[1]

سەڵاحەدین بەهادینسەڵاحەدین بەهادین ئەمینداری گشتی یەکگرتووی ئیسلامیی کوردستانیەکگرتووی ئیسلامیی کوردستان پەیوەندییەکی تەلەفۆنی لەگەڵ بەڕێز بافڵ تاڵەبانیبافڵ تاڵەبانی سەرۆکی یەکێتیی نیشتیمانیی کوردستانیەکێتیی نیشتیمانیی کوردستان ئەنجامدا و پیرۆزبایی 48 ساڵەی دامەزراندنی یەکێتی ئاڕاستەکردن.

لەو پەیوەندیە تەلەفونیەدا، بەڕێز ئەمینداری گشتی یەکگرتوو هیوای خواست یەکێتی نیشتیمانی کوردستان وەک حزبێکی خاوەن مێژوو بەردەوام بێت لە خەباتی مەدەنی و سیاسی بۆ پێشخستنی زیاتری سیستەمی حوکمڕانی و هاوشان لەگەڵ حزب و لایەنەکانی تری گۆڕەپانی سیاسی هەرێم پێکەوە کار بکەن بۆ چارەسەرکردنی کێشەکانی ناو پرۆسەی سیاسی و لابردنی هەموو لەمپەرەکانی بەردەم ئەنجامدانی هەڵبژاردنی پەرلەمانی کوردستان.

لە لایەن خۆیەوە، بەڕێز بافڵ تاڵەبانی وێڕای دەربرینی سوپاس بۆ ئەو پەیوەندییە تەلەفۆنییە ، جەختی کردەوە لەسەر درێژەدان بە کاری پێکەوەیی نێوان لایەنە کاریگەرەکان بە مەبەستی بەرقەراربوونی پرۆسەی سیاسی لەسەر بناغەیەکی پتەوی هاوبەش. [1]
تێبینی: ئەم بەڵگەنامەیە کێشەی ڕێنووس و ڕێزمانیی هەیە، کوردیپێدیا بەمەبەست هیچ دەستکارییەکی نەکردووە!

بەڕێزان: سەرۆک و ئەندامانی سەرکردایەتی یەکێتیی نیشتیمانیی کوردستان
بەبۆنەی (48) ەمین ساڵیادی دامەزراندنی یەکێتی نیشتیمانی کوردستان، پیرۆزبایی لە ئێوەی بەڕێز و تەواوی ئەندام و لایەنگرانتان دەکەین.

‎لە کاتێکدا ئەم ساڵیادە دەکرێتەوە پێشهات و ئاڵنگاریی نوێی سیاسیی و ئابوریی و یاسایی چ لەسەر ئاستی ناوخۆ چ لەسەر ئاستی عیراق ڕووبەڕووی میللەتەکەمان و هەرێمی کوردستان بوەتەوە، ئەم ئاڵنگارییانە هۆکارێکی مەترسیدارن لەسەر ژیان و گوزەرانی هاونیشتمانیان و قەوارەی هەرێمی کوردستان، هیواخوازین هەموو هێزە سیاسییەکان بە بەرپرسیارێتیی نیشتیمانیی لە پێناو بەرژەوەندییەکانی هاونیشتمانیان به ‌دیالۆگ و تێگەیشتنی سیاسی کار بۆ چارەسەرکردنی گرفتەکان بکەن و بەرژەوەندیە باڵاکانی میللەتەکەمان کاری لە پێشینەبێت.

لەم بۆنەیەدا؛ هەڵوێستی بزووتنەوەی گۆڕانبزووتنەوەی گۆڕان دوپات دەکەینەوە لە یەکڕیزی و پێکەوە کارکردن لەسەر بنەمای وەڵامدانەوەی پێداویستی خەڵک و دۆزینەوەی دەرچەیەک بۆ چارەسەری ناکۆکیەکان و دورخستنەوەی مەترسییەکان. [1]
هەر شاد و سەرکەوتووبن
تێبینی: ئەم بەڵگەنامەیە کێشەی ڕێنووس و ڕێزمانیی هەیە، کوردیپێدیا بەمەبەست هیچ دەستکارییەکی نەکردووە!

لە چل و هەشتەمین ساڵیادى دامەزراندنى یەکێتى نیشتیمانى کوردستاندا، جارێکى تر و بە ڕووحیەتێکى یەکێتییانەوە وەفا بۆ تەمەنێک خزمەتى سەرۆک مام جەلال دووپات دەکەینەوە و درود دەنێرینەوە بۆ ڕووحى بەرزەفڕى سەرجەم شەهیدان. سڵاو دەنێرین بۆ سەرجەم هاوڕێ و هاوخەباتمان بە درێژایی کاروانى ئەم حیزبە، لە هەمان کاتدا درود بۆ گیانى پاکى سەرجەم ئەو هەڤاڵانەى لەم ڕێگایەدا بەجێیان هێشتین.

