$باکووری کوردستان$
- پلاتفۆرمی مافناسانی ئازادیخواز، لە بارەگای کۆمەڵەی مافی مرۆڤ لە ئیستانبول، لەبارەی سەردانیکردنی دادگای کۆماری بۆرسا، بۆ پێشکەشکردنی داواکاریی بینینی #عەبدوڵا ئۆجالان#، ڕێبەری پارتی کرێکارانی کوردستان-#پەکەکە#، گۆنگرەیەکی ڕۆژنامەنووسیان ئەنجامدا. لە کۆنگرە ڕۆژنامەنووسییەکەدا، پارێزەر ڕازییە تورگوت، ڕایگەیاند: 250 پارێزەر ئامادەن بۆ ئەوەی چاوپێکەوتن لەگەڵ ئۆجەلان ئەنجام بدەن.[3]
$رۆژهەڵاتی کوردستان$
- ڕەوشی لێقەوماوانی بوومەلەرزە بەهۆی سەرما و بارانەوە هەر لە خراپیدایە.[2]
$باشووری کوردستان$
- چەند چەکدارێک لە گوندی شیرک-ی سەر بە شارۆچکەی #خانەقین# هەڵدەکوتنە سەر ماڵی ئەندام کۆمیتەیەکی یەکێتی بەناوی #حسێن عەلی# و دەیکوژن.[1]
- بەهۆی لافاو لە هەندێ قوتابخانەی سنووری #ڕاپەڕین# کرایە پشوو.[2]
- بەشێک لە شاخی #بەرانان# کە تونێلەکەی #دەربەندیخان#ی پێدا دەڕوات، بەهۆی بارانبارینەوە داڕما و ڕێگەی هاتوچۆ داخرا.[2]
- بەهۆی بارانەوە ڕێگەی #هەولێر# - #سلێمانی# لە هێڵی #سماقوڵی#یەوە داخرا.[2]
- #وەلید جونبڵات#، پەرلەمانتار و سەرۆکی پارتی سوسیالیستی پێشکەوتووی لوبنان لەتویتێکدا لەهەژماری تایبەتی خۆی لە تویتەر نوسیووێتی بەبۆچوونی من #ڕیفراندۆم#ی هەرێمی کوردستان بە بڕیاری دادگای باڵای فیدڕاڵی هەڵناوەشێتەوە. [1]
- هاوڵاتیانی شاردەیی #مەیدان#، کە بەهۆی #بومەلەرزە#کەوە زیان بەر خانووەکانیان کەوتووە، ڕێگای #کەلار# – دەربەندیخان-یان داخست و داوای خێمە دەکەن.[3]
- بەڕێوەبەرایەتی هاتوچۆی پارێزگای سلێمانی ئاگاداری سەرجەم شۆفێران دەکاتەوە، کە ڕوو لە ناوچە شاخاوییەکانی دەربەندیخان و چیای بەرانان نەکەن، بەهۆی داڕمانی بەردی گەورە لەو ناوچانەدا.[3]
- ئیبتیسام هیلالی ئەندامی لیژنەی یاسایی ئەنجومەنی نوێنەرانی عێراق لەلێدوانێکی ڕۆژنامەوانیدا ڕایگەیاند حکومەتی عێراق سورە لەسەر ئەوەی کە لەچەند ڕۆژی داهاتوودا داوای یاسایی دژ بە #مەسعود بارزانی# سەرۆکی #پارتی دیموکراتی کوردستان# بەرزبکاتەوە. ئاماژەی بەوەشکرد کە داواکە بەهۆی یەکەم پێشێلکاریکردن بەرامبەر دەستوری عێراق بەهۆی ئەنجامدانی ڕیفراندۆمی سەربەخۆیی لە 25ی ئەیلولدا، سەرەڕای داوای بەغدا بۆ دواخستنی، دووەم مانەوەی لەپۆستەکەیدا سەرەڕای تەواوبوونی ویلایەتەکەی پێش دوو ساڵ، هۆکاری سێیەم وەبەرهێنان بە پارەی نەوتی کوردستان و کەرکووک و موچەی فەرمانبەران کە لەلایەن بەغداوە نێردرابوو بۆ بەرژەوەندی تایبەتی خۆی. [1]
- #لوقمان سلێمان حەسەن#، پەرلەمانتاری خولی سێیەمی پەرلەمانی کوردستان لە فراکسیۆنی گۆڕان کۆچی دواییکرد.[2]
- بومەلەرزەیەک لە سنوری پارێزگای #هەڵەبجە# ڕوویدا. [2]
- ئەنجوومەنی ئاسایشی نەتەوە یەکگرتووەکان ڕاگەیێندراوێکی لەبارەی دۆخی عێراق و هەرێمی کوردستان بڵاوکردەوە و ڕایگەیاند، پشتگیری لە گفتوگۆ دەکەین لەنێوان حکومەتی عێراق و حکومەتی هەرێمی کوردستان.[4]
$رۆژئاوای کوردستان$
- مانگی سوری کود لە ڕۆژئاوای کوردستان و باکوری سوریا ڕایگەیاند، کە ئەو هاوکارییانەی بۆ قوربانییانی بومەلەرزەکەی باشور و ڕۆژهەڵاتی کوردستان کۆیانکردووەتەوە، سبەینێ بەڕێیدەکەن بۆ شاری سلێمانی.[3]