باکووری کوردستان
- بەهۆی ئۆپەراسیۆنەکانی داگیرکەری تورک لە دژی پەکەکەپەکەکە لە سنووری پارێزگای شرناخشرناخ کە ڕۆژی 14ی تەممووزی ئەمساڵ دەستیپێکرد، لە ئەنجامی تۆپبارانکردنی چەند پێگەیەکدا ئاگر لە بەشێکی دارستانەکانی چیای جوودی بەربوو. بە گوێرەی ڕاگەیاندنەکانی تورکیا، تاوەکو ئێستا ئاگرەکە کۆنترۆڵ نەکراوە و بەهۆیەوە زەویوزاری خەڵکی ناوچەکە زیانی بەرکەوتووە. لەلایەکی دیکەشەوە لە دارستان و زەویوزاری کشتوکاڵی و باخ و ڕەزی بەشێک لە هاونیشتمانیانی باکووری کوردستان لە گوندەکانی خرنتووس و ئەنگەسۆر لە سنووری شارۆچکەی تووخ لە بەدلیسی باکووری کوردستان بەهۆکارێکی نەزانراو ئاگرکەوتووەتە وە.[2]
رۆژهەڵاتی کوردستان
- هێزە چەکدارەکانی ئێران لە سنووری هەنگەژاڵەی بانەبانە دەستەیەک کۆڵبەرکۆڵبەری ئەو ناوچەیەیان دایە بەردەستڕێژی گوللە و لانیکەم 5 کۆڵبەریان بریندار کردووە.[4]
باشووری کوردستان
- کۆبوونەوەی پەرلەمانی کوردستانپەرلەمانی کوردستان، کە بڕیاربوو ئەمڕۆ کاژێر 11:00 بکرێت، دواخرا بۆ سبەی دووشەممە لە هەمان کاژێر.[2]
- بەڕێوەبەری فڕۆکەخانەی نێودەوڵەتیی سلێمانیسلێمانی ڕایگەیاند، ئامادەکارییەکانیان بۆ دەستپێکردنەوەی گەشتە ئاسمانییەکان تەواوکردوون و ئەو کاتەی گەشتەکان دەستپێدەکەنەوە پشکنین بۆ هەموو گەشتیاران دەکرێت.[2]
- بەهۆی دواکەوتنی مووچەکانیان و دابەش نەکردنی پێش جەژنی قوربان، کارمەندانی بەڕێوەبەرایەتی هاتوچۆی سلێمانی بایکۆتی دەوامیان ڕاگەیاند، بەڵام لە لایەن هێزەکانی ئاسایشی ناوخۆوە چەند کارمەندێکیان دەستگیرکران. بەپێی ووتەی ئەو هاوڵاتیانەی بۆ ڕاییکردنی مامەڵەی هاتوچۆ لەناو بەڕێوبەرایەتیەکە بوون، ''هێزێک هەڵیکوتاوەتە سەر بەڕێوبەرایەتیەکەو دەستدرێژییان کردۆتەسەر کارمەندەکان و لەدوای ئەوەی لە کارمەندەکانیان داوە، بە ئۆتۆمبێل کارمەندەکانیان گواستۆتەوەو لە ئێستادا ئەو کارمەندا بێسەروشوێنە، بەپێی ووتەی چەند شایەتحاڵێک سەری بەشێکیان شکاوەو خوێن بەجەستەی چەند کارمەندێکەوە بینراوە''.[4]
- مەراسیمێکی ڕێزلێنان لە بەڕێوەبەرایەتیی ڕۆشنبیریی شارۆچکەی چەمچەماڵچەمچەماڵ بەڕێوەچوو، کە لە مەراسیمەکەدا کۆنسوڵخانەی فەڵەستین لە هەرێمی کوردستان خەڵاتێکی بەناوی خەڵاتی ڕێزلێنان و وەفا بە نیشتمان حەسەن، هاوژینی مامە ڕیشەمامە ڕیشە بەخشی.[2]
- پیاوێکی تەمەن 39 ساڵ، بەرەبەیانیی ئەمڕۆ لەنێو باخی گشتیی هەڵەبجەهەڵەبجە خۆی خنکاند.[3](بڕوانە فایلی پەیوەندیدار)
رۆژئاوای کوردستان
- لە ناوەندی شاری سەرێکانیسەرێکانی ماتۆڕسکیلێکی بۆمبڕێژکراو تەقییەوە. بەپێی زانیاریی سەرچاوە خۆجێیەکان لە ئەنجامی ئەو تەقینەوەیەدا 8 کەس کوژراون و 19 کەسی تریش بریندار بون.[1]
