باکووری کوردستان
-کۆمیتەی پەیوەندییەکانی دەرەوەی کۆما جڤاکێن کوردستان-کەجەکەکەجەکە، لە بارەی هێرشە ئاسمانییەکانی سوپای تورک بۆ سەر خاکی باشووری کوردستان ڕاگەیەنراوێکی بڵاوکردەوەو تێیدا ڕایگەیاند: گەلی باشوور پشتیووانی گەریلا دەکات بۆیە سوپای تورک دەیانکاتە ئامانج.[3]
باشووری کوردستان
-لە هەولێرهەولێر بە درووشمی ❞بڕوخێ دز❝ خۆپیشاندانی مامۆستایان دەستی پێ کرد. پاشان خۆپیشاندانەکە گرژیی تێکەوت و چەند کەسێک بریندابوون، ژمارەیەکیش لەلایەن ئاساییشەوە بردران و کامێرای هەندێک لە ڕۆژنامەنووسانیش شکێندران.[1]
-خۆپیشاندانی خوێندکارانی ئامادەییەکانی شارۆچکەی سەید سادقسەید سادق دەستی پێ کرد و ڕێگای سەید سادق -سلێمانیسلێمانی-یان داخست.[1]
-لە دهۆکدهۆکیش بایکۆت لە خوێندنگە و قوتابخانەکانی ئەو شارە ڕاگەیەنرا.[1]
-زۆربەی بانکەکانی ناو شاری سلێمانی بایکۆتیان لە دەوامکردن ڕاگەیاند و مووچەی فەرمانگە و وەزارەتەکانیش سەرفناکەن.[2]
-کارمەندانی کارەبای سلێمانی لە بەردەم بەڕێوەبەرایەتی گشتی کارەبای سلێمانی کۆبوونەوە و داوای هەڵوەشاندنەوەی سیستمی پاشکەوتی مووچە دەکەن.[2]
-خۆپیشاندان و مانگرتنی پزیشکان و کارمەندانی تەندرووستی هەولێر لە بەردەم نەخۆشخانەی فێرکاری لەو شارە دەستی پێ کرد.[2]
-سەرجەم فەرمانگەکانی دادنووسانی سلێمانیش بایکۆتی دەوامکردنیان ڕاگەیاند و داوای لابردنی پاشەکەوتی مووچە دەکەن.[2]
-لە ڕانیەڕانیە گردبوونەوەی مامۆستایان و تەندرووستکاران و فەرمانبەران دەستی پێ کرد.[1]
-گردبوونەوەی مامۆستایان لە ڕواندزڕواندز دەستی پێ کرد و خۆپیشاندەران بە وتنەوەی درووشمی جۆراوجۆر داوای هەڵوەشاندنەوەی سیستمی پاشەکەوتی مووچە دەکەن.[2]
-مامۆستایانی ناڕازی لە سنووری ئیدارەی گەرمیان گردبوونەوە و خۆپیشاندانیان دژی پاشکەوتی مووچە ئەنجامدا.[1]
-خۆپیشاندان لە نزیک مۆنۆمێنتی ئەنفال لە چەمچەماڵچەمچەماڵ ڕویدا و بەهۆیەوە ڕێگای سەرەکی نێوان کەرکووک-سلێمانی داخرا.[2]
-پاش نیوەڕۆی ئەمڕۆ جارێکی دیکە دەوڵەتی تورک ناوچەی نێروە و ڕێکانی سەربە شارەدێی شیلادزێشیلادزێ-یان لە شارۆچکەی ئامێدیئامێدی سەر بە پارێزگای دهۆک بۆردوومان کرد. بەهۆی بۆردوومانی فڕۆکە جەنگییەکانی دەوڵەتی تورکەوە هاووڵاتییەک بەناوی نیهاد مەحمود، تەمەن 35 ساڵ بەسەختیی برینداربوو.[3]
-ڕێبوار تەهاڕێبوار تەها، پەڕڵەمانتاری فراکسیۆنی یەکێتی لە پەڕڵەمانی ئێراق ڕایگەیاند: لە بەرانبەر ئەو هێرشانەی (نیازی مەعمار ئۆغڵو) لە ڕۆژی نەورۆزدا ئاڕاستەی کوردی کردوون و، بەوە تۆمەتباری کردوون کە هێرشێکی تیرۆریستییان لە ڕێگای داقوق خوورماتوو ئەنجامداوە، سکاڵا یاسایی لە دژی تۆمارکردووە.[4]
-ئێوارەی ئەمڕۆ ڕەجەب تەیب ئەردۆغانئەردۆغان سەرکۆماری تورکیا ڕاگەیاند کە ئۆپەراسیۆنە سەربازییەکانیان دژ بە هێزەکانی پەکەکەپەکەکە لە سنووری شنگالشنگال دەستپێکردووە.[1]
-مامۆستا بەدەل ڕێکەوتی سەرۆکی گرووپی دەنگی مامۆستایان لە دهۆک لەلایەن ئاساییشەوە دەستگیرکرا و پاشان ئازادکرا.[1]
