$باکووری کوردستان$
- پارێزەرانی #عەبدوڵڵا ئۆجەلان# بۆ بینیی ئۆجالان، بۆ جاری 757 سەردانی داواکاری گشتیی تورکیایان کرد، بەڵام زۆر بە خێرایی داوای پارێزەران بۆ بینیی ئۆجالان ڕەتکرایەوە.[4]
- بەڕێوبەرانی زیندانی #ئامەد#، 20 ژنەزیندانی سیاسی کورد لەو زیندانەوە بۆ زیندانی ژنانی تارسووس دوورخرانەوە. لەو 20 ژنە زیندانییە، پێنجیان نەخۆشن، حالیم ئیشک یەکێکە لەو زیندانییە نەخۆشانە. هەروەها، زەهرا دۆغان، کارێکاتێریستی زیندانی، یەکێکە لەو زیندانییانەی بۆ زیندانی تارسووس دوورخراوەتەوە.[2]
$رۆژهەڵاتی کوردستان$
- لە چەند ڕۆژی ڕابردوودا زانیار گولابی، شەوگەرد گولابی و وریا خوسرەوی لە شاری #سنە# لەلایەن هێزەکانی ئیتلاعاتی ئێرانەوە ڕفێندراون.[2]=KTML_Photo_Begin=https://www.kurdipedia.org/files/relatedfiles/2018/152821/0011.JPG=KTML_Photo_Alt=مانگرتنی خوێندکارانی زانکۆی ڕازیی کرماشان=KTML_Style=width:30%;height:20%;float:right;=KTML_Photo_Target_Link=https://www.kurdipedia.org/files/relatedfiles/2018/152821/0011.JPG=KTML_Photo_End=
- ژمارەیەک لە خوێندکارانی زانکۆی ڕازیی شاری #کرماشان#، بە نیسبەت خراپبوونی خزمەتگوزاریی بەشی خواردنی ئەو زان#کۆیە#، مانیان لە خواردن گرت. مانگرتنی خوێندکارانی ڕازیی شاری کرماشان، لەوە سەرچاوەی گرت، کە بە هۆی تێکردنی کافوور لە خواردنەکەیان و خراپی چۆنایەتیی خواردنەکەیان دەستیان دایە مانگرتن و ناڕەزایەتیدەربڕین.[6]
- لە ناوچە سنوورییەکانی شپیرانی سەربە شاری #سەڵماس#ی پارێزگای #ورمێ#، کە هاوسنوورە لەگەڵ باکوری کوروردستان، دەستەیەک #کۆڵبەر# کەوتنە بۆسەی هێزەکانی حکومەتی ئێرانەوە هێرشیان کرایە سەر. هێزە سەربازییەکانی ئێران تەقەیان لەو کۆڵبەرانە کرد، لە ئەنجامدا کۆڵبەرێک بەناوی فەرامەرز جلی باقوی تەمەن 26 ساڵ کوژرا و کۆڵبەرێکی دیکەش بەناوی زاکری جلی باقوی تەمەن 30 ساڵ بە سەختی برینداربوو.[2]
$باشووری کوردستان$
- #نەوزاد هادی# پارێزگاری هەولێر و #بارزان قەساب# بەرپرسی ئاسایشی هەولێر کە برای یەکترن، بەهۆی فرۆشتنی نەوتی قاچاخ دەستگیر کران.[5]
- خوێندکارانی کۆلێژی پەرستاری زانکۆی #سلێمانی# دەستیان بە خۆپیشاندان کرد و شەقامی سەرەکی بەردەم کەمپی ناوشاری زانکۆیان داخست. خوێندکاران داوای داخستنی سەرجەم کۆلێژی پەرستارییەکان لە زانکۆ ئەهلیيەکان دەکەین. هەروەها داوای دامەزراندنی سەندیکایەکی سەربەخۆ دەکەن بۆ دەرچووانی بەشی پەرستاری زانکۆ.[1]
- لە شاری #هەولێر# دوو گردبوونەوەی ناڕەزایی بەڕێوەچوون، بەشێکی ناڕازییان داوای دامەزراندن لە حکومەت دەکەن و بەشێکی دیکەشیان پارەیان لای حکومەتە و داوای خەرجکردنی دەکەن.[2]
- لە #خورماتوو#، بۆمبێکی چێنراو لە بەردەم دوکانێکی مەی فرۆشتندا تەقێنرایەوە و تەنها زیانی ماددی هەبووە.[1]
