باشووری کوردستان
- سەنتەری ڕاگەياندنی ئەمنی، ئەمڕۆ ڕايگەياند: مەفرەزەکانی بەڕێوەبەرايەتی هەواڵگری و دژەتيرۆری سەر بە هەواڵگری و لێکۆڵينەوەی فيدراڵی لە کەرکووککەرکووک مەفرەزەيەکی چوار کەسيی داعشداعشيان دەسگيرکردوە کە يەکێکيان ژنە.[1][2]
- بڕیاربوو کاتژمێر 11:00ی پێشنیوەڕی ئەمڕۆ، بەرەی نیشتمانیی دژی داگیرکاریی لە باخچەی نالیی شاری سلێمانیسلێمانی، کۆنگرەیەکی ڕۆژنامەنووسیی بۆ پشتیوانیی ڕاپەڕینەکەی ڕۆژی 26ی ئەم مانگەی خەڵکی شارەدێی شیلادزێشیلادزێ و دەوروبەری دژ بە بارەگاکانی سوپای تورک ئەنجام بدەن، بەڵام هێزێکی ئاسایش لە باخچەکە کۆکراونەتەوە و ڕێگرییان لە ئەنجامدانی کۆنگرە ڕۆژنامەنووسییەکە کرد.[3]
- هەردوو حکومەتی هەرێم و عێراق ڕێککەوتن لەسەر پێکهێنانی لیژنەیەک بۆ قەرەبووکردنەوەی قوربانیانی دەستی تیرۆر.[1]
- بەئامادەبوونی بنەماڵەی شەهیدان و کۆمێتەی خانەوادەی شەهیدانی پەکەکەپەکەکە لە باشووری کوردستان و هەروەها تەڤگەری ئازادیی کۆمەڵگەی کوردستانتەڤگەری ئازادیی کۆمەڵگەی کوردستان و نوێنەرایەتیی کەمپی شەهید ڕۆستەم جودی، پرسەی گەریلای شەهید عەبدولباس ئەحمەد لە شارۆچکەی چوارقوڕنە بەڕێوەچوو.[4]
- لە شاری سۆران مەراسیمێکی تایبەت بە بۆنەی ساڵیادی ئازادکردنی کۆبانێکۆبانێی ڕۆژئاوای کوردستان ئەنجامدرا و هەر لە مەراسیمەکەدا یادی یەکەم شەهیدی پێشمەرگە زێڕەڤان ئەکرەم لە کۆبانێی ڕۆژئاوایی کوردستان کرایەوە.[4]
- ڕاگەیاندنی نەخۆشخانەی لەدایکبون و منداڵانی شارۆچکەی سۆرانسۆران ڕایگەیاندوە: شەوی ڕابردوو ژنێکی دووگیان سەردانی نەخۆشخانەی کردووە بەمەبەستی دەرهێنانی کۆرپەکەی لە سکی، کاتێک منداڵەکە لەدایک دەبێت دەردەکەوێت کە شێوەی منداڵەکە وەک ماسی وایە و تەنها یەک قاچیشی هەیە. ئاماژە بەوەشکراوە: منداڵەکە بە شێوەیەکی سروشتی لەدایکبووە و دوای یەک کاتژمێر مانەوە هەر لە نەخۆشخانە گیانی لەدەستدا.[1]
- بەڕێوەبەری ڕێگا وبانی کۆیەکۆیە ڕایگەیاند، هاتووچۆی ئۆتۆمبێل بە ڕێگای سماقوڵیسماقوڵیدا ئاسایی بووەتەوە، ئەمەش دوای ئەوەی لە دوو ڕۆژی ڕابردوودا بەهۆی بەرزبوونەوەی ئاوی بەنداوی جەلی ئاستەنگ بۆ هاتووچۆی ئۆتۆمبێل لەو ڕێگایەدا دروست ببوو.[2]
- فڕۆکەجەنگییەکانی سوپای تورک بۆردومانی دەوروبەری ئاوی زێ-ی ناوچەی زێ و گردی هەقاریی سەر بە ناوچەی مەتینان-یان کرد لە هەرێمەکانی پاراستنی مەدیا.[4]
- کۆمەڵێک لە ژنانی وارگەی شەهید ڕۆستەم جوودی لە مەخموور، دژی گۆشەگیریی تووندی سەر ڕێبەری گەلی کورد عەبدوڵا ئۆجالان ئەمڕۆ لە بەردەم نوێنەرایەتیی نەتەوە یەکگرتووەکاننەتەوە یەکگرتووەکان لە شاری هەولێر دەستیان بە مانگرتن لە خواردن کرد.[4]
- بەرێوەبەری گومرگی کەرکووک – هەولێرهەولێر و ژمارەیەک لە فەرمانبەرانی گومرکەکە لە لایەن دەستەی دەستپاکی عێراقەوە بە تۆمەتی کەمکردنەوەی باج بۆ ئامێری کشتوکاڵی دەستگیرکران.[3]
دەرەوەی کوردستان
- باڵیۆزی عێراق لە هۆڵەندا بەهۆی دانانی ئاڵای کوردستانئاڵای کوردستان لەنێو هۆڵی کۆنفرانس، بەشداری لە کۆنفرانسی هاوبەشی خۆراک و کشتوکاڵی نێوان عێراق و هۆڵەندای نەکرد.[2]
- جۆن کەنەدی، سیناتۆری ئەمریکا ڕەشنووسی یاسایەکی پێشکەشی کۆنگرێسی وڵاتەکەی کردووە، جەخت لە سەر بەکارهێنانی هێز لەپێناو پاراستنی کوردانی ڕۆژئاوای کوردستان دەکاتەوە، ئەوەش بۆ بەهێزکردنی ئاسایشی ئەمریکا لە ڕۆژهەڵاتی ناوەڕاست.[2]
-لە لێدوانێکی پۆلیسی ئەڵمانیا، کە بۆ ئاژانسە ئەڵمانییەکانی داوە هاتووە، دوای یەک مانگ چاودێری پۆلیس، سەرلەبەیانی ئەمڕۆ لە شاری شلسویگ-هۆڵشتاین، سێ کەس پێش پێکانی ئامانجەکەیان، دەستگیر کراون. هەروەها ئەوەش هاتووە کە دوانیان تەمەنیان 23 ساڵە بەناوەکانی شاهین و هێرش (کوردی باشوورن)، سێیەمیشیان تەمەنی 36 ساڵە، هاوکات ئەوەش ڕاگەیاندراوە، کە سەربە گرووپە ئیسلامییەکانن.[3]

30-01-201930-01-2019