28-09-2019
باکووری کوردستان
- بە بڕیاری پارێزگاری تورک ئەمڕۆ لە ناوەند و ناوچەکانی جۆلەمێرگجۆلەمێرگ 15 هەرێم بۆ ماوەی 15 ڕۆژ بە پاساوی هەرێمی ئەمنیی تایبەت قەدەغە کران و هەموو جۆرە هاتووچۆیەکی هاووڵاتییانی لەو ناوچەدا قەدەغە کرد. بە پێی ڕاگەیەنراوەکەی پارێزگاری جولەمێرگ هەرێمەکانی ئاککاسی، چگل، کریک داغ، بووزوول، کاندل، ئالاندۆز، ئۆقوول، جەیلانێ، چەمەنلی، کازان و گردی سوارا، گردی مەولا حسێن و چیای ئۆزپناری گەڤەر و گۆل کوچوکگەلکا لە ڕۆژی 29ی ئەیلوول هەتا 13ی تەشرینی یەکەمی 2019 لە هاووڵاتیانی مەدەنی قەدەغەکراوە.[4]
- هونەرمەندی کورد دۆدان ئۆزەر، لەکاتی پێشکەشکردنی کۆنسێرتێک لە کافتریایەکی شاری باتمانباتمان-ی باکووری کوردستان، هێزەکانی ئاسایش بەسەر کافتریاکەیان داداوە و کۆتاییان بە کۆنسێرتەکە هێناوە. بە گوێرەی چەند میدیایەکی تورکیا، هێزەکانی ئاسایشی باتمان مایکرۆفۆنیان لە دەستی هونەمەرمەند دۆدان ئۆزەر دەرهێناوە و ڕێگەیان نەداوە گۆرانی بە زمانی کوردی بڵێت و پێیان گوتووە گۆرانی گوتن بە زمانی کوردی لە تورکیا قەدەخەیە.[7]
رۆژهەڵاتی کوردستان
- هێزە ئەمنییەکانی ڕژێمی ئێران، ئیبراهیم پیری نوێنەری شۆفێرانی ناوەندی تەندروستیی شاری سنەسنەی ڕۆژهەڵاتی کوردستانیان دەستگیرکرد و ڕەوانەی شوێنێکی نادیاریان کرد. ڕاگەیاندرا، ئیبراهیم پیری پێشتر بەشداریی لە چالاکیی ناڕەزایەتیی شۆفێران دا کردبوو.[4]
- چالاکێکی مەدەنی و ژینگەپارێزیی کورد بە ناوی سیروان ڕەحیمی، تەمەن 30ی ساڵ خەڵکی شارستانی دێولان، لە لایەن هێزە ئیتلاعاتییەکانەوە دەسبەسەر کرا. دەسبەسەرکردنی ئەم چالاکە ژینگەپارێزییە بەبێ نیشاندانی مۆڵەتی یاسایی بووە و ناوبراو دوای دەسبەسەرکرانی بۆ شوێنێکی نادیار ڕاگوێزرا.[8]
باشووری کوردستان
- کاتژمێر یەکی بەرەبەیانی ئەمڕۆ، ژمارەیەک چەکداری داعشداعش هێرشیان کردەسەر گوندی مێخاسمێخاس کە دانیشتوانەکەی کورده و دەکەوێتە سەر ڕێگای سەرەکی نێوان شارۆچکەی خانەقینخانەقین و کەلارکەلار. بەهۆی دەستڕێژی گوللەی ئه و چەکدارانە سێ هاووڵاتی گوندەکە شەهید بوون کە دووانیان بران و چەکدارەکانیش دوای پەلامارەکەیان بەره و ناوچەیەکی نادیار هەڵاتوون.[1][2]
- شەوی ڕابردوو 12:21 بومەلەرزەیەک بە 3.1 پلەی ڕێختەر لەنێوان قەسری شیرینقەسری شیرین - خانەقین ڕوویدا. بەپێی ئاژانسەکانی تایبەت بە بومەلەرزه و کەشوهەوا، بومەلەرزەکە لە قوڵایی 7 کیلۆمەتر لەژێر زەوی ڕوویداوە و 47کم لە سەنتەری کەلارەوە دوور بووە.[3]
- نۆ حیزبی کوردستانی، کە پێکهاتوون لە (پارتی، یەکێتی، گۆڕان، یەکگرتوو، کۆمەڵ، بزووتنەوە، شیوعی، سۆسیالیست و زەحمەتکێشان)، ئەمڕۆ لە هەولێرهەولێر کۆبوونەوە و بڕیاریان دا بە یەک لیست بەشداری لە هەڵبژاردنی ئەنجوومەنی پارێزگاکانی عێراقدا بکەن لە پارێزگاکانی: کەرکووک، نەینەوا، دیالا و سەڵاحەدین، هەروەها بانگهێشتی لایەنە کوردستانییەکانی دیکەش دەکەن بێنە نێو لیستەکەیانەوە.[5]
- زیاتر لە 100 خێزانی چەکدارانی پێشووی داعش لە کەرکووککەرکووک نیشتەجێکراون و سەرۆکی لیژنەی ئەمنی ئەنجومەنی پارێزگاکەش مەترسی ئەو هەنگاوە دەخاتەڕوو و ڕایدەگەیەنێت: دەستێکی سیاسی لەپشتەوەیە.[1]
- ئێوارەی ئەمڕۆ لە گەلەری مۆزەخانەی شاری سلێمانیسلێمانی، پێشانگایەکی تایبەت بە کارە هونەرییەکانی مامۆستای شێوەکار شیرین محەمەد کرایەوە و بۆ ماوەی دوو ڕۆژ بەردەوام دەبێت.[6]
رۆژئاوای کوردستان
- چەتەکانی دەوڵەتی تورکی داگیرکەر دوێنێ لە گوندی قەستە خدریای ناوچەی بلبلی عەفرینعەفرین 5 هاوڵاتیان ڕفاندووە. ناوی ئەو هاوڵاتیانەی ڕفێنراون بەم شێوەیەن: زەکەریا محەمەد، زیادە هۆریک ڕەشید، ئاراس حەنان محەمەد، ئیبراهیم حسێن ڕەشۆ و جەلال محەمەد.[4]
- سەربازانی سوپای تورکی داگیرکەر و چەتەکانی لە گوندی بەراد جێگیرکراون و لەوێوە، گوندی برج قاس و کالۆتەپەی سەر بە ناوچەی شێراوای عەفرین بۆمبەباران دەکەن. بە پێی زانیاریەکان بە دەیان تۆپ بەر دەوروبەری گوندەکان کەوتوون و تۆپباران بەردەوامە.[4]