- لە گەڕەکی ڕەحیماوای شاری #کەرکووک# تەرمی ژنێک کە شوێنەواری گوللەی بەسەرەوەیە دۆزرایەوە و دوای لێکۆڵینەوە دەرکەوتووە کە هاوژینەکەی خۆی کوشتوویەتی.[3]=KTML_Photo_Begin=https://www.kurdipedia.org/files/relatedfiles/2018/152821/0007.JPG=KTML_Photo_Alt=لە دوو شوێنی هەولێر ناڕەزایەتیی پیشاندرا=KTML_Style=width:30%;height:20%;float:left;=KTML_Photo_Target_Link=https://www.kurdipedia.org/files/relatedfiles/2018/152821/0007.JPG=KTML_Photo_End=
- #بزووتنەوەی ئیسلامی# پێشوازی لە ئۆپۆزسیۆنبوونی #یەکگرتووی ئیسلامی# دەکات و ڕایدەگەیەنن پێشتر ڕابەری حیزبەکەیان داوای لە ئەمینداری یەکگرتوو کردووە جگە لەئۆپۆزسیۆنبوون، بەشداری پەرلەمانیش نەکەن.[1]
- ڕاکان سەعید جبوری، پارێزگاری کەرکووک بەوەکالەت نووسراوێکی فەرمی بۆ پۆلیسی فیدراڵی لە کەرکووک کردووە، بۆ ئەوەی 81 ماڵی عەرەب لە گوندی شاناغە نیشتەجێبکرێن، کە بە گوتەی ڕاکان جبووری ئەوانە خەڵکی گوندەکەن و ناویان لە تۆماری ناسنامەی قەزای دووبز و ناحیەی سەرگەڕان هەیە، داوادەکات ئاسانکارییان بۆ بکرێت بەمەبەستی نیشتەجێکردنیان.[3]
- لە هۆڵی بابانی #زانکۆی سلێمانی#، گروپی کچانی کوردستان، بە هاوکاری زانکۆی سلێمانی و نەخۆشخانەی هیوا-ی تایبەت بە شێرپەنجە، سیمینارێکی تایبەت بە شێرپەنجەی #مەمک# بۆ 'هاژە عەبدوڵا' پزیشک و پسپۆڕی بواری شێرپەنجەی مەمک بەڕێوەچوو، ئامانج لێی هۆشیارکردنەوەی خوێندکارانی زانکۆی سلێمانی و ژنان بوو بەرامبەر بە شێرپەنجەی مەمک.[2]
- لە شاری کەرکووک سەنتەری میتۆگرافی دووەمین فێستیڤاڵی فۆتۆگرافی بە هاوکاری (ئینگڵش زۆن) و ڕێکخراوی کۆکار کردەوە. بڕیارە فێستیڤاڵەکە ماوەی سێ ڕۆژ بەردەوام بێت.[4]
- گەنجێکی تەمەن 29 ساڵ بەناوی ڕێکەوت ڕەزا، دانیشتووی گەڕەکی شارستانی لە #هەڵەبجە#ی تازە، لەلایەن دوو براوە کە دراوسێی بوون، لەسەر مانگایەک کوژرا.[3]

ناوەندی ڕاگەیاندنی قەسەدە لە ڕاگەیەنراوەکەیدا ئاماژەی بۆ ئەوە کردووە، لە ماوەی 24 کاتژمێری ڕابردوودا 29 چەتەی #داعش# کوژراون و شەرێکی سەختیش لە شارۆچکەی سووسە لە ئارادایە.
دەقی ڕاگەیەنراوی قەسەدە:
بەرەی باغۆز
شەوی ڕابردوو لەنێوان هێزەکانمان و تێرۆریستانی داعشدا شەڕێکی سەخت ڕوویدا و تێرۆریستان هەموو جۆرە چەکێکی قورسیان بەکارهێنا و هەوڵیان دا هێڵەکانی پێشەوەی #شەڕڤان#ان بشکێنن. هەروەها ئاگریان لە ئۆتۆمبێلەکانیان بەردا بۆ ئەوەی فڕۆکەکانی هاوپەیمانەتیی نێونەتەوەیی نەتوانن جموجۆڵ و بنکەکانیان ئاشکرا بکەن. فڕۆکەکانی هاوپەیمانان چەندین شوێنیان کردە ئامانج و لە شوێنێکدا ژمارەیەکی زۆری تێرۆریست کوژران. هەروەها ناوەندەکانی فەرماندارەتیی تێرۆریستان ڕووخێنران.
تێرۆریستان هەوڵیان دا بە 4 ئۆتۆمبێلی بۆمبڕێژکراو هێرش بکەنە سەر خاڵەکانی شەڕڤانان، لە هەمان کاتدا فڕۆکە سیخووڕییەکانیان دەسووڕانەوە. هێزەکانی ئێمە شۆفێرێکی چەتەکانیان کوشت و دەستیشیان بەسەر تەرم و ئۆتۆمبێلەکەیدا گرت. 3 ئۆتۆمبێلی چەتەکان بە تۆپ لە لایەن شەڕڤانانەوە لەناوبران. به و هۆیەوە چەتەکان ناچار بوون پاشەکشە بکەن. هێزەکانمان لێرەدا دەستیان بەسەر برێکی زۆری چەک و کەلوپەلی چەتەکاندا گرت.
