$باکووری کوردستان$
- دامودەزگەی دادوەریی دەوڵەتی تورک سزای ساڵێک و 11 مانگ زیندانیکردنی بۆ هونەرمەند #فەرهاد تونچ# بڕیەوە.[4]
$رۆژهەڵاتی کوردستان$
- دوو #کۆڵبەر#ی کورد بە ناوەکانی عەبدوڵڵا محەممەدزادە خەڵکی گوندی تینال سەر بە شاری #مەریوان# و عەلی نادری خەڵکی گوندی گونتو سەر بە شاری #دیواندەرە# بە هۆی تەقینەوەی مین لە سنووری مەریوان کوژران. کۆڵبەرێکی دیکەش بە ناوی حەمید باینچوو خەڵکی گوندی باینچووب سەر بە شاری #سنە# لە ڕووداوەدا بە توندی بریندار بووە.[1]=KTML_Photo_Begin=https://www.kurdipedia.org/files/relatedfiles/2018/153229/0006.JPG=KTML_Photo_Alt=حەسەن ئەرتەنگ و ئارام خورسەندی=KTML_Style=width:30%;height:20%;float:right;=KTML_Photo_Target_Link=https://www.kurdipedia.org/files/relatedfiles/2018/153229/0006.JPG=KTML_Photo_End=
- هێزە ئیتلاعاتییەکان هێرشیان کردووەتە سەری ماڵی دوو هاووڵاتیی کورد لە گوگتەپەی شاری #مەهاباد# و دەسبەسەریان کردوون. هەواڵنێری کوردپا لە شاری مەهاباد شوناسی ئەو دوو لاوە مەهابادیەی بە ناوەکانی حەسەن ئەرتەنگ و ئارام خورسەندی ڕاگەیاندووە.[1]
$باشووری کوردستان$
- لە شارۆچکەی #دەربەندیخان#ی سەر بە شاری #سلێمانی#، لە بەردەم ماڵەکەی دەستڕێژیی گولە لە چالاکی سیاسیی ڕۆژهەڵاتی کوردستان لوقمان شەهابی کرا و بەسەختی بریندار کرا.[4]
- لە ئەنجامی تەقینەوە یان وەک هەندێک سەرچاوە دەڵێت تامپۆنی دوو ئوتومبیل لە نزیک ماجدی مۆڵێ هەولێر 3 کەس بریندار بوون. پاشتر پارێزگاری هەولێر ڕایدەگەیەنێت، ڕووداوەکەی ئەمشه و تەقینەوە نەبووە، بەڵکو پێکدادانی نێوان دوو ئۆتۆمبێل بووە.[5]
- تونێلی گەلی #زاخۆ# بە فەڕمی کرایەوە.[5]
- لە بەرامبەر پێنەدانی کرێی کارکردنییان بۆ ماوەی زیاتر لە حەوت مانگ، ئەمڕۆ کرێکاران و شۆفێرانی کۆمپانیایەکی تورکی لە سەید سادق دەستیان لە کارەکانیان لە درووستکردنی جووت سایدی #هەڵەبجە# سەیدسادق هەڵگرت و ڕاشیانگەیاند: تا وەرگرتنەوەی مافەکانیان دەستبەکار ناکەنەوە.[2]
- سەرۆکی #پارتی دیموکراتی کوردستان# ڕاگەیاند: ئەگەر خاڵەکانی دەستور جێبەجێبکرایە، پەنامان نەدەبردە بەر ڕیفراندۆم، دەڵێت: داوا دەکەم #هەولێر# و بەغدا کێشەکان بەپێی دەستوور و لەسەر بنەمای تەوافوق چارەسەر بکەن و ئه و دەرفەتەی هاتووەتەپێش، لەدەستی نەدەن.[3]

ناوەندی ڕاگەیاندنی هێزەکانی سووریای دیموکراتیک (قەسەدە) ڕاگەیەنراوێکی بڵاوکردەوە و ئاماری شەڕی 24 کاتژمێری ڕابردووی ڕاگەیاند. قەسەدە ئاشکرای کرد کە لە چوارچێوەی قۆناغی کۆتایی هەڵمەتی گەردەلوولی جزیردا کە بەشێکە لە (شەڕی نەهێشتی تێرۆر) لە ماوەی 24 کاتژمێری ڕابردوودا 21 چەتەی #داعش# کوژراون و گوندی شەنجلە-ش ڕزگار کراوە.