یەکێتى نیشتیمانى کوردستان، لەسەرەتاوە تاکو ئێستا، حیزبی گەلى کوردستان بووە، حیزبی کرێکار و جوتیار و پاڵە و ڕەنجدەران بووە، حیزبی مامۆستا و خوێندکار و کارمەند و پیشەگەر و ...هتد، حیزبی هەموو چین و توێژەکان بووە، حیزبی قوربانى و ئاشتەوایی بووە، هەموو کات یەکێتى لە پێناوى یەکێتیدا بووە و قوربانى گەورەى داوە تاکو یەکێتى نەتەوەیی و نیشتیمانى بپارێزێت. بە ئێستاشەوە یەکێتى لەسەر ئەو ڕێرەوە زێڕینەى جەنابی مام بە هەمان نەفەس و بە هەمان تاقەتەوە بەردەوامە و کۆڵ نادات.

لەم یادەدا، جارێکى تر بەڵێن دوپات دەکەینەوە، کە یەکێتى بپارێزین لە پێناو پاراستنى خاک و نەتەوە و نیشتیمانەکەمان.
بەرز و شکۆدار بێت یادى دامەزراندنى حیزبی هەمووان. [1]
تێبینی: ئەم بەڵگەنامەیە کێشەی ڕێنووس و ڕێزمانیی هەیە، کوردیپێدیا بەمەبەست هیچ دەستکارییەکی نەکردووە!

یەکێتی خاوەنی ڕ‌ێبازێکی زیندوو و کاریگەر و چارەسازە
بەڕ‌ێزان..
بافڵ تاڵەبانیبافڵ تاڵەبانی سەرۆکی یەکێتیی نیشتمانیی کوردستانیەکێتیی نیشتمانیی کوردستان
ئەندامانی مەکتەبی سیاسی و ئەنجومەنی سەرکردایەتی
بەبۆنەی 48 هەمین ساڵیادی دامەزراندنی یەکێتیی نیشتمانیی کوردستانەوە‌ گەرمترین پیرۆزبایی خۆمان ئاڕ‌استەی ئێوەی ئازیز و سەرجەم کادر و ئەندام و لایەنگرانی دەکەین و هاوکات سڵاو دەنێرین بۆ گیانی پاکی شەهیدانی کورد و کوردستان و گیانی رەوانشاد سەرۆک مام جەلال.
یەکێتیی نیشتمانیی کوردستان حزبێکی خاوەنی ڕ‌ێبازێکی نەتەوەیی و نیشتمانی پاک و زیندووە، هەر لە سەرەتای دامەزراندنی یەکێتی تا ئەمڕ‌ۆ هەمیشە لەناو ئه و حزبەدا بیروڕ‌ای جیاواز هەبووە و چەتری کۆکەرەوەی ڕ‌ەخنەکان بووە.
یەکێتی خاوەنی ڕ‌ووبارێک خوێن و هەزاران شەهیدە، کە زیاتر لە 26 هەزار شەهیدە و زۆرینەی شەهیدەکانیشی فەرماندە و سەرکردەکانیەتی و لە بەر ئەوەش بە حزبی شەهیدانی ناساندوە.
لە ڕ‌اپەڕ‌ینە مەزنەکەی کورد بۆ ئازادی کوردستان یەکێتی داڕ‌ێژەر و دەستپێشخەر بووە و لە ئێستاشدا هێزێکی کاریگەر و بەهێزە و خاوەن ئیرادەیە لەسەر ئاستی کوردستان.
باوەڕ‌مان وایە کە یەکێتیی نیشتمانیی کوردستان خاوەنی هێزی چارەسەرییە بۆ دۆخی ئێستای کوردستان و دەتوانێت کێشە سەختەکان چارەسەر بکات بە تایبەتی بەپێی ڕ‌ێبازی چەپکە گوڵەکەی سەرۆک مام جەلال.
پێشمانوایە یەکێتی دەتوانێت خزمەتی هەموو چین و توێژێکی کۆمەڵگا بکات بەبێ جیاوازی.
دووبارە ساڵیادی 48 هەمین دامەزراندنی یەکێتی لە هەموو لایەک پیرۆز بێت. [1]

ئەنجومەنی پەنابەرانی کوردانی ڕ‌ۆژئاوا-سوریا
تێبینی: ئەم بەڵگەنامەیە کێشەی ڕێنووس و ڕێزمانیی هەیە، کوردیپێدیا بەمەبەست هیچ دەستکارییەکی نەکردووە!