هێزەکانی هاوپەیمانان 4 بنکەی تێرۆریستانیان ڕووخاند و زۆر تێرۆریستیان کوشتن، بەڵام ژمارەی کوژراوەکان ڕوون نەبوویەوە. پێشڕەویی هێزەکانمان لە ناوچەکە بەردەوامە.
لە لایەکی دیکەی ئەم بەرەیە، تێرۆریستان هەوڵیان دا هێرشێک لە بەرانبەر هێزەکانمان ئەنجام بدەن و بلدۆزەرێکی ئێمەیان کردە ئامانج. لە بەرانبەردا هێزەکانمان وەڵامیان دانەوە و زۆر تێرۆریست کوژران و دەستیش بەسەر کەلوپەلە سەربازییەکانیاندا گیرا.
هێزەکانمان پاش ئەوەی زیاتر لە نیوەی شارۆچکەی سووسەیان کۆنتڕۆڵ کرد، بەردەوامن لە پێشڕەوی بەره و گەڕەکەکان. شەڕڤانانی ئێمە لە 3 قۆڵەوە هێرشیان کردە سەر بنکەکانی تێرۆریستان، لە لایەکەوە 1کم پێشڕەوییان کرد و 14 خاڵی نوێیان دامەزراند، هاوکات فڕۆکەکانی هاوپەیمانانیش چەندین بنکەی چەتەکانیان کردە ئامانج. دەربارەی زیانی چەتەکان زانیاری ڕوون نەبوویەوە.
تێرۆریستان جارێکی دیکە بینایەکیان تۆپباران کرد کە هێزەکانمان ڕزگاریان کردبوو. لە کۆتاییدا بیناکە هەڵوەشا و چەندین شەڕڤانی ئێمە بریندار بوون. بریندارەکان ڕەوانەی نەخۆشخانەکان کران.
لە قۆڵی دووەمی هەمان بەرەدا، هێزەکانمان 2کم پێشڕەوییان کرد و 19 خاڵی نوێیان دامەزراند. هەروەها ئۆتۆمبێلێکیان دەستبەسەر کرد کە دۆشکەیەکی 12.5ملم-ی لەسەر بوو و چەندین تێرۆریستیان کوشتن. لە قۆڵی سێیەمەوە هێزەکانمان 3،5 کم پێشڕەوییان کرد و 6 خاڵیان دامەزراند.
لە شەودا، لەنێوان هێزەکانمان و تێرۆریستاندا شەڕ ڕوویدا. تێرۆریستان بە هەڕەمەکی هاوەن و ئۆبوسیان هاویشتن. شەڕڤانانمان لەم قۆڵەوە کیلۆمەترێک پێشڕەوییان کرد و 17 خاڵی نوێیان دامەزراند.
شەڕ لە شارۆچکەی سووسە لە ڕۆژی دووەمدا بە سەختترین شێوە تا ئێستا بەردەوامە. لەم شەڕەدا هێزەکانمان پێشڕەوییان کرد و گورزی تووندیان لە تێرۆریستان دا. له و چوارچێوەیەدا گوندی هاویی سەر بە سووسە ڕزگار کرا. هەروەها هێزەکانمان زۆرینەی گەڕەکەکانی شارۆچکەکەیان کۆنتڕۆڵ کردن.
بەرەی هەجین
لەم بەرەیەدا لەنێوان هێزەکانمان و تێرۆریستانی داعشدا شەڕ ڕوویدا. تێرۆریستان لە دوورەوە چەکی قورس، هاوەن و ئۆبوسیان بەکارهێنا. هێرشەکان هیچ ئەنجامێکیان نەبوو و هیچ زیانێک بە هێزەکانمان نەگەیشت. شەڕڤانان پاش ئەوەی شوێنی هێرشەکانیان دەستنیشان کرد و جموجۆڵەکانی کۆنتڕۆڵ کرد، وەڵامی سەرچاوەی هێرشەکەیان دایەوە. دەربارەی زیانەکانی ڕێکخراوی تێرۆریستی، هیچ زانیارییەک بەدەست نەخرا. لە هەردوو لای ئەم بەرەیە تێرۆریستان جار جار تۆپی هاوەن دەهاوێژن.
ئامار
- 29 تێرۆریست کوژران.
- 7 بینای تێرۆریستان ڕووخێنران.
- 2 بی کەی سی، 1 کڵاشینکۆف، 1 ئاڕ پی جی، 1 تەلەفۆنی هیترا، ئۆتۆمبێلێکی بۆمبڕێژکراو، ئۆتۆمبێلێکی هەڵگری دۆشکەی 12ملم دەستیان بەسەردا گیرا.
- فڕۆکەکانی هاوپەیمانان لە 10 شوێنیان دا، هەروەها بە مووشەکی هایمەرز 6 شوێنی دیکەیان کردە ئامانج.[1]
#23-10-2018#