردستان و کۆماری ئیسلامیی ئێران و دۆستایەتیی نێوانیان، دووپاتی کردەوە کە هەرێمی کوردستان هەمیشە فاکتەری سەقامگیری بووە لە ناوچەکەدا و ئەمەش سیاسەتی حکوومەتی هەرێمی کوردستانە و هەر واش دەمێنێتەوە.
دەربارەی پەیوەندییەکانی نێوان هەولێر و بەغداش، بەڕێزیان ئاماژەی بە هەوڵە بەردەوام و جددییەکان بۆ دەستپێکردنی گفتوگۆی نێوان هەردوولا کرد بەمەبەستی چارەسەرکردنی کێشەکان و لەمبارەیەوە ڕۆڵی کۆماری ئیسلامیی ئێرانی لە فراوانکردن و سەرخستنی گفتوگۆکان بەپێویست زانی.
21-01-201821-01-2018