$باکووری کوردستان$
- هاوسەرۆکایەتیی کۆنسەی بەڕێوبەریی #کەجەکە# پیرۆزبایی لە د.#بەرهەم ساڵح# دەکات بەبۆنەی هەڵبژاردنی بە سەرۆک کۆماری عێراق و هیوا دەخوازێت، کە هۆشیاریی سیاسیی بەرهەم ساڵح گەمارۆی ئتنیکی، ئاینی و مەزهەبی لەسەر گەلانی عێراق لاببات و ژیانێکی دیموکرات دروست بکات.[4]=KTML_Quote_Begin==KTML_Style=width:32%;float:right;=KTML_Quote_Icon=📌=KTML_Quote_Content==KTML_Red=لە باتمان 7 سەربازی تورک کوژران، چەندینیش برینداربوون!=KTML_End==KTML_Quote_End=
- لە کاتی تێپەڕینی ئۆتۆمبێلێکی زرێپۆش بۆ بەشداریکردن لە ئۆپراسیۆنی سوپای تورکیا لە ناوچەی کەرجەوس لە پارێزگای ئێلح (#باتمان#) تەقینەوەیەکی بەهێز ڕوویداوە. بەپێی میدیاکانی تورکیا لەو تەقینەوەیەدا 4 سەرباز کوژراون و 5 سەربازی تریش بریندار بوون. سەربازە کوژراو و بریندارەکان بە کۆپتەر لە شوێنی تەقینەوەکە گواستراونەتەوە بۆ نەخۆشخانە.[1] هەندێک سەرچاوە باس لە کوژرانی 7 سەرباز دەکات.[3][2]
- دانیشتنێکی دیکەی دادگەیی کردنی #پەروین بوڵدان# هاوسەرۆکی گشتیی #هەدەپە# بە تۆمەتی (ئەندامەتیی ڕێکخراوی تێرۆریستیی چەکداری) لە هەژدەمین دادگەی سزاقورسەکانی ئەنقەرە بەڕێوەچوو. دادوەر نەجاتی کایاکۆزو ئەم داواکارییەی ڕەتکردەوە. سەرۆکی دادگە بڕیاری دا کە هاوسەرۆکی گشتیی هەدەپە بەزۆر بەشداری پێبکرێت لە دانیشتنی دادگەدا و دانیشتنەکەشی دواخست.[1]
- دانیشتنێکی دیکەی نۆزدەمین دادگەی سزا قورسەکانی ئەنقەرە دەربارەی دۆسیەی #سەڵاحەدین دەمیرتاش# هاوسەرۆکی پێشووتری هەدەپە بەڕێوەچوو. لە دانیشتنەکەی ئەمڕۆدا بڕیار درا کە دەمیرتاش ئازاد نەکرێت و لە زینداندا بمێنێتەوە. بڕیاریشە دانیشتنی داهاتووی دادگە لە 12-14ی کانوونی یەکەمی 2018 بەڕێوەبچێت.[1]
$رۆژهەڵاتی کوردستان$
- فەرهاد ساڵحی بەڕێوەبەری کاناڵی سەلام پاوە و موزەفەر وەلەد بەیگی بەڕێوبەری کەناڵی دەنگی نوریار، بە هۆی ڕووماڵکردنی هەواڵی کوژراونی کۆڵبەری کورد عەزیم ئەحمەدی لەو دوو کاناڵە تێلێگرامییە بووەتە هۆی بانگهێشت کرانیان بۆ ئیدارەی ئیتلاعات.[7]
- هێزە ئیتلاعاتییەکان هێرشیان کردە سەر ماڵی هاووڵاتییەکی کورد بە ناوی عوسمان زەبرە خەڵکی تاچینئاوای شاری #شنۆ# و پاش پشکنینی ماڵەکەی ناوبراویان دەسبەسەر کرد. لە لایەکی دیکەوە، هێزە ئیتلاعاتییەکانی سەر بە ئیدارەی ئیتلاعاتی شاری شنۆ لە ناوچەی دەشتەبێڵ هاووڵاتییەکی کوردیان بە ناوی ڕزگار مەعرووفی تەمەن 26 ساڵ کوڕی ئەحمەد دەسبەسەر و بۆ شوێنێکی نادیار ڕایانگواستووە.[7]
$باشووری کوردستان$
