باشووری کوردستان
- شەوی ڕابردوو دوای ئەوەی داعشداعش دەغڵودانی جوتیارانی سنوری گوندی حەوتەغاریان سوتاند، لەکاتی چوونی هاووڵاتیانی گوندەکە بۆ کوژاندنەوەی ئاگرەکە، کەوتوونەتە بۆسەیەکی داعشەوه و ژمارەیەک هاووڵاتی شەهیدو بریندارکردوە. ئه و کەسەی شەهید بووە پیشەی پێشمەرگەیە ناوی هەردی سامان محەمەدهەردی سامان محەمەدە و تەمەنی 28 ساڵانە.[1]
- ژمارەیەک تەقینەوە لە کەرکووک ڕوویدا و 3 کوژرا و زۆرتر لە 10 برینداری لێکەوتەوە.[4]
- شەوی ڕابردو پێشمەرگەکانی کۆمەڵەی زەحمەتکێشانی کوردستان و کۆمەڵەی شۆرشگێری زەحمەتکێشانی کوردستانی ئێران لە گوندی زڕگوێززڕگوێزی سەر پە پارێزگای سلێمانیسلێمانی ڕوبەروی یەکتر دەبنەوە، پاشان ئاساییشی دەکەوێتە نێوانیانەوە و بارودۆخەکە کۆنتڕۆڵ دەکەن.[4]
- شەوی ڕابردوو کاتژمێر 12:00 فڕۆکە جەنگییەکانی سوپای تورک دەوروبەری گوندی سێگرێ-یان لە سنووری پارێزگای دهۆکدهۆک بۆردوومان کردووە.[3]
- شاسوار عەبدولواحیدشاسوار عەبدولواحید سەرۆکی جوڵانەوەی نەوەی نوێنەوەی نوێ بەکەفالەت ئازاد کرا.[4]
دەرەوەی کوردستان
- لە کۆنفرانسێکی ڕۆژنامەڤانیدا کە عەلی شێر سولۆمولۆڤ، باڵیۆزی گشتی ئۆزبەکستان لە ئیمارات و بەرپرسانی یەپەگەیەپەگە ئامادەبوون، کەمال عاکیف، گوتەبێژی پەیوەندییەکانی دەرەوە لە بەڕێوەبەرایەتیی خۆسەری باکوور و ڕۆژهەڵاتی سووریا ڕایگەیاند 148 ژن و منداڵی چەکدارانی داعش، کە لە کەمپی هۆڵ بوون و لە ئۆپەراسیۆنی باهۆزی جزیرە دەستگیرکرابوون، ڕادەستی حکومەتی ئۆزبەکستان دەکرێنەوە.[2]
- دیمتری بیسکۆف وتەبێژی سەرۆکایەتی ڕوسیا ئەمڕۆ، لە لێدوانێکی ڕۆژنامەنووسیدا ڕایگەیاند: ڕادەستکردنی سیستمی موشەکیی ئێس 400 بە تورکیا، به و میکانیزمە دەبێت کە پلانی بۆ داڕێژراوە، بەڵام لەسەر داوای ئەنکەرە لەماوەیەکی نزیکتردا ڕادەست دەکرێت و هیچ دواکەوتنێک لە پرۆسەکەدا نابێت.[1]

پرسە و سەرەخۆشیی قووڵمان لە خانەوادە و کەسوکاری شەهیدانی تەقینەوە تیرۆرستییەکانی ئەمشەوی کەرکووککەرکووک دەکەین و لەم کاتە سەخت و بەئازارەدا هاوسۆز و هاوخەمیانین. هیوای سەلامەتی و زووچاکبوونەوە بۆ برینداران و بەرکەوتووان دەخوازین. هەموو دامەزراوە پزیشکییەکانی هەرێمی کوردستان کراوە و ئامادەی پێشکەشکردنی هەموو هاوکارییەکن.
لە کاتێکدا بە توندی سەرکۆنەی ئەم تاوانکارییە ترسنۆکانە دەکەین، داواکارین لایەنە پەیوەندارەکان تیرۆرستان بدۆزنەوە و بە سزای یاساییان بگەیەنن.
بەردەوامی و فراوانبوونی کارە تیرۆرستییەکان لە ناوچەکانی کەرکووک و دەوروبەری، ئاماژەی ترسناکی کارابوونەی تیرۆر و هەوڵی ئاڵۆزکردنی دۆخی ئه و ناوچانەن، ڕووبەڕووبوونەوەی ئه و هەوڵە تیرۆرستییانە پێویستی بە هاوکاری و هەماهەنگیی زیاتری لایەنە پەیوەندارەکانی حکومەتی فیدراڵی عێراق و هەرێمی کوردستان هەیە، هەردوولا دەبێ بە جددی کاری لەسەر بکەن.
دڵمان لای کەسوکاری شەهیدان و قوربانییانە و خوای مەزن سەبووری و دڵنەوایییان بداتەوە.
نێچیرڤان بارزانینێچیرڤان بارزانی
سەرۆکی هەڵبژێردراوی هەرێمی کوردستان
30-05-201930-05-2019

