[1]

سەرۆک #مەسعود بارزانی# لە پەیامێکدا پشتیوانی بۆ هەڵوێستی حکوومەتی فیدڕاڵی عێراق و بەیاننامەی وەزارەتی دەرەوەی عێراق دەربڕی بۆ سەرلەنوێ دەستپێکردنەوەی دانوستاندن لەگەڵ ئەمەریکا بۆ داڕشتنەوەی پەیوەندییەکانی داهاتوویان لە چوارچێوەی بابەتی سەربازی و ئەمنی.

=KTML_Bold=ئەمەی خوارەوە دەقی ڕاگەیەندراوەکەیە...=KTML_End=
=KTML_Bold=بەناوی خودای بەخشندە و میهرەبان=KTML_End=
پشتیوانی لە هەڵوێستی حکوومەتی فیدڕاڵی عێراق بە سەرۆکایەتیی بەڕێز محەمەد شیاع سودانی دەکەین و هەروەها پشتیوانی لە بەیاننامەی وەزارەتی دەرەوەی عێراق دەکەین بۆ سەرلەنوێ دەستپێکردنەوەی دانوساندن لەگەڵ ئەمەریکا بۆ داڕشتنەوەی پەیوەندییەکانی داهاتوویان لە چوارچێوەی بابەتی سەربازی و ئەمنی لەپێناو گەرەنتیکردنی بەردەوامیی ڕووبەڕووبوونەوەی تیرۆر و پاراستنی ئاسایشی وڵات لە پەلامارە دەرەکییەکان بە پاراستنی ئاسایش و سەلامەتیی هەرێمی کوردستانیشەوە.
دانوساندن تاکە ڕێگەی دروستە بۆ بنیاتنانی پەیوەندیی هاوسەنگ لەسەر بنەمای بەرژەوەندیی هاوبەشی نێوان کۆماری عێراقی فیدڕاڵ و وڵاتە یەکگرتووەکانی ئەمەریکا. [1]

مسعود بارزانی
#25-01-2024#
=KTML_Bold=تێبینی: ئەم بەڵگەنامەیە کێشەی ڕێنووس و ڕێزمانیی هەیە، کوردیپێدیا بەمەبەست هیچ دەستکارییەکی نەکردووە!=KTML_End=

#نێچیرڤان بارزانی#، سەرۆکی ھەرێمی کوردستان پێشوازی لە رێککەوتنی حکوومەتی فیدڕاڵیی عێراق و حکوومەتی ئەمەریکا دەکات بۆ دەستپێکردنەوەی کارەکانی کۆمیتەی باڵای سەربازیی نێوانیان و دەڵێت، ھەرێمی کوردستان پشتگیری لەو رێککەوتنە دەکات و ھاوکار و یارمەتیدەر دەبێت.

=KTML_Bold=ئەمەی خوارەوە دەقی ڕاگەیەندراوەکەیە….=KTML_End=
پێشوازی لە ڕێککەوتنی حکوومەتی فیدڕاڵیی عێراق و حکوومەتی ئەمەریکا دەکەین بۆ دەستپێکردنەوەی کارەکانی کۆمیتەی باڵای سەربازیی نێوانیان (HMC) و بەرەو پێشچوونی گفتوگۆکان دەربارەی پەیوەندی دووقۆڵی و داھاتووی ھاریکاریی ھاوبەش لە بوارەکانی سیاسی، ئابووری، کولتووری، ئەمنی و سەربازیدا.
ھەرێمی کوردستان پشتگیری لەو ڕێککەوتنە دەکات و ھاوکار و یارمەتیدەر دەبێت بۆ پاراستنی ئارامی و ئاسایش و سەقامگیری و سەروەریی وڵات و بەرەو پێشبردنی پەیوەندییەکان لەسەر بنەمای ڕێز لەیەکگرتن و بەرژەوەندیی ھاوبەش. [1]

نێچیرڤان بارزانی
سەرۆکی ھەرێمی کوردستان
#25-01-2024#
=KTML_Bold=تێبینی: ئەم بەڵگەنامەیە کێشەی ڕێنووس و ڕێزمانیی هەیە، کوردیپێدیا بەمەبەست هیچ دەستکارییەکی نەکردووە!=KTML_End=

سەرۆک بارزانی پیرۆزبایی جەژنی #قەوڵتاس# لە کاکەییەکان دەکات و جەخت لە بەهێزترکردنی کولتووری پێکەوەژیانی گەلی کوردستان و پاڵپشتیکردنی ماف و داواکانی پێکهاتەکان دەکاتەوە.