- #نێچیرڤان بارزانی#، لە کۆنفرانسێکی ڕۆژنامەڤانیدا ڕایگەیاند چوونی ئێمە بۆ بەغدا بۆ ئەوە بوو هەموو هەوڵێک بدەین یەکێتی ڕیزەکانی کورد بپارێزین. پرسی سەرۆککۆمار ئیستحقاقی گەلی کوردستانە نەک پارتی و یەکێتی، بە بۆچوونی ئێمە دەبوو ئەو پرسە لەناو فراکسیۆنە کوردستانییەکان لە بەغدا یەکلابکرێتەوە، کە پێشتریش ئەوە کرا نەک لایەنی دیکە بەربژێری کورد بۆ ئەو پۆستە دەستنیشانبکەن. نێچیرڤان بارزانی ڕاشیگەیاند ئەو هەنگاوە تاکلایەنەی یەکێتی زۆر جێگەی نیگەرانییە و دەستپێکێکی مەترسیدارە، کە ئەو پۆستە لە دەرەوەی ئیدارەی خەڵکی کوردستان دیاریکراوە. ئەوەی برادەرانی یەکێتی کردیان بۆ داهاتوو مەترسیدارە.[2]=KTML_Photo_Begin=https://www.kurdipedia.org/files/relatedfiles/2018/155150/0007.JPG=KTML_Photo_Alt=لە مانشێتەکانی ئەمڕۆ: 04-10-2018=KTML_Style=width:30%;height:20%;float:left;=KTML_Photo_Target_Link=https://www.kurdipedia.org/files/relatedfiles/2018/155150/0007.JPG=KTML_Photo_End=
- #ڕێبوار تاڵەبانی#، سەرۆکی ئەنجومەنی پارێزگای #کەرکووک# بەوەکالەت، عیرفان کەرکووکلی ئەندامی لیستی برایەتی لە ئەنجومەنی پارێزگا سەرپشککرد بۆ ڕاپەڕاندنی کارەکانی سەرۆکایەتی ئەنجومەن.[5]
- #عومەر کالۆ#، پێشکەشکاری تەلەڤزیۆنی ڕووداو دوای زیاتر لە مانگێک لە دەستگیرکردنی لەلایەن حکومەتی سووریاوە، ئەمڕۆ ئازادکرا.[2]
- دیار نەسرەدین جێگری سەرۆکی کۆمسیۆنی باڵای هەڵبژاردن و ڕاپرسی هەرێمی کوردستان ئاشکرایکردەکات کۆمسیۆن تاوتوێی سکاڵای بەشێک لە کارمەندەکانی دەکات کە لەکاتی ئەنجامدانی پرۆسەی هەڵبژاردنی پەرلەمانی کوردستاندا ئازاردراون یان هێرش کراوەتە سەریان.[5]
- لە ئاسمانی #هەڵەبجە#وە شتێکی هاوشیوەی مووشەک بیندراوە کە بە ئاراستەی #سلێمانی# هاوێژراوە، لە دوای خۆیەوە دووکەڵی بەجێ هێشتووە.[6]
- بەرێوبەرایەتی گشتی پۆیسی پارێزگای #هەولێر#، ئاگاداری هاوڵاتیانی شاری هەولێر دەکاتەوە کەوا لە کاتی ئاشکرا کردنی ئەنجامی هەڵبژاردندا، هەر کەسێک تەقەی خۆشی بکات یان چەکی بەدەستەوە بێت ڕێکاری یاسایی توندیان بەرامبەر دەگرنەبەر.[4]
$دەرەوەی کوردستان$
- بڕیارە #ئاراس شێخ جەنگی# وەک گەورە ڕاوێژکاری سەرکۆماری نوێی عێراق د. بەرهەم ساڵح دەستنیشانبکرێت.[5]
- #ڕەجەب تەیب ئەردۆغان# سەرۆک کۆماری تورکیا ڕایگەیاند، هێزەکانیان لە سوریا ناکشێننەوە تا ئەو کاتەی هەڵبژاردن لەو وڵاتە ئەنجامنەدرێت.[5]

ناوەندی ڕاگەیاندنی هێزەکانی پاراستنی گەل (هەپەگە) ڕاگەیەنراوێکی بڵاوکردەوە و ئاشکرای کرد، لە 28ی ئەیلوول\6ی ڕەزبەر سوپای تورکیا لە ناوچەی قلابان بە 10 هەزار سەرباز و جاش دەستی بە ئۆپەراسیۆن کردووە و دواتر بەبێ ئەنجام پاشەکشەی کردووە. هەپەگە ڕایگەیاند، (هێزەکانی داگیرکەر لە 3ی تشرینی یەکەم\11ی ڕەزبەر دەوروبەری گوندەکانی مەهرین، دریان و ڕژدێ-یان سووتاندووە و خۆیان لە ناوچەکە کشاندووەتەوە.)
