$باکووری کوردستان$
- لە ناوچەی پەرتاخ-ی دێرسم پۆلیسی دەوڵەتی تورک 4 کەسی دەستگیر کرد. لە لایەکی دیکەوە لە ناوچەی قەرەیازیی سەر بە شاری ئەرزرۆم کەسێک زیندانی کرا.[2]
$رۆژهەڵاتی کوردستان$
- دارستانی گوندەکانی نژمار و بێکەڕەی شاری #مەریوان#، ئاگریان تێبەردرا و خەسارێکی بەرچاوی بە ژینگەی ئەو دوو گوندە، گەیاند.[5]
$باشووری کوردستان$
- لە کاژێر 09:15ی ئەمڕۆوە فڕوکەکانی تورکیا سێجار چیای کورەژاریان بۆردوومان کرد، کە بەسەر شارۆچکەی #شیلادزێ# دەڕوانێت.[1]{div class="ArticlePhoto" style="width:width:30%;height:20%;float:right;"}{img alt="" src="https://www.kurdipedia.org/files/relatedfiles/2019/284076/0006.JPG" style="width:100%;" onclick="Galarry(0,[[this.src, this.title]]);" title="بۆردوومان لە شیلادزێ"}{p class="textShadow media" style="cursor:default;text-align:center;color:rgb(0,0,0);"}بۆردوومان لە شیلادزێ{/p}{/div}
- ژمارەیەک بەرپرس و ئەندامی #کۆمەڵی ئیسلامیی کوردستان# لە سنوری پارێزگای #هەولێر# دەستیان لەکارکێشایەوە.[1]
- #فەرەیدون عەبدولقادر# لەبارەی پۆستی پارێزگاری #کەرکووک# ڕوونکردنەوەیەکی بڵاوکردەوە. (بڕوانە بابەتی پەیوەستکراو)[3]
- ڕێکخەری گشتی #بزووتنەوەی گۆڕان#، عومەر سەید عەلی بەبۆنەی هەڵبژاردنی بە سەرۆکی هەرێمی کوردستان پیرۆزبایی لە #نێچیرڤان بارزانی# دەکات.[3]
- لقی #سۆران#ی یەکێتی لاوانی کوردستان، ئیدانەی هێرش و بۆردوومانی سوپای تورک دەکات بۆسەر خاکی هەرێمی کوردستان، داوا لە حکومەتی هەرێم و پەرلەمانی هەرێم کوردستان دەکات چیتر لەئاست شەهیدکردنی لاوی کورد و داگیرکردنی باشوری کوردستان لەلایەن دەوڵەتی تورک بێدەنگ نەبن.[4]
- بۆسێیەم جار ئاڵوگۆڕی زیندانیان لە نێوان حکومەتی هەرێم و ئێران ئەنجامدرا و ئەمڕۆ 25 زیندانی دیکە لە کۆمەڵگەی گومرگی #حاجی ئۆمەران# لە نێوان هەردوولادا ئاڵوگۆڕکران لەو ژمارەیەش تەنها پێنج زیندانییان لەلایەن ئێرانەوە دراونەتەوە بە هەرێم.[4]
$رۆژئاوای کوردستان$
- مینێکی چێندراو لە نزیک گۆڕەپانی ئەشکا لە #قامیشلۆ# تەقییەوە. بەهۆی تەقینەوەی ئەو مینەوە زیان بەو ئۆتۆمبێلانە گەیشت، کە لە نزیک شوێنی تەقینەوەکەدا ڕاوەستابوون.[2]
- دەوڵەتی تورکی داگیرکەر و گروپە چەتەکانی ئاگریان لە باخە زەیتونەکانی دەورووبەری گوندی باسل لە ناوچەی شێراوای #عەفرین# بەرداوە. ئەو ئاگرەی دەوڵەتی تورک و چەتەکانی بە زەوی و باخە زەیتونەکانی گوندەکانی بەنە و عاقب-یشدا بڵاوبووەتەوە.[2]
$دەرەوەی کوردستان$
- مۆرگن ئۆرتاگۆس، گوتەبێژی وەزارەتی دەرەوەی ئەمریکا دەڵێ تورکیا ڕووبەڕووی ئەنجامی زۆر ڕاستەقینە و زۆر نێگەتیڤ دەبێتەوه ئەگەر ئێس-400 وەربگرێت. لەوانە وەستاندنی ناردنی فڕۆکەی ئێف 35 بۆیان و ڕاگرتنی بەشداریان لە پرۆگرامی دروستکردنیدا، هەروەها بەهۆی یاساوە ڕووبەڕووی سزای ئابووری دەبنەوه.[3]

ئەمڕۆ (29/5/2019) ئەنجومەنی سەرکردایەتی #یەکێتیی نیشتمانیی کوردستان# بەسەرپەرشتی کۆسرەت ڕەسول عەلی جێگری سکرتێری گشتی لەشاری #سلێمانی# کۆبوەوە.