بەناوی خودای بەخشندەو میهرەبان
بە داخێکی زۆرەوە لە شەوی پێنج شەممە 30ی 5ی 2019 لە ئەنجامی زنجیرە تەقینەوەیەکی تیرۆریستی لە شاری کەرکووککەرکووک ژمارەیەک هاووڵاتی شەهید و ژمارەیەکی تر بریندار بوون. وێڕای ئەوەی زۆر بە توندی ئیدانەی ئەو کردەوە تیرۆریستیانە دەکەین، سەرەخۆشییش لە کەسوکاری قوربانیانی ئەو ڕووداوە تیرۆریستییانە دەکەین و هیوای چاکبوونەوە بۆ بریندارەکان دەخوازین. داواش لە حکوومەتی عێراقی دەکەین بە زووترین کات ئەنجامدەرانی ئەو تاوانانە ئاشکرا بکرێن و بە سزای خۆیان بگەیێندرێن.
ئامانجی تیرۆر تێکدانی پێکەوەژیانی پێکهاتەکانی کەرکووکە و مەترسییەکی گەورەیە لەسەر ژیانی هاووڵاتیان و ئاسوودەیی خەڵک. بۆ ڕووبەڕووبوونەوەی هەڕەشەی تیرۆریش بە تایبەت لە شاری کەرکووک پێویستە کاری هاوبەش و هەماهەنگیی تەواو لەنێوان هێزی پێشمەرگە و دامودەزگاکانی هەرێم و حکوومەتی عێراق هەبێت. ئەوەیش لەپێناو بنبڕکردنی هەڕەشەی تیرۆر و پاراستنی پێکهاتەکان و گەڕاندنەوەی کەرکووک بۆ دۆخی ئاسایی خۆی.
مەسعود بارزانیمەسعود بارزانی
31-05-201931-05-2019

‎زۆر بەداخەوە ئێوارەی ئەمڕۆ زنجیرەیەک تەقینەوە شاری کەرکووککەرکووکی هەژاند، وێڕای ئیدانەکردنی توندی ئەم کردەوە تیرۆرستیانە پرسه و سەرەخۆشی خۆمان ئاراستەی کەسوکاری شەهیدانی ئەم کردەوە تیرۆرستیانە دەکەین و هیوای زوو چاکبوونەوە بۆ بریندارانیش دەخوازین.
‎ئەرکە لەسەر حکومەتی عێراقی و دامودەزگا ئەمنیەکانی کەرکووک بەزووترین کات بکەرانی ئەم کردەوە تیرۆرستیانە بدۆزنەوە و بەسزای یاسایی خۆیان بگەیەنن، ئەم کردەوە تیرۆرستیانە ڕێگری سەرەکین لە پێکەوەژیانی ئاشتیانەی نێوان لایەنەکان و دەبنە بەربەست لەبەردەم ئاسایی بوونەوەی دۆخی شارەکە.
‎لێرەوە داوا لە لایەنە سیاسییەکان دەکەم هەموومان پێکەوە لەپێناو پاراستنی ژیانی هاووڵاتیان و ئاسایی بوونەوەی دۆخی ناوچەکە هەوڵەکانمان بخەینەگەڕ بۆ ئاسایی کردنەوەی دۆخی کەرکووک و ناوچە کوردستانییەکانی تر بە جۆرێک هەماهەنگی و هاوبەشی تەواو هەبێ لەنێوان هێزەکانی پێشمەرگه و ئاسایش و هێزە ئەمنییەکانی هەرێم و سوپای عێراق.
‎کۆسرەت ڕەسول عەلی‎کۆسرەت ڕەسول عەلی
‎جێگری سکرتێری گشتی
‎یەکێتی نیشتمانی کوردستان
30-05-201930-05-2019