دەقی ڕاگەیەنراوی هەپەگە:
(لە 28ی ئەیلوول\6ی ڕەزبەر سوپای تورکی داگیرکەر لە ناوچەی کەلا مەمێی سەر بە شارۆچکەی قلابانی شرناخ بە 10 هەزار سەرباز و جاشی گوندەکانی کتێر، دێرا هێنێ و سێگرکێ دەستی بە ئۆپەراسیۆن کردووە. سوپای تورکی داگیرکەر لە 29ی ئەیلوول\7ی ڕەزبەر سەرباز و جاشەکانی بە کۆپتەر هێناوەتە گوندەکانی دریان، ئاڤیان، ئاخیان، ڕژدێ، مەهرین، گردی ڕۆژنێ، گردی بایراک، دۆڵی هێزل، کانی تۆرشک و گوندی هۆزێ. هێزەکانی داگیرکەر لە 3ی تشرینی یەکەم\11ی ڕەزبەر دەوروبەری گوندەکانی مەهرین، دریان و ڕژدێ-یان سووتاندووە و لە ناوچەکە کشاونەتەوە.
$سوپای تورکیا هەمان ڕۆژ پاشەکشەی کرد$
سوپای تورکی داگیرکەر لە 28ی ئەیلوول\6ی ڕەزبەر لە سنووری پیردوودا-ی سەر بە ناوچەی فەراشینی شارۆچکەی ئەلکێی شرناخ دەستی بە ئۆپەراسیۆن کردووە. لە ئۆپەراسیۆنەکەدا لەنێوان سەربازانی دوژمن و هێزەکانماندا شەڕێکی سەخت ڕوویداوە. ڕوون نەبووەتەوە لەم شەڕەدا چەند سەرباز کوژران و بریندار بوون. له و شەڕەدا هەڤاڵمان چەکدار ئازاد قارەمانانە هەتا دوایین فیشەکی لە بەرانبەر دوژمن خۆی ڕاگرتووە و شەهید بووە. هەڤاڵمان سەرخوەبوون (سادق حەسەن ڕەشیدی)یش بەبرینداری کەوتووەتە دەستی دوژمن. هەمان ڕۆژ ئۆپەراسیۆن لە ناوچەکە پاشەکشەی کردووە.
$ناسنامەی هەڤاڵی شەهیدمان وەهایە:$
ناسناو: چەکدار ئازاد
ناو و پاشناو: فەردی مووسلوو
شوێنی لەدایکبوون: وان
ناوی دایک و باوک: سەمیهە - شەوکەت
شوێن و کاتی شەهیدبوون: شرناخ - 28ی ئەیلوولی 2018\6ی ڕەزبەر
$ناوچەی نەبرناڤێی سەر بە پاییزاوا بۆمباران کرا$
لە 14ی ئەیلوول\23ی خەرمانان کاتژمێر 22:30 سوپای تورکی داگیرکەر بە فڕۆکەی جەنگی ناوچەی نەبرناڤ-ی سەر بە شارۆچکەی پاییزاوای وان-ی بۆردومان کرد. لە دوای بۆردومانەکە سوپای تورکی داگیرکەر له بەرەبەیانیی 15ی ئەیلوول\24ی خەرمانان دەستی بە ئۆپەراسیۆنێک کردووە. لە ئۆپەراسیۆنەکەدا عەگید گۆیی (ڕۆژهات بابات) تەسلیمی هێزەکانی دوژمن بووە.
لە چەلێ ما‌کینەیەکی کاری سوپای تورک کرایە ئامانج
لە 3ی ئەیلوول\12ی خەرمانان کاتژمێر 9 هێزەکانمان لە دژی ئۆتۆمبێلێکی کاری سوپای تورکی داگیرکەر چالاکییەکیان ئەنجام داوە کە ڕێگەی گردی شووندر-ی لە سنووری دەشتان دروست دەکرد. لە چالاکییەکەدا ماکینەکە تێکشکێنراوە و کارکردنی ڕێگەکە وەستێنراوە.