دەقی ڕاگەیەنراوی قەسەدە:
بەرەی باخۆز
هێزەکانمان لەم بەرەیە پێشڕەوییان کرد و کۆمەڵێک خاڵی نوێیان کۆنتڕۆڵ کرد. چەتەکان هێرشیان کردە سەر خاڵەکانی هێزەکانی ئێمە، بەڵام لە لایەن هێزەکانمانەوە وەڵامییان درایەوە و شەڕ هاتە ئاراوە. لە ئەنجامدا چەندین چەتە کوژران. هەروەها چەتەکانی داعش بە تۆپی هاوەن هێرشیان کردە سەر خاڵەکانی هێزەکانمان. #شەڕڤان#انی ئێمە لە چوارچێوەی گەڕان و پشکنیندا برێکی زۆری چەک و تەقەمەنییان دۆزیەوە.
لە شەڕی شەوی ڕابردوودا هێزەکانمان 800 مەتر پێشڕەوییان کرد و زۆر خاڵی نوێیان کۆنتڕۆڵ کردن. هەرچەندە چەتەکان هەوڵیان دا هێرشی خاڵەکانی شەڕڤانانی ئێمە بکەن، بەڵام هەموو هەوڵەکان تێکشکێنران. لە ئەنجامدا چەندین چەتە کوژران، 2 ئۆتۆمبێلی بۆمبڕێژکراو تێکشکێنران و تونێلێکیش تێکدرا.
هێزەکانمان لێرە 600 مەتر پێشڕەوییان کرد و ژمارەیەک خاڵیان دەستنیشان کردن، هەروەها دەستیشیان بەسەر بڕێکی زۆری چەک و تەقەمەنیی چەتەکاندا گرت.
بەرەبەیانیی ئەمڕۆ جارێکی دیکە شەڕی سەخت هاتە ئاراوە، هێزەکانمان گوندی شەجلە-یان ڕزگار کرد و چەندین چەتەیان کوشتن. هەروەها دەست بەسەر بڕێک چەک و تەقەمەنیی چەتەکاندا گیرا. لە دوای ڕزگارکردنی گوندەکە، تیمەتایبەتەکانمان دەستیان بە خەباتی گەڕان و پشکنین کرد و زۆر مینیان پووچەڵ کردنەوە.
بەرەی حەجین
چەتەکان هەوڵیان دا هێرش بکەنە سەر هێزەکانمان، بەوهۆیەوە شەڕی ماوە ماوە بە چەکی قورس هاتە ئاراوە. هێزەکانمان وەڵامی هێرشی چەتەکانیان دایەوە. لە بەیانیشدا چەندین کاتژمێر شەڕ بەردەوام بوو، لێرەش زۆر چەتە کوژران. هاوکات فڕۆکەکانی هاوپەیمانان خاڵەکانی چەتەکانیان کردە ئامانج.
ئامار:
هێرشی ئاسمانی: 7
خاڵە ڕزگارکراوەکان: 19
کوژراوی چەتەکان: 21
زیانی مادیی چەتەکان: تونێلێک تێکدرا، 2 ئۆتۆمبێلی بۆمبڕێژکراو تێکشکێنران و بنکەیەکی تۆپی هاوەن ڕووخێنرا.
چەکە دەستبەسەرکراوەکان: 2 هاوەنی 120مم و 65 فیشەکی، 6 ئاڕ پی جی، 4 کڵاشینکۆف، 2 بی کەی سی و جانتایەکی تەقەمەنی.
ژمارەی شەڕڤانانی شەهید: 6
ژمارەی شەڕڤانە بریندارەکان: 8[1]
#25-09-2018#