=KTML_Bold=دەقی پەیامی سەرۆک بارزانی بە بۆنەی جەژنی قەوڵتاس=KTML_End=
=KTML_Bold=بەناوی خودای بەخشندە و میهرەبان=KTML_End=
بە بۆنەی هاتنەوەی جەژنی (قەوڵتاس)ی کاکەییەکان پیرۆزبایی خۆم ئاراستەی سەرجەم خوشک و برایانی کاکەیی لە کوردستان و هەموو جیهان دەکەم.
هیوادارم خوشک و برا کاکەییەکانمان و تێکڕای پێکهاتە ئایینی و نەتەوەییەکانی کوردستان هەردەم جەژن و بۆنەکانیان لە ئارامی و خۆشیدا بکەنەوە.
لەو بۆنەیەدا جەخت لە بەهێزترکردنی کولتووری پێکەوەژیانی گەلی کوردستان و پاڵپشتیکردنی ماف و داواکانی پێکهاتەکان دەکەینەوە.
بمێنن لە خێر و خۆشیدا. [1]

#مەسعود بارزانی#
#25-01-2024#
=KTML_Bold=تێبینی: ئەم بەڵگەنامەیە کێشەی ڕێنووس و ڕێزمانیی هەیە، کوردیپێدیا بەمەبەست هیچ دەستکارییەکی نەکردووە!=KTML_End=

سەرۆکی #حکومەتی هەرێمی کوردستان# بەبۆنەی جەژنی یارانی #قەوڵتاس#ەوە، پیرۆزبایی ئاراستەی کاکەییەکانی کوردستان و جیهان دەکات.

=KTML_Bold=دەقی پەیامی پیرۆزبایی سەرۆکی حکوومەتی هەرێمی کوردستان بە بۆنەی جەژنی یارانی قەوڵتاس=KTML_End=
بەبۆنەى هاتنی جەژنى یارانی قەوڵتاس، گەرمترین پیرۆزبایى ئاراستەی خوشک و برایانی کاکەیى (یارسانان) لە کوردستان و جیهان دەکەم، هیوادارم لە کەشێکی پڕ لە خۆشی و ئاسوودەییدا جەژن بەسەر ببەن.
کاکەییەکان پێکهاتەیەکی ڕەسەنی گەلی کوردستانن و ڕۆڵێکی دیار و گرنگییان لە بزووتنەوەی ڕزگاریخوازی گەلی کوردستاندا گێڕاوە و هەمیشە بە ڕێز و پێزانینەوە، خەبات و تێکۆشان و قوربانیدانەکانیان بەرز دەنرخێنین و پابەندبوونمان بە داکۆکیکردن لە مافەکانیان دووپات دەکەینەوە.
جەژنتان پیرۆز و هەر لە شادیدا بژین. [1]

#مەسرور بارزانى#
سەرۆکى حکوومەتی هەرێمى کوردستان
=KTML_Bold=تێبینی: ئەم بەڵگەنامەیە کێشەی ڕێنووس و ڕێزمانیی هەیە، کوردیپێدیا بەمەبەست هیچ دەستکارییەکی نەکردووە!=KTML_End=

=KTML_Bold=مەکتەبی سیاسیی پارتی دیموکراتی کوردستان، پرسەنامەیەکی ئاراستەی خانەوادەی خوالێخۆشبوو خاتوو مامز پیرۆت دەکات.=KTML_End=

=KTML_Bold=ئەمەی خوارەوە دەقەکەیەتی:=KTML_End=
بەڕێزان خانەوادەی خوالێخۆشبوو خاتوو (مامز پیرۆت)
بە داخ و پەژارەیەکی زۆرەوە ھەواڵی کۆچی دوایی خاتوو (مامز پیرۆت)مان بیست، بە خەمناکییەوە پرسەو سەرەخۆشی خۆمان ئاراستەی ئێوە و کەسوکار و بنەماڵە بەڕێزەکەتان دەکەین، خۆمان بەھاوبەشی خەمتان دەزانین.
ئومێدەوارین دڵنەوایی و ھاوخەمی دۆست و ئازیزانتان ببێتە مایەی سەبووری و ئارامگرتنتان و لە خەم و نیگەرانیتان کەم بکاتەوە و لە خوای گەورەش داواکارین خوالێخۆشبوو بە بەھەشتی بەرین شاد بکات و ئێوەش لە کۆستی دیکە بە دوور بگرێت. [1]

مەکتەبی سیاسیی #پارتی دیموکراتی کوردستان#
#25-01-2024#
=KTML_Bold=تێبینی: ئەم بەڵگەنامەیە کێشەی ڕێنووس و ڕێزمانیی هەیە، کوردیپێدیا بەمەبەست هیچ دەستکارییەکی نەکردووە!=KTML_End=

بە گەرمی و لە دڵەوە پیرۆزباییی جەژنی #قەوڵتاس# لە تەواوی هاووڵاتیانی خۆشەویستی کاکەیی و یارسانان لە هەرێمی کوردستان و عێراق و لە هەر کوێ بن، دەکەم. هیوارم جەژنێکی خۆش و ئاسوودە بەڕێ بکەن.
بەم بۆنەیەوە ئازیزانی کاکەیی و هاووڵاتیانمان لە هەموو پێکهاتەکانی کوردستان دڵنیا دەکەینەوە کە وەک هەمیشە پشتیوان و پارێزەری مافەکانیان دەبین و کوردستان هەر بە وڵاتی هەمووان و لانکەی پێکەوەژیان و فرەیی و لێبوردەیی دەمێنێتەوە.
جەژن لە هەمووان پیرۆز بێت، هەموو ساڵێک بە خۆشی. [1]

#نێچیرڤان بارزانی#
سەرۆکی هەرێمی کوردستان
#25-01-2024#
=KTML_Bold=تێبینی: ئەم بەڵگەنامەیە کێشەی ڕێنووس و ڕێزمانیی هەیە، کوردیپێدیا بەمەبەست هیچ دەستکارییەکی نەکردووە!=KTML_End=