کۆبونەوەکە، کە بەدەقیقەیەک وەستان بۆ ڕێزگرتن لە شەهیدانی کوردستان دەستی پێکرد، تێدا د.بەرهەم ئەحمەد ساڵەح جێگری دووەمی سکرتێری گشتی لەرێگای سیستمی (ڤیدیۆ کۆنفرانس) بەشداربوو، تەوەرەکانی پێکهاتبوون لە تاوتوێکردنی دوایین پێشهاتەکانی پەیوەست بەدۆخی سیاسی و گۆڕانکارییەکانی کوردستان و عێراق و ناوچەکە.
کۆبونەوەی ئەنجومەنی سەرکردایەتی، کە هاوکات لەگەڵ نزیکبوونەوەی یادی (44) ساڵەی دامەزراندنی یەکێتیی نیشتمانیی کوردستان و (43) ساڵەی هەڵگیرساندنی شۆڕشی نوێی گەلەکەمان بوو، ئەنجومەنی سەرکردایەتی جەختی کردەوە، کە یەکێتی وەک هێزی بەرپرسیار لە چارەنوسی گەلی کوردستان و ڕاپەراندنی ئەرکە نیشتمانیی و دیموکراسیەکان و یەکریزی گەلی کوردستان و تەبایی نێوان هێزە سیاسیەکانی کوردستان بە سەنگی مەحەک بۆ هێنانەدی مافە دیموکراسی و دەستورییەکانی گەلی کوردستان دەزانێت.
سەبارەت بە دۆخی سیاسی کوردستان و دواپێشهاتەکان، کۆبونەوەکە پشتیوانی خۆی بۆ ڕاگەیەنراوەکەی دوێنێی مەکتەبی سیاسی دەربڕی، کە بەرجەستەکردنی کردارەکی بڕیاری کۆبونەوەکانی پێشووی ئەنجومەنی سەرکردایەتیە بۆ چارەسەرکردنی کێشەکان و بەدیهێنانی خواستەکانی گەلی کوردستان لە هەرێم و بەغداو #کەرکووک# لەپێناوی پابەندبوون بە ناوەرۆکی ڕێکەوتنە ئیمزاکراوەکانی نێوان یەکێتیی نیشتمانیی کوردستان و #پارتی دیموکراتی کوردستان#، بەمەبەستی جێبەجێ کردنیان.
کۆبونەوەی ئەنجومەنی سەرکردایەتی دۆخی سیاسی و ئەمنی و ئیداری ناوچە کوردستانیە دابرێنراوەکان (کەرکووک، #خانەقین#، دووز، شەنگال، مەخمور)ی هەڵسەنگاند، هەماهەنگی و تەبایی لایەنە سیاسیەکانی کوردستان بەتایبەتی یەکێتی و پارتی بەپێویستیەکی قۆناغەکە زانی بۆ ئاسایی کردنەوەی دۆخی ئەو ناوچانە و ڕووبەرووبونەوەی مەترسیەکانی تیرۆرو ڕێگەگرتن لە هەوڵەکان بۆ سەرلەنوێ شێواندنی واقعیی دیمۆگرافی ناوچەکە.
لەدوا تەوەری کۆبونەوەکەدا، ئەنجومەنی سەرکردایەتی بەهەستیارییەوە پێشهات و گۆڕانکارییەکانی ناوچەکە و توندبوونەوەی ناکۆکیەکانی تاوتوێ کرد و جەختیکردەوە، بژاردەی گفتوگۆ باشترین ڕێگاچارەیە و ناوچەکە لەشەڕی وێرانکەر دووردەخاتەوە، هەروەک سیاسەتی هاوسەنگی دامەزراوە دەستوری و فەرمیەکانی هەرێمی کوردستان و یەکهەڵوێستی لایەنەکانی کوردستان لەروانگەی پاراستنی بەرژەوەندییە باڵاکانی گەلی کوردستانەوە بەگرنگزانی.
ئەنجومەنی سەرکردایەتی
یەکێتیی نیشتمانیی کوردستان
#29-05-2019#