- 3 ژنە داعشداعش لە کامپی هۆلی حەسەکەحەسەکە هەوڵیاندا لەگەڵ گروپێکدا، کە خۆیان وەک گروپی هاوکاریی مرۆیی نیشان دابوو، ڕابکەن، بەڵام پلانەکەیان شکستی هێنا و دەستگیرکران.[1]
دەرەوەی کوردستان
- سوهەیلا فورش کەڵهور چالاکی ژنان و ئەندامی ڕێبەری حیزبی دێموکرات مەسیحی سوید لە ماڵی خۆی لە شاری کارسکوگا کە لە 300 کیلۆمەتری ئێستۆکهۆڵم پایتەختی سوید هەڵکەوتووە، لە ڕێگای تەقاندنەوەی بۆمبی چێندراوە پەلاماری کوشتنی دراوە. ناوبراو لەو لەو هەوڵە کە بۆ کوشتنی دراوە ڕزگاری بووە، بەڵام بە هۆی تەقینەوەکەوە زیانێکی زۆر بە خانووەکەی گەیشتووە.[4]
- دوای ئەوەی لە ئەنجامی هەڵچوونی گرژییەکانی نێوان تورکیا و یۆنان ژمارەیەک چالاکوانی یۆنانی لە شاری سالۆنیکی وڵاتەکەیان ئاگریان لە ئاڵای تورکیا بەردا، وەزارەتی بەرگری تورکیا لە تویتێکدا لە هەژماری تایبەتی خۆی لە تۆڕی کۆمەڵایەتی تویتەر ڕەخنەی توندی ئاراستەی یۆنان کرد و داوای لە ئەسینا کرد، دەستبەجێ سنوورێک بۆ ئەو گێچەڵکاریانە دانێت.[3]

ئەمە دەقی بانگهێشتەکەیە:
بانگهێشت بۆ گشت ئەندامە بەڕێزەکانی پەرلەمانی کوردستان
پشت بەستن بەبرگەی (سێیەم) لەماددەی (18) لەپەیڕەوی ناوخۆی پەرلەمانی کوردستان-عێراق و ئاماژە بەراگەیەنراوی دەستەی سەرۆکایەتیی پەرلەمانی کوردستان لەرێکەوتی 2020/7/26 بڕیاردرا بەدواخستنی دانیشتنی پەرلەمان ژمارە (6)ی ئاسایی خولی بەهارەی ساڵی دووەم لەخولی هەڵبژاردنی پێنجەمی پەرلەمان له 2020/7/26 بۆ کاتژمێر 11ی پێشنیوەرۆی ڕۆژی دووشەمە ڕێکەوتی 2020/7/27.
لەگەڵ ڕێزدا..
د.رێواز فایەق
سەرۆکی پەرلەمانی کوردستان

دەقی ڕوونکردنەوەکە:
پەیوەست بە ئەو کێشانەی کە لەبارەی کۆبوونەوەی پەرلەمانی کوردستانەوە لە ئارادابوون، هەندێک هەواڵ و لێکدانەوەی ناڕاست لە میدیاکاندا بڵاو بوونەتەوە.
راستیی بابەتەکە بەو شێوەیە کە لە میانەی پەیوەندییەکی تەلەفۆنیی نێوان بەڕێزان مەسرور بارزانیمەسرور بارزانی سەرۆکی حکومەت و بافڵ تالەبانی هاوسەرۆکی یەکێتیی نیشتمانیی کوردستانیەکێتیی نیشتمانیی کوردستان، ئەو کێشەیە تاووتوێ کرا و بەڕێز بافڵ تالەبانی داوای دواخستنی کۆبوونەوەی پەرلەمانی بۆ 24 کاتژمێر کرد بەبێ هیچ مەرجێک، تاکو دەرفەت بۆ سەرکردایەتیی هەردوولا هەبێت بە تێگەیشتنێکی هاوبەش بگەن. ئەم داوایە بە چارەسەرێکی پەسەند زانرا و بە دانوستان لە نێوان سەرۆکایەتی پەرلەمان وسەرکردایەتیی هەردوولا کۆبوونەوەی پەرلەمان بۆ 24 کاتژمێر دواخراوە بە بێ هیچ مەرجێک و بوار ڕەخسێندراوە لەو ماوەیەدا بەربەست و کێشەکان چارەسەر بکرێن.
بەو هیوایەی کە گشت لایەک بەرپرسیارانە مامەڵە لەگەل ئەم بابەتانە بکەن و بە ئاراستەی چارسەر، هەواڵ و لێکدانەوەکان بگوازنەوە.
نووسینگەی سەرۆکی حکومەتی هەرێمی کوردستان