-بەڕێوەبەری شارۆچکەی سنوونێسنوونێ بەوەکالەت ڕایدەگەیێنێت، گەریلاکانی پەکەکە لە شنگال کشاو نەتەوە و سوپای ئێراق و یەکینەکانی بەرخودانی شنگال (یەبەشەیەبەشە) جێگەیان گرتوو نەتەوە.[4]
-هێزێکی پۆلیسی فیدراڵی لە کەرکووکەوە کشاو نەتەوە بۆ هەردوو شارۆچکەی خورماتووخورماتوو و داقوق، وتەبێژی حەشدی شەعبیحەشدی شەعبیش نایشارێتەوە، کە لەسەر داوای بەرپرسانی ئەو دوو شارۆچکەیە، ئەو هێزەی پۆلیسی فیدراڵی جوڵەیان پێکراوە و لەبەر مەترسیی هێرشەکانی چەتەکانی داعشداعش-ە.[3]
رۆژئاوای کوردستان
-لەشەقامی سوندوس لە شاری منبج، شەڕڤان دەروێششەڕڤان دەروێش، سەرۆکی ئەنجوومەنی سەربازی مینبج لە ڕێگەی چەکی قەناسەوە ئۆتۆمبێلەکەی کرایە ئامانج و بریندارکرا.[2]
-لە گوندی ڕەوای سەربە ناوچەی سەرێکانیی کانتۆنی حەسەکەحەسەکە مینێک بە دوو منداڵدا تەقییەوە و لە ئەنجامدا هەر دوو منداڵەکە کوژران.[3]
-بەپێی زانیاری سەرچاوەکانی نێو عەفرینعەفرین، ناکۆکی لەسەر بەشکردنی ماڵ و کەلوپەلی دزراوی هاووڵاتییانی عەفرین لەنێوان چەتەکان درووست بووە و شەڕ هاتۆتە ئاراوە. لە ئەنجامی شەڕێکی قوورسی نێوان ئەو دوو گرووپە چەتەیەدا، 10 کەس لە هەردوولا کوژراون و ژمارەیەکی زۆریشیان بریندار بوون.[5]
دەرەوەی کوردستان
-فەرماندەیی ئۆپەراسیۆنە هاوبەشەکانی ئێراق ئەمڕۆ ڕایگەیاند، هیچ هێزێکی بیانی سنووری ئێراقی نەبەزاندووە.[1]

حکوومەتی هەرێمی کوردستان لە سەختیی دۆخی مووچەخۆرانی هەرێمی کوردستان تێدەگات و سوپاسی خۆڕاگری و دانبەخۆداگرتنیان دەکات. وێڕای سەختیی دۆخەکە، لە یاسای بودجەی عێراقی فیدراڵیشدا ستەم لە هەرێمی کوردستان کرا‌، بەشە بودجە و ماف و شایستە داراییەکانی کەم کرانەوە‌، بەڵام لە ئەنجامی گفتوگۆی هەولێر بەغدا، لەسەر بڕیاری بەڕێز حەیدەر عەبادی سەرۆک وەزیرانی عێراقی فیدرال، بڕە پارەیەک هەر چەندە کەم بوو گەیشتە هەرێمی کوردستان.
وەک ‌بەرلە جەژنی نەورۆز بڕیارمان دابوو کۆبوونەوەیەکی تایبەت لەسەر پاشەکەوتی مووچە ئەنجام بدرێت، ئەمڕۆ 25/3/2018 بە ئامادەبوونی بەڕێزان سەرۆک و جێگری سەرۆک وەزیرانی هەرێمی کوردستان و وەزیرانی تەندروستی و پەروەردە و وەزیرە پەیوەندارەکان، کۆبوونەوەیەک ئەنجام درا و تیایدا ئەم خاڵانەی خوارەوە پەسەند کران:
1- ئەگەر بەغدا مانگانە بەردەوام بێت لەسەر ناردنی ئه و بڕە پارەیە کە 317 ملیار و 540 ملیۆن و 465 هەزار دیناره و بڕە پارەیەکی کەمە‌، حکوومەتی هەرێمی کوردستان لەگەڵ داهاتی نەوت و داهاتی ناوخۆی هەرێمی کوردستان، دەستکاری پاشەکەوتی مووچە دەکات بە جۆرێک کە لە بەرژەوەندیی مووچەخۆرانی هەرێمی کوردستاندا بێت.
2- وەزارەتی دارایی و ئابووری ڕاسپێردرا لە ڕۆژانی داهاتوودا بەپێی داهات خشتەی نوێی مووچه ئامادە بکات بۆ ئەوەی لە کۆبوونەوەی ئەم هەفتەیەی ئەنجومەنی وەزیراندا بڕیاری کۆتایی لەسەر بدرێت تاکو مووچەی داهاتوو به و خشتە نوێیە دابەش بکرێت.
3- حکوومەتی هەرێمی کوردستان لە ڕۆژانی داهاتوودا تەواوی داهاتەکانی ناوخۆ و نەوت و بڕە پارەی هاتووی بەغدا لەگەڵ هاوکارییەکانی ئەمەریکا بۆ پێشمەرگە و چۆنیەتیی خەرجکردنی دەخاتە ڕوو.
سەرۆکایەتیی ئەنجومەنی وەزیرانی هەرێمی کوردستان
25-03-201825-03-2018

25-03-201825-03-2018