یەکێتیی نیشتمانیی کوردستانیەکێتیی نیشتمانیی کوردستان ئەو هێزەی دڕی بە شەوە زەنگی تاریکی داو ئومێدی گەڕاندەوە بۆ میللەتێکی بێ ئومێد کراو، شۆڕشی هەڵگیرساندەوە، تروسکایی ئومێد و هیوای بەخشیەوە بەکورد و کوردستان.
هەمیشە یەکێتیی نیشتمانیی کوردستان حزبی شۆڕشگێڕان و تێکۆشەران و کەسوکاری سەربەرزی شەهیدان و هەموو کوردستانیان بووە و شانازی دوێنێ و ئومێدی ئەمڕۆ و داهاتووە.

ئەمڕۆ لە (48) ەمین ساڵیادی دامەزراندنی یەکێتیی نیشتمانیی کوردستان لە هەولێرهەولێری سەربەرز و لانکەی قارەمانان و جوامێران، بەوپەڕی شانازییەوە لەگەڵ هەڤاڵانم لە خزمەت میوانانی ئەم یادە پیرۆزە بووین، بە هەمووانمان گوت و دەیڵێینەوە ئەوپەڕی شانازییە ئەمڕۆ هەڵگری ئەو مەشخەڵە گەشەی یەکێتیی نیشتمانیی کوردستانین و درێژەپێدەری کاروانی شەهیدان و ڕێگای خەباتی سەرکردەکانمان دەبین و خەبات دەکەین لەپێناو ئایندەیەکی گەشتر بۆ میللەتەکەمان. [1]

دەرباز کۆسرەت ڕەسوڵدەرباز کۆسرەت ڕەسوڵ
کارگێڕی مەکتەبی سیاسی
یەکێتیی نیشتمانیی کوردستان
تێبینی: ئەم بەڵگەنامەیە کێشەی ڕێنووس و ڕێزمانیی هەیە، کوردیپێدیا بەمەبەست هیچ دەستکارییەکی نەکردووە!

لێپرسراوی مەڵبەندی خانەقینی ی.ن.ک لە 48 هەمین ساڵیادی دامەزراندنی یەکێتیی نیشتمانیی کوردستانیەکێتیی نیشتمانیی کوردستان –دا، پیرۆزبایی لە خانەوادەی سەربەرزی شەهیدان و سەرجەم کادیر و ئەندام و تەواوی کۆمەڵانی خەڵکی کوردستان بەتایبەت شاری خانەقینخانەقین و ناوچەکانی دەوروبەری دەکەم، کە هەمیشە لە کۆڕبەندی خەباتی کوردایەتی و ڕێڕەوی ئاسۆی ماندوونەناسانەدا پێشەنگ بوون.

لەم یاد و کاتە پیرۆزەدا سەری ڕێز لە ئاست خوێن بەخشینی شەهیداندا دادەنوێنم و دووپاتی دەکەینەوە، یەکێتی وەک هەمیشە لە بەغدا و کوردستان لەسەر شاڕێگەی خزمەت بە خەڵک و لەپێناو خەڵکدا بەردەوام دەبێت ، و گەرم و گوڕتر و بەبەرنامەی نوێ وە بەرگری لە مافەڕەواکان دەکات.
شکۆدارتر، درێژە بە ڕێبازە پیرۆزەکەی سەرۆک مام جەلال دەدەین و بەجۆشتر و تامەزرۆیانە بەردەوام دەبین، و بەرز و پیرۆزبێت یادی جەژنی لەدایک بوونی حزبی شەهیدان. [1]

شێرکۆ میروەیس
لێپرسراوی مەڵبەندی خانەقینی ی.ن.ک
تێبینی: ئەم بەڵگەنامەیە کێشەی ڕێنووس و ڕێزمانیی هەیە، کوردیپێدیا بەمەبەست هیچ دەستکارییەکی نەکردووە!