$ناسنامەی گەریلا شەهیدەکان:$
لە ڕاگەیەنراوی ڕۆژی 26ی ئەیلوولی 2018\4ی ڕەزبەردا دەستنیشانمان کردبوو کە سوپای تورکی داگیرکەر لە ناوچەی ڕۆژدەرە-ی دێرسم دەستی بە ئۆپەراسیۆن کردووە و لە ئەنجامی بۆمباراندا 4 هەڤاڵمان شەهید بوون. ناسنامەی هەڤاڵە شەهیدەکانمان وەهایە:
1. ناسناو: ئارژین مالازگیرت
ناو و پاشناو: ئاسلی ئاکین
شوێنی لەدایکبوون: مووش
ناوی دایک و باوک: میاسەر کەرەم
شوێن و کاتی شەهیدبوون: دێرسم - 17ی ئەیلوولی 2018\26ی خەرمانان
2. ناسناو: ئازیمە چنار
ناو و پاشناو: فاتیمە سالتان
شوێنی لەدایکبوون: ئامەد
ناوی دایک و باوک: تورکی - شێخمووس
شوێن و کاتی شەهیدبوون: دێرسم - 17ی ئەیلوولی 2018\26ی خەرمانان
3. ناسناو: دیجلە گلیداگ
ناو و پاشناو: کەسیرە بیلیجی
شوێنی لەدایکبوون: وان
ناوی دایک و باوک: ناهیمە - سەڵاحەدین
شوێن و کاتی شەهیدبوون: دێرسم - 17ی ئەیلوولی 2018\26ی خەرمانان
4. ناسناو: سەفقان ئارداهان
ناو و پاشناو: محەمەد ئاشچی
شوێنی لەدایکبوون: ئیستەنبووڵ
ناوی دایک و باوک: گوندوز - نیعمەت
شوێن و کاتی شەهیدبوون: دێرسم - 17ی ئەیلوولی 2018\26ی خەرمانان
$فڕۆکەجەنگییەکانی سوپای تورک لە شوێنی هاوڵاتییانی سیڤیلی گەڤەریان دا$
فڕۆکە جەنگییەکانی سوپای تورکی داگیرکەر لە دژی هەرێمەکانی پاراستنی مەدیا هێرشی ئاسمانییان کردووه: لە 3ی ئەیلوول\11ی ڕەزبەر کاتژمێر 15:30 فڕۆکەجەنگییەکان ناوچەکانی چەمچۆ، شەهید شاهین و وەرخەلێی سەر بە هەرێمی زاپ-یان بۆردومان کردووە لە هەرێمەکانی پاراستنی مەدیا. لە هەمان ڕۆژدا کاتژمێر 19:50 فڕۆکە جەنگییەکان دەوروبەری گوندی ستوون-ی سەر بە ناوچەی گەڤەری جۆلەمێرگیان بۆردومان کردووە. لەم بۆردومانەدا ئاگر لە ڕەز و باخی گوندنشینان کەوتووەتەوە.)[1]
#04-10-2018#

ناوەندی ڕاگەیاندنی هێزەکانی سووریای دیموکراتیک (قەسەدە) ئاماری 24 کاتژمێری ڕابردووی شەڕی دواهەمین قۆناغی هەڵمەتی گەردەلوولی جزیر لە چوارچێوەی (شەڕی نەهێشتی تێرۆر)ی بڵاوکردەوە. قەسەدە ڕایگەیاند، 18 چەتەی دیکەی #داعش# لە سنووری دێرەزۆر کوژراون.
دەقی ڕاگەیەنراوی قەسەدە:
بەرەی باخۆز
لەنێوان هێزەکانمان و چەتەکانی داعش شەڕێک ڕوویداوە. #شەڕڤان#انی ئێمە 700 مەتر پێشڕەوییان کردووە و لە 5 شوێنی تازە جێگیر بوون.
شەڕڤانانمان هێرشەکانی داعشیان شکاندووە و لەم بەرەیە 2 چەتەیان کوشتووە. چەتەکان بە چەکی قورس هێرشیان کردووە. فڕۆکەکانی هێزەکانی هاوپەیمانەتیی نێونەتەوەییش لە بنکەکانی چەتەکانیان داوە و لە ناوچەکە شەڕ بەردەوامە.
بەرەی حەجین
دوای چەندین شەڕی سەخت، زۆر تێرۆریست کوژران. شەڕڤانانی ئێمە 400 مەتر پێشڕەوییان کردووە و لە 10 شوێنی تازە جێگیر بوون. شەڕڤانانمان مینێکی تێرۆیستانیان پووچەڵ کردووەتەوە، هەروەها فڕۆکەیەکی سیخووڕیی تێرۆریستانیان خستووەتە خوارەوە.
تێرۆریستان بە دۆشکە هێرشیان کردووەتە سەر هێزەکانمان، بەڵام هیچ زیانێک بە شەڕڤانانی ئێمە نەگەیشتووە. شەڕڤانان وەڵامی ئەم هێرشەیان داوەتەوە و دەربارەی ئەنجامەکانی ئەم هێرشە هیچ ئاگاییەکی ڕوون بەدەستنەخراوە. فڕۆکەکانی هاوپەیمانەتیی نێونەتەوەییش هێرشیان کردووەتە سەر زۆر بنکەی تێرۆریستان.
ئامار
- 18 چەتە کوژران.
- فڕۆکەکانی هاوپەیمانان 10 شوێنیان بۆردومان کردووە.
- هاوەنێکی تێرۆریستان لەناوبراوە، فڕۆکەیەکی سیخووڕی خراوەتە خوارەوە و 3 بنکەی تێرۆریستان ڕووخێنراون.
- مینێکی تێرۆیستان پووچەڵ کراوەتەوە.[1]
#04-10-2018#