محەمەدی حاجی مەحمودمحەمەدی حاجی مەحمود سکرتێری حزبی سۆسیال دیموکراتی کوردستان بەبۆنەی ساڵیادی دامەزراندنی یەکێتیی نیشتمانیی کوردستانیەکێتیی نیشتمانیی کوردستان پەیامێکی پیرۆزبایی ئاڕاستە یەکێتی کردووە و ڕایگەیاندووە: ڕۆڵی یەکێتیی نیشتمانیی کوردستان لە مێژووی تێکۆشانی گەلەکەماندا بەرچاو و دیارە بۆ هێنانەکایەی مافە ڕەواکانی میللەتەکەمان و دروستکردنی دامەزراوە حکومی و یاساییەکان. [1]

تێبینی: ئەم بەڵگەنامەیە کێشەی ڕێنووس و ڕێزمانیی هەیە، کوردیپێدیا بەمەبەست هیچ دەستکارییەکی نەکردووە!

بەبۆنەی یادی 48 ساڵەی دامەزراندنی یەکێتیی نیشتمانیی کوردستانیەکێتیی نیشتمانیی کوردستان، ئارام قادرئارام قادر، سەرۆکی هاوپەیمانی نیشتمانیی پیرۆزبایی لە سەرۆکی یەکێتیی نیشتمانیی کوردستان و ئەندامانی مەکتەبی سیاسیی و هەڤاڵانی یەکێتیی دەکات .
لە پەیامەکەی سەرۆکی هاوپەیمانی نیشتمانیدا هاتووە: دۆستان و ھەڤاڵانی یەکێتی نیشتیمانی کوردستان ئێمە وەکو ھاوپەیمانی نیشتمانی بەبۆنەی (48) ساڵەی دامەزراندنی حیزبەکەتانەوە گەرمترین و جوانترین پیرۆزباییتان ئاڕاستە دەکەین ، بێگومان یەکێتی نیشتیمانی کوردستان ھەر لە سەرەتای دامەزراندنیەوە حیزبێکی شۆڕشگێڕ و خەباتکار و کاریگەربووە لە شۆڕشی نوێی ڕزگاریخوازی کوردستان.
سەرۆکی هاوپەیمانی نیشتمانی دەشڵێت: یەکێتی حیزبێکی بەھێزە و ڕۆڵ و کاریگەری لە گۆڕەپانی سیاسی کوردستان و عێراقداھەیە، ھیوادارین ڕۆڵی زیاتر لە سەقامگیری و چارەسەری کێشەکانی ھەرێمی کوردستاندا بگێڕن بۆپێکەوە کارکردن و تەبایی ناوماڵی کورد. [1]

تێبینی: ئەم بەڵگەنامەیە کێشەی ڕێنووس و ڕێزمانیی هەیە، کوردیپێدیا بەمەبەست هیچ دەستکارییەکی نەکردووە!

ئاراس حەبیب کەریم سەرۆکی کۆنگرەی نیشتمانی عیراقی بە بۆنەی ساڵیادی دامەزراندنی یەکێتیی نیشتمانیی کوردستانیەکێتیی نیشتمانیی کوردستان، پەیامێکی پیرۆزبایی ئاراستەی بافڵ تاڵەبانیبافڵ تاڵەبانی سەرۆکی یەکێتیی نیشتمانیی کوردستان و سەرکردایەتی و ئەندامانی یەکێتی کرد.
هەر لەو چوارچێوەیەدا ئاراس حەبیب کەریم، ڕایگەیاند: بە ناوی خۆی و کۆنگرەی نیشتمانی عیراقەوە، پیرۆزبایی یادی دامەزراندنی حزبە شۆڕشگێڕەکەی یەکێتی دەکات و هیوای سەرکەوتن و پێشکەوتنیان بۆ دەخوازێت.
هاوکات هەڵوێست و هەوڵە سیاسییەکانی یەکێتی لە بەرامبەر بەرنگاربوونەوەی حکومەتی دیکتاتۆری و کارکردن بۆ دامەزراندنی عیراقێکی دیموکرات و فیدراڵ بەرز نرخاند.
هەروەها وتیشی ناکرێت هەوڵەکانی سەرۆک مام جەلال و بیرۆکە مەزنەکانی بۆ یەکڕیزی نیشتمانی لەیادبکەین.
لە درێژەی قسەکانیدا، ئاراس حەبیب کەریم ڕایگەیاند: هیواخوازین ڕوانینی سەرۆک مام جەلال بۆ دامەزراندنی ڕێگەیەکی دیموکراسیانە لە بەڕێوەبردنی حکومەتدا، لەناو یەکێتیدا بەردەوام بێت. [1]

تێبینی: ئەم بەڵگەنامەیە کێشەی ڕێنووس و ڕێزمانیی هەیە، کوردیپێدیا بەمەبەست هیچ دەستکارییەکی نەکردووە!